ಮಗು ರಚ್ಚೆ ಹಿಡಿದು ಅಳುತ್ತಿದ್ದರೆ, ಶಿಕ್ಷಿಸಲು ಮುಂದಾಗದಿರಿ

ಮಗು ಅಳಲು ಕಾರಣವೇನು ಎಂಬುದನ್ನು ಅರಿಯಿರಿ

ಹೆಚ್ಚಾಗಿ ಮಕ್ಕಳು ತಮ್ಮ ತೊಂದರೆಯನ್ನು ವ್ಯಕ್ತಪಡಿಸಲೆಂದೇ ಅಳುತ್ತವೆ. ಹಸಿವಿನಿಂದ ಅಳುವ ಮಕ್ಕಳು ಮಾತು ಕಲಿತ ಬಳಿಕ ಮಾತಿನಲ್ಲಿಯೇ ಹೇಳುತ್ತವೆಯೇ ಹೊರತು ಅಳುವ ಮೂಲಕ ಅಲ್ಲ. ಯಾವುದಕ್ಕೂ ಮಗುವಿನ ಅಳುವನ್ನು ಬಲವಂತವಾಗಿ ನಿಲ್ಲಿಸಲು ಯತ್ನಿಸಬೇಡಿ. ಮಗು ಏನನ್ನು ಹೇಳಲು ಪ್ರಯತ್ನಿಸುತ್ತಿದೆ ಎಂಬುದನ್ನು ಗಮನವಿಟ್ಟು ಕೇಳಿ. ಆ ವಿಷಯವನ್ನು ಪರಿಗಣಿಸಿ ನಿಮ್ಮ ತೀರ್ಮಾನ ನೀಡಿ. ತನಗೆ ನ್ಯಾಯ ಸಿಕ್ಕಿದೆ ಎಂದು ಅರಿವಾದೊಡನೆ ಮಗು ಅಳುವುದನ್ನು ನಿಲ್ಲಿಸುತ್ತದೆ.

ಮಗುವಿನ ಮಾತನ್ನು ಗಮನವಿಟ್ಟು ಕೇಳಿ

ಅಳುತ್ತಿರುವ ಮಗು ಹೇಳುವ ಮಾತನ್ನು ತುಂಡರಿಸದೇ ಮಾತನ್ನು ಪೂರ್ಣಗೊಳಿಸಲು ಅನುವು ಮಾಡಿ. ಒಂದು ವೇಳೆ ತಡೆದರೆ ಅಮೂಲ್ಯವಾದ ಮಾಹಿತಿಯನ್ನು ಮಗು ಹೇಳದೇ ಹೋಗಬಹುದು. ಅಳುವ ಮಕ್ಕಳು ತಮ್ಮ ಸಿಟ್ಟನ್ನು ಮೊದಲು ತೋರ್ಪಡಿಸಿ ಅದರ ಕಾರಣವನ್ನು ಬಳಿಕ ತಿಳಿಸುತ್ತಾರೆ. ಆದ್ದರಿಂದ ಮಗು ತನ್ನ ಎಲ್ಲಾ ಮಾತನ್ನು ಪೂರ್ಣಗೊಳಿಸಲು ಬಿಡಿ.

ಮಗುವಿಗೆ ಸಾಂತ್ವಾನ ಮತ್ತು ಭರವಸೆ ನೀಡಿ

ಮಗುವಿನ ಅಳುವಿಗೆ ಕಾರಣ ತಿಳಿದ ಬಳಿಕ ಅದಕ್ಕೆ ತಕ್ಕ ಪರಿಹಾರ ಅಥವಾ ನಿರ್ಣಯವನ್ನು ನೀಡುವುದಾಗಿ ವಾಗ್ದಾನ ಮಾಡಿ ಹಾಗೂ ನೀವು ಮಗುವಿನ ಪಕ್ಷದಲ್ಲಿದ್ದೀರಿ ಎಂದು ಸ್ಪಷ್ಟಪಡಿಸಿ. ಇದು ಮಗುವಿಗೆ ಸುರಕ್ಷಿತ ಭಾವನೆ ಮೂಡಿಸುತ್ತದೆ ಹಾಗೂ ಅಳುವಿಗೆ ಕಾರಣವಾಗಿದ್ದ ನೋವು ಮರೆಯಲು ಸಾಧ್ಯವಾಗುತ್ತದೆ.

ಬುದ್ಧಿವಾದ ನೀಡಿ

ಅಳು ನಿಂತ ಬಳಿಕ ಮಗು ನಿಮ್ಮ ಮಾತುಗಳನ್ನು ಕೇಳಲು ಸಿದ್ಧವಾಗಿರುತ್ತದೆ. ಈ ಸಮಯದಲ್ಲಿ ಪಾಲಕರು ತಮ್ಮ ವಿವೇಚನೆಯಿಂದ ಮಗುವಿಗೆ ಬುದ್ಧಿವಾದವನ್ನು ನೀಡಬೇಕು. ಇನ್ನೊಮ್ಮೆ ಇಂತಹ ತಪ್ಪು ಯಾವತ್ತೂ ಆಗದಿರುವಂತೆ ಭಾಷೆ ಅಥವಾ ಪ್ರಮಾಣವನ್ನು ತೆಗೆದುಕೊಳ್ಳಬೇಕು. ಇದನ್ನು ಮಗುವನ್ನು ತಮ್ಮ ಭರವಸೆಗೆ ತೆಗೆದುಕೊಂಡ ಬಳಿಕವೇ ಮಾಡಬೇಕೇ ವಿನಃ ಆತುರ ತೋರಬಾರದು. ಸೂಕ್ತ ಸಮಯಕ್ಕೂ ಮುನ್ನವೇ ಬುದ್ದಿವಾದ ಹೇಳಲು ಪ್ರಾರಂಭಿಸಿದರೆ ಇದು ಕೊರೆತದಂತೆ ಅನ್ನಿಸಿ ಮಗು ನಿಮ್ಮ ಮೇಲೆ ದ್ವೇಶದ ಭಾವನೆ ಮೂಡಿಸಿಕೊಳ್ಳಬಹುದು. ಬೈಗುಳದ ಅಥವಾ ಭಾರೀ ಪದಗಳನ್ನು ಖಂಡಿತಾ ಬಳಸದೇ ಕೇವಲ ಸೌಮ್ಯ ಪದಗಳನ್ನು ಮಾತ್ರ ಉಪಯೋಗಿಸಬೇಕು.ಒಂದು ವೇಳೆ ಇಂತಹ ಉಪಯುಕ್ತ ಮಾಹಿತಿ ತಮ್ಮಲ್ಲಿದ್ದರೆ ನಮ್ಮೊಂದಿಗೆ ಖಂಡಿತಾ ಹಂಚಿಕೊಳ್ಳಿ. ಇದಕ್ಕಾಗಿ ಮುಖ್ಯ ಪುಟದ ಕೆಳಗಿರುವ ಕಮೆಂಟ್ಸ್ ಸ್ಥಳವನ್ನು ಬಳಸಿಕೊಳ್ಳಿ.