2ನೇ ತಿಂಗಳು: ಗರ್ಭಿಣಿಯರಿಗೆ ಡಯಟ್ ಟಿಪ್ಸ್

Pre Natal

oi-Reena

By Hema S

Published: Monday, February 6, 2012, 11:52 [IST]

ಗರ್ಭಿಣಿಯಾಗುವುದರ ಲಕ್ಷಣಗಳನ್ನು ನೀವೆ ಪತ್ತೆ ಮಾಡಿ ನಲ್ಲಿ ಹೇಳಿರುವ ಲಕ್ಷಣಗಳಿಂದ ನೀವು ಗರ್ಭಿಣಿಯೆಂದು ಖಚಿತಪಡಿಸಿಕೊಳ್ಳಬಹುದಾಗಿದೆ. ನಿಖರವಾಗಿ ಖಚಿತಪಡಿಸಲು ವೈದ್ಯರನ್ನು ಸಂಪರ್ಕಿಸಿ. ಪರೀಕ್ಷೆಯಲ್ಲಿ ಗರ್ಭಿಣಿಯೆಂದು ಖಚಿತವಾದ ಮೇಲೆ ಗರ್ಭಿಣಿಯರು ಕಟ್ಟುನಿಟ್ಟಿನ ಡಯಟ್ ಪಾಲಿಸುವುದು ಅವಶ್ಯಕ. 2ನೇ ತಿಂಗಳಿನಲ್ಲಿ ಗರ್ಭಿಣಿಯರಿಗೆ ಆರೋಗ್ಯಕರವಾದ ಆಹಾರಕ್ರಮದ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಬೇಗನೆ ಜೀರ್ಣವಾಗುವ ಆಹಾರಗಳ ಸೇವನೆ ಒಳ್ಳೆಯದು. ಏಕೆಂದರೆ ಗರ್ಭಿಣಿಯರಿಗೆ ಜೀರ್ಣಕ್ರಿಯೆಯಲ್ಲಿ ತೊಂದರೆ ಕಾಣಿಸಿಕೊಂಡು ಮಲಬದ್ಧತೆ ಮತ್ತು ಅಸಿಡಿಟಿಯಂತಹ ತೊಂದರೆಗಳು ಕಾಣಿಸಿಕೊಳ್ಳುವುದರಿಂದ ಸುಲಭವಾಗಿ ಜೀರ್ಣವಾಗುವಂತಹ ಆಹಾರಗಳ ಸೇವನೆ ಒಳ್ಳೆಯದು.

2. ಸೊಪ್ಪು ತರಕಾರಿಗಳು, ಬಾಳೆಹಣ್ಣು, ಸೇಬು, ಮೊಸರು, ಹಾಲು ಇವುಗಳನ್ನು ಸೇವಿಸಬೇಕು.

3. ಅನ್ನ, ಆಲೂಗೆಡ್ಡೆ, ಗೋಧಿಯ ಆಹಾರ, ಓಟ್ ಮೀಲ್ಸ್ ಇವುಗಳನ್ನು ಸೇವಿಸುವುದರಿಂದ ಬೇಗನೆ ಹೊಟ್ಟೆ ಹಸಿಯುವುದಿಲ್ಲ ಅಲ್ಲದೆ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸುತ್ತದೆ.

4. ನಾರಿನಂಶ ಅಧಿಕವಿರುವ ಆಹಾರಗಳನ್ನು ಹೆಚ್ಚಾಗಿ ಸೇವಿಸಬೇಕು.

5. ಎರಡನೇ ತಿಂಗಳಲ್ಲಿ ಭ್ರೂಣವು ಬೆಳೆಯಲಾರಂಭಿಸುವುದರಿಂದ ಗರ್ಭಿಣಿಯರು ಪ್ರೊಟೀನ್ ಮತ್ತು ಕ್ಯಾಲ್ಸಿಯಂ ಇರುವ ಆಹಾರಗಳನ್ನು ಅಧಿಕವಾಗಿ ಸೇವಿಸಬೇಕು. ಇಲ್ಲದಿದ್ದರೆ ನಿಶ್ಯಕ್ತಿ ಉಂಟಾಗುತ್ತದೆ.

6. ಮೊಟ್ಟೆ, ಹಾಲು, ಮೊಸರು ಸೇವನೆಯಿಂದ ಮೂಳೆಗಳು ಬಲವಾಗುತ್ತವೆ. ಆದರೆ ಸಾಫ್ಟ್ ಚೀಸ್ ಸೇವಿಸದಿರುವುದು ಒಳ್ಳೆಯದು.

7. ಮಾಂಸಾಹಾರ ಸೇವನೆ ಕೂಡ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

8. ಪೈನಾಪಲ್ ಹಾಗೂ ಪಪ್ಪಾಯಿಗಳನ್ನು ಸೇವಿಸಬಾರದು.

9. ದಿನವೂ 8-10 ಲೋಟ ನೀರನ್ನು ಕುಡಿಯಬೇಕು.

ಗರ್ಭಾವಸ್ಥೆಯಲ್ಲಿ ಅಧಿಕ ಭಾರವನ್ನು ಎತ್ತುವುದು ಮತ್ತು ದೂರ ಪ್ರಯಾಣ ಮಾಡುವುದಾಗಲಿ ಮಾಡಬಾರದು.