ಅವಧಿ ಪೂರ್ವ ಮಗು ಜನಿಸಿದರೆ ಪೋಷಕರು ಏನು ಮಾಡಬೇಕು?

ಅವಧಿ ಪೂರ್ವ ಮಗು ಜನಿಸಿದರೆ ತೊಂದರೆಗಳೇನು?

ಅವಧಿ ಪೂರ್ವ ಮಗು ಜನಿಸಿದರೆ ಆ ಮಗು ಕಡಿಮೆ ಮೈ ತೂಕ ಹೊಂದಿರುತ್ತದೆ ಹಾಗೂ ಅಂಥ ಮಕ್ಕಳಲ್ಲಿ ಉಸಿರಾಟಕ್ಕೆ ತೊಂದರೆ ಕಾಣಿಸಿಕೊಳ್ಳುವುದು. ಆ ಮಗವನ್ನು ತೀವ್ರ ನಿಗಾ ಘಟಕದಲ್ಲಿ ಇಟ್ಟು ಆರೈಕೆ ಮಾಡಬೇಕಾಗುತ್ತದೆ.

ಪೋಷಕರು ಏನು ಮಾಡಬೇಕು

ಅವಧಿ ಪೂರ್ವ ಮಗು ಜನಿಸಿದರೆ ಆ ಮಗು ಬದುಕಿಳಿಯುವುದೋ? ಇಲ್ವೋ ಎಂಬ ಆತಂಕ ಇರುವುದರಿಂದ ಪೋಷಕರು ತುಂಬಾನೇ ಮಾನಸಿಕ ಒತ್ತಡಕ್ಕೆ ಒಳಗಾಗುತ್ತಾರೆ. ಈ ಸಮಯದಲ್ಲಿ ತಾಯಿಗೆ ತುಂಬಾನೇ ಮಾನಸಿಕ ಧೈರ್ಯ ತುಂಬುವ ಕಾರ್ಯ ಗಂಡ ಹಾಗೂ ಮನೆಯವರು ಮಾಡಬೇಕಾಗುತ್ತದೆ.

ಮಗುವಿಗೆ ಎದೆ ಹಾಲುಣಿಸಲು ಕೂಡ ಸಾಧ್ಯವಾಗುವುದಿಲ್ಲ, ದಾದಿಯರೇ ಸಿರೆಂಜ್‌ನಲ್ಲಿ ಎಳೆದು ತೆಗೆದು ಮಗುವಿಗೆ ಕೊಡುವ ಪ್ರಯತ್ನ ಮಾಡುತ್ತಾರೆ

ಇನ್ನು ಅವಧಿ ಪೂರ್ವ ಮಗುವಿನ ಆರೈಕೆ ಆಸ್ಪತ್ರೆಗಿಂತ ಮನೆಯಲ್ಲಿ ತುಂಬಾ ಸವಾಲಿನಿಂದ ಕೂಡಿರುತ್ತೆ.

ಮನೆಯಲ್ಲಿ ಮಗುವಿಗಾಗಿ ಸೂಕ್ತ ವ್ಯವಸ್ಥೆ ಕಲ್ಪಿಸಬೇಕು

ಮಗುವನ್ನು ಬೆಚ್ಚನೆ ಮಲಗಿಸಬೇಕು, ಆದರೆ ಮಗುವಿನ ಮುಖದ ಮೇಲೆ ಬೆಡ್‌ಶೀಟ್‌ ಬೀಳದಂತೆ ತುಂಬಾನೇ ಎಚ್ಚರವಹಿಸಬೇಕು. ಈ ರೀತಿ ಮಗುವನ್ನು ಮಲಗಿಸಲು ಸರಿಯಾದ ವ್ಯವಸ್ಥೆ ಮಾಡಿದರೆ ಮಗು ನಿದ್ದೆ ಮಾಡುತ್ತೆ.

ಮಗುವನ್ನು ಸ್ನಾನ ಮಾಡಿಸುವುದು ಹೇಗೆ?

ಅವಧಿ ತುಂಬಿ ಜನಿಸಿದ ಮಗುವಾದರೆ ಪ್ರತಿದಿನ ಸ್ನಾನ ಮಾಡಿಸುತ್ತಾರೆ, ಆದರೆ ಅವಧಿಗೆ ಮುನ್ನ ಜನಿಸಿದ ಮಗುವಾದರೆ ಸ್ಪಾಂಜ್‌ ಬಾತ್‌ ಅಷ್ಟೇ ನೀಡಬಹುದು. ಕನಿಷ್ಠ ಎರಡು ತಿಂಗಳು ಹೀಗೆ ಮಾಡಬೇಕಾಗುವುದು.

ಅವಧಿಪೂರ್ವ ಜನಿಸಿದ ಮಗುವಿಗೆ ಎಣ್ಣೆ ಹಚ್ಚಿ ಮಸಾಜ್ ಮಾಡುವುದು ಮಾಡಬೇಡಿ.

ಮಗುವನ್ನು SIDS (ಇದ್ದಕ್ಕಿದ್ದಂತೆ ಮಗು ಸಾವನ್ನಪ್ಪುವುದು)ನಿಂದ ಪಾರು ಮಾಡುವುದೇಗೆ?

6 ತಿಂಗಳಿನ ಒಳಗಿನ ಮಗುವಿನಲ್ಲಿ ಈ ರೀತಿಯ ಸಮಸ್ಯೆ ಕಂಡು ಬರುತ್ತೆ, ಏಕೆ ಈ ರೀತಿಯಾಗುತ್ತದೆ ಎಂದು ನೋಡುವುದಾದರೆ ನಿದ್ದೆಯಲ್ಲಿ ತುಂಬಾನೇ ಗಮನಿಸಬೇಕು. ಮಗು ನಿದ್ದೆ ಮಾಡುವಾಗ ಮುಖದ ಮೇಲೆ ಬೆಡ್‌ಶೀಟ್‌, ಬಟ್ಟೆ ಬೀಳದಂತೆ, ಎಳೆದು ಹಾಕದಂತೆ ನೋಡಿಕೊಳ್ಳಬೇಕು, ಇಲ್ಲದಿದ್ದರೆ ಉಸಿರುಕಟ್ಟಿ ಸಾವನ್ನಪ್ಪುವುದು.

6 ತಿಂಗಳ ಒಳಗಿನ ಮಗುವನ್ನು ಹೊಟ್ಟೆ ಮೇಲೆ ನಿದ್ರಿಸಲು ಬಿಡಬಾರದು, ಹಗೆ ಮಾಡಿದರೆ ಮೂಗುವಿನ ಮೂಲಕ ಉಸಿರಾಡಲು ಕಷ್ಟವಾಗ ಸಾವನ್ನಪ್ಪುವುದು. ಒಂಉ ಬದಿ ತಿರುಗಿ ಮಲಗುವುದು ಕೂಡ ಮಗಿವಿಗೆ ಸುರಕ್ಷಿತವಲ್ಲ.

ಮಗುವಿಗೆ ಹಾಲುಣಿಸುವಾಗ ನೀವು ಮಲಗಿ ಕೊಡಬೇಡಿ, ನೀವು ಕೂತು, ಮಗುವನ್ನು ಸ್ವಲ್ಪ ಕೂರುವ ಭಂಗಿಯಲ್ಲಿ ಇರಿಸಿ (ಸಂಪೂರ್ಣವಲ್ಲ) ನಂತರ ಹಾಲುಣಿಸಿ.

ಮಗುವಿನ ಜೊತೆ ಮಲುಗುವಾಗಲೂ ತುಂಬಾ ಎಚ್ಚರವಹಿಸಿ.

ಎಚ್ಚರಿಕೆವಹಿಸಿ

ಅವಧಿ ಪೂರ್ವ ಮಗು ಜನಿಸಿದರೆ ಮಗುವನ್ನು ನೋಡಲು ಸ್ವಲ್ಪ ಸಮಯ ಯಾರಿಗೂ ಅನುಮತಿಸಬೇಡಿ

ಮಗುವಾದರೆ ನೆಂಟರಿಷ್ಟರು ಬರುವುದು ಸಹಜ, ಆದರೆ ಒಂದೆರಡು ತಿಂಗಳವರೆಗೆ ಬಾರದಂತೆ ರಿಕ್ವೆಸ್ಟ್ ಮಾಡಿ.

ನಿಮ್ಮ ವೈದ್ಯರು ತುರ್ತು ಸಂದರ್ಭದಲ್ಲಿ ಸಿಗುವಂತಿರಬೇಕು?

ಸಮೀಪದ ಸುಸಜ್ಜಿತ ಆಸ್ಪತ್ರೆಯ ವೈದ್ಯರ ಪರಿಚಯ ನಿಮಗಿರಬೇಕು, ಏನಾದರೂ ತುರ್ತು ಪರಿಸ್ಥಿತಿ ಬಂದ್ರೆ ಕೂಡಲೇ ಕೊಂಡೊಯ್ಯುವಂತಿರಬೇಕು.

ಅವಧಿಪೂರ್ವ ಮಗ ಜನಿಸಿದಾಗ ತುಂಬಾ ಆತಂಕ ಪಡಬೇಡಿ, ತುಸು ಹೆಚ್ಚಿನ ಜಾಗ್ರತೆಯಿಂದ ನೋಡಿಕೊಳ್ಳಿಯಷ್ಟೇ....