ಗರ್ಭಿಣಿಯರು ಮಿಸ್ ಮಾಡಲೇಬಾರದ ಹಣ್ಣುಗಳು ಯಾವುದು ಗೊತ್ತೇ?

Published: Tuesday, June 3, 2014, 17:09 [IST]

ಗರ್ಭಿಣಿಯರು ತಮ್ಮ ಆಹಾರಕ್ರಮದ ಬಗ್ಗೆ ತುಂಬಾ ಎಚ್ಚರಿಕೆಯಿಂದ ಇರಬೇಕು. ಕೆಲವೊಂದು ಆಹಾರಗಳನ್ನು ತಿನ್ನಬಾರದು, ಕೆಲವೊಂದು ಆಹಾರಗಳನ್ನು ಪೋಷಕಾಂಶದ ಕೊರತೆ ಉಂಟಾಗದಿರಲು ಅವಶ್ಯಕವಾಗಿ ತಿನ್ನಬೇಕು. ಗರ್ಭಿಣಿಯರಿಗೆ ಅವಶ್ಯಕವಾದ ಪೋಷಕಾಂಶಗಳು ಕೆಲವೊಂದು ಹಣ್ಣುಗಳಲ್ಲಿವೆ.

ಅದರಲ್ಲೂ ಗರ್ಭಿಣಿಯರು ಈ ಕೆಳಗಿನ ಹಣ್ಣುಗಳನ್ನು ತಪ್ಪದೇ ತಮ್ಮ ಡಯಟ್ ನಲ್ಲಿ ಸೇರಿಸಿದರೆ ಪೋಷಕಾಂಶದ ಕೊರತೆ ಉಂಟಾಗುವುದಿಲ್ಲ ಹಾಗೂ ತಾಯಿ ಹಾಗೂ ಭ್ರೂಣದಲ್ಲಿರುವ ಮಗುವಿನ ಬೆಳವಣಿಗೆಗೆ ಸಹಕಾರಿಯಾಗಿದೆ.

ಪ್ರತಿ ಗರ್ಭಿಣಿ ಸ್ತ್ರೀಯ ಅಹಾರಕ್ರಮದಲ್ಲಿ ಇರಲೇಬೇಕಾದ 7 ಅವಶ್ಯಕ ವಸ್ತುಗಳು

ದ್ರಾಕ್ಷಿ

ಗರ್ಭಿಣಿಯರು ದ್ರಾಕ್ಷಿ ತಿನ್ನುವುದು ತುಂಬಾ ಒಳ್ಳೆಯದು. ಇದರಲ್ಲಿ ವಿಟಮಿನ್ ಎ ಇದ್ದು ಗರ್ಭಾವಸ್ಥೆಯಲ್ಲಿ ಸಾಮಾನ್ಯವಾಗಿ ಕಂಡು ಬರುವ ಮಲಬದ್ಧತೆ ಸಮಸ್ಯೆ ಉಂಟಾಗದಂತೆ ನೋಡಿಕೊಳ್ಳುತ್ತದೆ.

ಸೇಬು ಹಣ್ಣು

ಗರ್ಭಿಣಿಯರು ಪ್ರತೀದಿನ ಒಂದು ಸೇಬು ತಿನ್ನುವುದು ಒಳ್ಳೆಯದು. ಸೇಬು ರಕ್ತಹೀನತೆ ಬರದಂತೆ ತಡೆಯುತ್ತದೆ.

ಕಿತ್ತಳೆ

ಗರ್ಭಿಣಿಯರು ಸ್ವಲ್ಪ ಹುಳಿ ಇರುವ ಹಣ್ಣುಗಳನ್ನು ತುಂಬಾ ಇಷ್ಟಪಡುತ್ತಾರೆ. ಈ ಕಿತ್ತಳೆಯಲ್ಲಿ ವಿಟಮಿನ್ಸ್ ಮತ್ತು ಪೋಷಕಾಂಶಗಳು ಅಧಿಕವಾಗಿರುತ್ತದೆ.

ಬೆರ್ರಿ ಹಣ್ಣುಗಳು

ಎಲ್ಲಾ ರೀತಿಯ ಬೆರ್ರಿ ಹಣ್ಣುಗಳನ್ನು ಗರ್ಭಿಣಿಯರು ತಿನ್ನಬಹುದು. ಈ ಬೆರ್ರಿ ಹಣ್ಣುಗಳಲ್ಲಿ antioxidants ಅಧಿಕವಿರುತ್ತದೆ.

ಬಾಳೆ ಹಣ್ಣು

ಬಾಳೆ ಹಣ್ಣು ದೇಹಕ್ಕೆ ಶಕ್ತಿಯನ್ನು ತುಂಬುವುದರ ಜೊತೆಗೆ ಮಲಬದ್ಧತೆ ಸಮಸ್ಯೆ ಬರದಂತೆ ಆರೋಗ್ಯ ರಕ್ಷಣೆ ಮಾಡುತ್ತದೆ. ಇದರಲ್ಲಿ ವಿಟಮಿನ್ ಎ, ಬಿ6, ಪೊಟಾಷ್ಯಿಯಂ, ಪ್ರೊಟೀನ್, ಮ್ಯಾಗ್ನಿಷ್ಯಿಯಂ, ಫೋಲೆಟ್ ಹೀಗೆ ಅನೇಕ ಪೋಷಕಾಂಶಗಳಿವೆ.