ಇಡ್ಲಿಗೆ ಬೆಸ್ಟ್ ಜೋಡಿ ಘಮ ಘಮ ಈರುಳ್ಳಿ ಸಾಂಬಾರ್

Breakfast

oi-Staff

By Super

Updated: Thursday, March 14, 2013, 12:56 [IST]

ಇಡ್ಲಿ ಜೊತೆ ಈರುಳ್ಳಿ ಸಾಂಬಾರ್ ಕಾಂಬಿನೇಶನ್ ಬಲುರುಚಿ. ಅನ್ನಕ್ಕೂ ಈ ಸಾಂಬಾರ್ ಒಳ್ಳೆ ಟೇಸ್ಟ್ ನೀಡುತ್ತೆ. ಕೇವಲ ಹೋಟೆಲ್ ನಲ್ಲಿ ಮಾತ್ರವಲ್ಲ, ಮನೆಯಲ್ಲೂ ರುಚಿಕರವಾದ ಈರುಳ್ಳಿ ಸಾಂಬಾರ್ ಮಾಡಲು ಸಾಧ್ಯವಿದೆ. ಅದೂ ಕೂಡ ಸುಲಭವಾಗಿ. ಈರುಳ್ಳಿ ಸಾಂಬಾರ್ ಮಾಡುವ ವಿಧಾನ ತಿಳಿದುಕೊಳ್ಳಿ.

ಈರುಳ್ಳಿ ಸಾಂಬಾರ್ ಗೆ ಬೇಕಾಗುವ ಸಾಮಗ್ರಿ: 2 ಚಮಚ ಧನಿಯಾ, 2 ಚಮಚ ಉದ್ದಿನ ಬೇಳೆ, 2 ಕೆಂಪು ಮೆಣಸಿನಕಾಯಿ, 1/2 ಕಪ್ ತೆಂಗಿನ ತುರಿ, 1/4 ಕಪ್ ಜೀರಿಗೆ, 1/4 ಕೆ.ಜಿ ಚಿಕ್ಕ ಈರುಳ್ಳಿ (ನಾಟಿ), 1 ಟೊಮೆಟೊ, ಕೊತ್ತಂಬರಿ, ಸಾಸಿವೆ, ಎಣ್ಣೆ, ಉಪ್ಪು, 1 ಚಮಚ ತುಪ್ಪ

ಈರುಳ್ಳಿ ಸಾಂಬಾರ್ ಮಾಡುವುದು ಹೇಗೆ?
* ಒಂದು ಬಾಣಲೆಗೆ ಎಣ್ಣೆ ಹಾಕಿ ಕಾದ ನಂತರ ಉದ್ದಿನ ಬೇಳೆಯನ್ನು ಸ್ವಲ್ಪ ಕೆಂಪಗಾಗುವ ತನಕ ಹುರಿದುಕೊಳ್ಳಬೇಕು. ಇದಾದ ನಂತರ ಅದರಲ್ಲಿ ಧನಿಯಾ ಬೀಜ, ಜೀರಿಗೆ, ಕೆಂಪು ಮೆಣಸಿನಕಾಯಿ ಮತ್ತು ತೆಂಗಿನ ತುರಿಯನ್ನು ಹುರಿದು ಪಕ್ಕಕ್ಕಿಟ್ಟುಕೊಳ್ಳಬೇಕು.

* ಒಂದು ಪಾತ್ರೆಗೆ ಒಂದು ಲೋಟ ನೀರು ಹಾಕಿ ಅದಕ್ಕೆ ಟೊಮೆಟೊ, ಈರುಳ್ಳಿ ಮತ್ತು ರುಚಿಗೆ ತಕ್ಕಂತೆ ಉಪ್ಪು ಹಾಕಬೇಕು. (ಸಾಂಬಾರ್ ಸ್ವಲ್ಪ ಖಾರವಿರಬೇಕೆಂದರೆ ಮೆಣಸಿನಕಾಯಿಪುಡಿ ಅಥವಾ ಸಾಂಬಾರ್ ಪುಡಿ ಬೆರೆಸಬಹುದು). 5-10 ನಿಮಿಷ ಸಣ್ಣ ಉರಿಯಲ್ಲಿ ಈ ಮಿಶ್ರಣವನ್ನು ಬೇಯಿಸುತ್ತಿರಬೇಕು.

* ಹುರಿದಿಟ್ಟುಕೊಂಡಿದ್ದ ಮಿಶ್ರಣವನ್ನು ಪೇಸ್ಟ್ ನಂತೆ ರುಬ್ಬಿಕೊಂಡು ಕುದಿಯುತ್ತಿರುವ ಮಿಶ್ರಣಕ್ಕೆ ಬೆರೆಸಬೇಕು. ಮಸಾಲೆಯ ವಾಸನೆ ಬರುವವರೆಗೂ ಸಾಂಬಾರನ್ನು ತಿರುಗಿಸುತ್ತಿರಬೇಕು.

* ನಂತರ ಒಲೆ ಆರಿಸಿ, ಸಾಂಬಾರಿಗೆ ಸಾಸಿವೆ ಒಗ್ಗರಣೆ ನಿಡಬೇಕು. ಕೊನೆಯಲ್ಲಿ ಇದಕ್ಕೆ ಒಂದು ಚಮಚ ತುಪ್ಪ ಬೆರೆಸಿದರೆ ಸಾಕು ಸಾಂಬಾರ್ ಘಂ ಅಂತಿರುತ್ತೆ.