ಮಗುವಿಗೆ ಎದೆಹಾಲು ಕುಡಿಸದೇ ಇದ್ದರೆ, ನಿಮ್ಮ ಆರೋಗ್ಯಕ್ಕೇ ತೊಂದರೆ!

ಇದಕ್ಕೆ ಕಾರಣವೇನು:?

ಹಾಲು ಮಗುವಿನ ಬೆಳವಣಿಗೆಗೆ ತುಂಬಾ ಅಗತ್ಯವಾದ ಆಹಾರವಾಗಿದ್ದು ಇದನ್ನು ಮಗು ಕುಡಿದಷ್ಟೂ ತಾಯಿಯ ದೇಹದಲ್ಲಿ ಇನ್ನಷ್ಟು ಉತ್ಪತ್ತಿಯಗುತ್ತದೆ. ಯಾವಾಗ ಮಗುವಿಗೆ ಹಾಲುಣಿಸುವುದಿಲ್ಲವೋ ಆಗ ಉತ್ಪತ್ತಿ ನಿಂತೇ ಹೋಗುತ್ತದೆ.

ಹಾಲು ಉಣಿಸದೇ ಸ್ತನಗಳ ಗಾತ್ರ ಹೆಚ್ಚದಿರಲು ಏನು ಮಾಡಬೇಕು?

ಅನಿವಾರ್ಯ ಕಾರಣಗಳಿಂದ ಹಾಲೂಡಿಸಲು ಸಾಧ್ಯವಾಗದೇ ಇರುವ ತಾಯಂದಿರು ಸ್ತನಗಳಿಗೆ ಕೊಂಚ ಬಿಗಿಯಾಗುವ ಕಂಚುಕವನ್ನುಧರಿಸಬೇಕು. ತೊಟ್ಟುಗಳ ಬಳಿ ಒಸರುವ ಹಾಲನ್ನು ಹೀರಿಕೊಳ್ಳುವ ಹತ್ತಿಯುಂಡೆಯನ್ನು ಇರಿಸಬೇಕು. ಉತ್ಪತ್ತಿಯಾದ ಹಾಲು ಬಳಕೆಯಾಗದೇ ಹೋದರೆ ದೇಹ ಈ ಹಾಲನ್ನು ಹಿಂದೆ ಪಡೆದುಕೊಳ್ಳುತ್ತದೆ ಹಾಗೂ ಹೊಸದಾಗಿ ಹಾಲನ್ನು ಉತ್ಪಾದಿಸುವುದಿಲ್ಲ. ಹಾಗಾಗಿ ಹಾಲು ಎಂದಿಗೂ ವ್ಯರ್ಥವಾಗಿ ಹೋಗುವುದಿಲ್ಲ ಬದಲಿಗೆ ದೇಹವೇ ಮತ್ತೊಮ್ಮೆ ಹೀರಿಕೊಳ್ಳುತ್ತದೆ. ಆದರೆ ಇದು ಆರೋಗ್ಯಕರವಲ್ಲ, ಕೆಲವು ಮಹಿಳೆಯರಿಗೆ ಸ್ತನದಲ್ಲಿ ನೋವು, ಮೊಲೆತೊಟ್ಟುಗಳ ಬಳಿ ಚರ್ಮ ಸೀಳಿದಂತಾಗಿ ಎದುರಾಗುವ ಸೋಂಕು (mastitis), ತೊಟ್ಟಿನ ಬುಡ ಉಬ್ಬಿಕೊಂಡಿರುವುದು (clogged duct) ಮೊದಲಾದ ಲಕ್ಷಣಗಳು ಕಂಡುಬರಬಹುದು.

ಈಗೇನು ಮಾಡಬೇಕು?

ಒಂದು ವೇಳೆ ಹಾಲೂಣಿಸುವುದು ಅಸಾಧ್ಯವೇ ಆಗಿದ್ದರೆ ಮೊದಲಿಗೆ ನಿಮ್ಮ ವೈದ್ಯರನ್ನು ಕೇಳಿ ಸಲಹೆ ಪಡೆಯಬೇಕು. ನಿಮ್ಮ ವೈದ್ಯರು ಸೂಕ್ತ ಸಲಹೆ ನೀಡಬಲ್ಲರು ಹಾಗೂ ಹಾಲೂಡಿಸದೇ ಇರುವ ಅಡ್ಡಪರಿಣಾಮಗಳ ಬಗ್ಗೆ ಅರಿವು ಮೂಡಿಸಬಲ್ಲರು.

ತಾಯಿ ಮತ್ತು ಮಗುವಿನ ಆರೋಗ್ಯಕ್ಕೆ...

ಇಂದು ಎದೆಹಾಲನ್ನು ಸಂಗ್ರಹಿಸಿಡುವ ಉಪಕರಣಗಳು ಹಾಗೂ ಶೀತಲೀಕರಿಸಿ ಮಗುವಿಗೆ ಮುಂದಿನ ಘಂಟೆಗಳಲ್ಲಿ ಕುಡಿಸಬಹುದಾದ ಆಯ್ಕೆಗಳಿದ್ದು ಇವನ್ನು ಅನುಸರಿಸುವ ಮೂಲಕ ತಾಯಿ ಮತ್ತು ಮಗು ಇಬ್ಬರ ಆರೋಗ್ಯವೂ ಉತ್ತಮವಾಗಿರಲು ಸಾಧ್ಯ.