ಗರ್ಭಿಣಿಯಾಗಿದ್ದಾಗ ಬೀಳುವ ಸ್ಟ್ರೆಚ್‌ ಮಾರ್ಕ್ಸ್ ಹೋಗಲಾಡಿಸಬಹುದೇ?

ಹೆರಿಗೆಯ ಸೆಳೆತದ ಗುರುತುಗಳು ಏಕೆ ಮೂಡುತ್ತವೆ?

ಗರ್ಭವಾಸ್ಥೆಯ ಎಲ್ಲಾ ಹಂತಗಳಲ್ಲೂ ಗರ್ಭವತಿಯ ದೇಹವನ್ನು ಹಲವಾರು ರಸದೂತಗಳು ನಿಯಂತ್ರಿಸುತ್ತವೆ. ದಿನ ಕಳೆದಂತೆ ಮಗುವಿನ ಬೆಳವಣಿಗೆಗೆ ಪೂರಕವಾಗಿ ಹೊಟ್ಟೆಯ ಗಾತ್ರವೂ ಹೆಚ್ಚುತ್ತದೆ. ಹೊಟ್ಟೆ ಉಬ್ಬುತ್ತಿದ್ದಂತೆ ಹೊಟ್ಟೆಯ ಚರ್ಮದ ನಾರಿನಂಶಗಳೂ ಸೆಳೆತಕ್ಕೆ ಒಳಗಾಗುತ್ತವೆ. ರಬ್ಬರ್ ಬ್ಯಾಂಡ್ ಎಳೆದು ಬಿಟ್ಟ ಬಳಿಕ ಮೂಡುವಂತಹ ಉದ್ದನೆಯ ಗೀರುಗಳು ಇಲ್ಲೂ ಮೂಡುತ್ತವೆ.

ಚರ್ಮದ ನಾರುಗಳು ರಬ್ಬರಿನಂತಹ ಗುಣ ಹೊಂದಿರದ ಕಾರಣ ಸೆಳೆತಕ್ಕೆ ಒಳಗಾದ ಬಳಿಕ ಪರಿಪೂರ್ಣವಾಗಿ ಮೊದಲ ಸ್ಥಿತಿ ಪಡೆಯಲು ಸಾಧ್ಯವಿಲ್ಲ. ಹಾಗಾಗಿ ಮೊದಲ ಸ್ಥಿತಿ ಪಡೆಯದೇ ಕೊಂಚವೇ ಹೆಚ್ಚು ಇರುತ್ತದೆ. ಮಗುವಿನ ಬೆಳವಣಿಗೆಯ ವೇಗ ಹೆಚ್ಚಿದಷ್ಟೂ ಸೆಳೆತಕ್ಕೊಳಗಾಗುವ ವೇಗವೂ ಹೆಚ್ಚುತ್ತದೆ. ಈ ಮಹಿಳೆಯರಿಗೆ ಹೆಚ್ಚು ಗಾಢವಾದ ಪಟ್ಟೆಗಳು ಕಾಣಿಸಿಕೊಳ್ಳಬಹುದು.

ಅಲ್ಲದೇ ಪ್ರತಿ ಮಹಿಳೆಯ ಚರ್ಮದ ನಾರುಗಳ ವಿನ್ಯಾಸದಲ್ಲಿಯೂ ಕೊಂಚ ವ್ಯತ್ಯಾಸವಿದ್ದು ಪ್ರತಿಯೊಬ್ಬರಿಗೂ ಬೇರೆಯೇ ಬಗೆಯ ಮತ್ತು ಗಾಢತೆಯ ಪಟ್ಟೆಗಳು ಮೂಡುತ್ತವೆ.

ಗರ್ಭಾವಸ್ಥೆಯ ಯಾವ ಹಂತದಲ್ಲಿ ಈ ಗುರುತುಗಳು ಮೂಡಲು ಪ್ರಾರಂಭವಾಗುತ್ತವೆ?

ಹೆಚ್ಚಿನ ಗರ್ಭವತಿಯರಲ್ಲಿ ಈ ಗುರುತುಗಳು ಎರಡನೆಯ ತ್ರೈಮಾಸಿಕದಲ್ಲಿ ಪ್ರಾರಂಭವಾಗುತ್ತವೆ. ಯಾವಾಗ ಚರ್ಮದ ಸೆಳೆತದ ಗರಿಷ್ಟ ಪ್ರಮಾಣ ಕಾಣಿಸಿಕೊಳ್ಳುತ್ತದೆ ಎಂಬುದು ಮಗುವಿನ ಬೆಳವಣಿಗೆಯ ವೇಗ ಮತ್ತು ಗರ್ಭವತಿ ಪಡೆದ ತೂಕ ಇವೆಲ್ಲವನ್ನೂ ಅವಲಂಬಿಸಿರುತ್ತದೆ.

ನೆರಿಗೆ ಮೂಡದಂತೆ ತಡೆಯುವುದು ಹೇಗೆ

ಪಟ್ಟೆಯಂತೆ ಮೂಡಿರುವ ಗುರುತುಗಳ ಮೇಲೆ ಬಾದಾಮಿ ಎಣ್ಣೆಯಿಂದ ಮಸಾಜ್ ಮಾಡಿ. ಬದಲಿಗೆ ಕೊಕೊ ಬೆಣ್ಣೆ ಅಥವಾ ತೆಂಗಿನ ಎಣ್ಣೆಯಂತಹ ಯಾವುದೇ ನೈಸರ್ಗಿಕ ಎಣ್ಣೆಯನ್ನು ಅವುಗಳ ಮೇಲೆ ಉಜ್ಜುವ ಮೂಲಕ ಚರ್ಮವನ್ನು ತೇವಗೊಳಿಸಲು ಮತ್ತು ಬಲಪಡಿಸಲು ಸಹಾಯ ಮಾಡುತ್ತದೆ. ಎಲ್ಲಾ ತ್ವಚೆಯ ಉತ್ಪನ್ನಗಳು ಮಗುವಿಗೆ ಒಳ್ಳೆಯದಲ್ಲ.

ಚರ್ಮಕ್ಕೆ ಉರಿ ತರಿಸುವ ಅಥವಾ ಅದರಿಂದ ಹೀರಿಕೊಳ್ಳುವ ಮತ್ತು ಸಂಕೋಚನವನ್ನು ಉಂಟುಮಾಡುವ ಸಾರಭೂತ ತೈಲಗಳನ್ನು ಬಳಸದಿರಿ. ಗರ್ಭಾವಸ್ಥೆ, ಬಾಣಂತನ ಮತ್ತು ಸ್ತನ್ಯಪಾನ ಮಾಡುವಾಗ ರೆಟಿನ್-ಎ ನಂತಹ ರೆಟಿನಾಯ್ಡ್‌ಗಳನ್ನು ಸೇವಿಸಬಾರದು.

ಅಲ್ಲದೇ ಸಾಕಷ್ಟು ನೀರು ಕುಡಿಯುವುತ್ತಿರುವ ಮೂಲಕ ಚರ್ಮದ ಸ್ಥಿತಿಸ್ಥಾಪಕ ಗುಣ ಹೆಚ್ಚುತ್ತದೆ ಮತ್ತು ಚರ್ಮದ ನಾರುಗಳು ಹೆಚ್ಚು ಮೃದುವಾಗಿರಲು ಮತ್ತು ನಿಮ್ಮ ಚರ್ಮದಲ್ಲಿ ಹೆಚ್ಚು ಆರ್ದ್ರತೆ ಇರುವಂತೆ ಮಾಡಲು ಸಹಾಯ ಮಾಡುತ್ತದೆ.

ನೆರಿಗೆಯ ಗುರುತುಗಳು ಶಾಶ್ವತವಾಗಿರುತ್ತವೆಯೇ?

ಹೆರಿಗೆಯ ಗುರುತುಗಳು ಪರಿಪೂರ್ಣವಾಗಿ ಹೋಗದೆ ಇದ್ದರೂ ಇದನ್ನು ಸಾಕಷ್ಟು ಮಟ್ಟಿಗೆ ಕುಂದಿಸಬಹುದು. ಬಾಣಂತನದ ಅವಧಿಯಲ್ಲಿ ಈ ಪಟ್ಟೆಗಳು ಸಹಜವರ್ಣದ ನಡುವೆ ಗುಲಾಬಿ ಬಣ್ಣದಂತೆ ಇದ್ದು ಹೆಚ್ಚು ಸ್ಪಷ್ಟವಾಗಿ ಎದ್ದು ಕಾಣುತ್ತವೆ. ದಿನ ಕಳೆದಂತೆ ಈ ಗುಲಾಬಿ ಬಣ್ಣ ಸಹಜವರ್ಣದ ಹತ್ತಿರ ಹತ್ತಿರ ಬರುತ್ತಾ ಎರಡನೇ ನಡುವಣ ವ್ಯತ್ಯಾಸ ಹೆಚ್ಚು ಗಮನಕ್ಕೆ ಬಾರದಷ್ಟು ಗಾಢವಾಗುತ್ತದೆ.

ಈ ಗುರುತುಗಳು ನಿಜವಾಗಿ ನೀವು ತಾಯಿಯಾಗಿ ಈ ಜೀವನದಲ್ಲಿ ಸಾರ್ಥಕತೆ ಅನುಭವಿಸಿದ ಗುರುತಾಗಿದೆ. ಇದು ನಿಮಗೆ ಹೆಮ್ಮೆಯ ವಿಷಯವಾಗಬೇಕೇ ವಿನಃ ಕೀಳರಿಮೆ ಸಲ್ಲದು. ಇನ್ನು ಇದನ್ನು ಕಡಿಮೆಗೊಳಿಸಲು ಕೆಲವಾರು ಚಿಕಿತ್ಸೆಗಳು ಲಭ್ಯವಿವೆ ಹಾಗೂ ಇವು ಸಾಕಷ್ಟು ಪರಿಣಾಮಕಾರಿಯಾಗಿಯೂ ಇವೆ. ಇವುಗಳನ್ನು ಅನುಸರಿಸುವ ಬಗ್ಗೆ ಯೋಚಿಸಬಹುದು.

ಈ ಬಗ್ಗೆ ನೀವಾಗಿ ಯಾವುದೇ ತೀರ್ಮಾನವನ್ನು ತೆಗೆದುಕೊಳ್ಳದೇ ನಿಮ್ಮ ವೈದ್ಯರ ಸಲಹೆ ಪಡೆಯಿರಿ. ನಿಮ್ಮ ಆರೋಗ್ಯದ ಮಾಹಿತಿಗಳನ್ನು ಪರಿಗಣಿಸಿ ವೈದ್ಯರೇ ಇದಕ್ಕೂ ಸೂಕ್ತ ಚಿಕಿತ್ಸೆಯನ್ನು ಸೂಚಿಸುತ್ತಾರೆ. ಇದನ್ನು ಮಾತ್ರವೇ ಅನುಸರಿಸಿ.