ಮಕ್ಕಳಲ್ಲಿ ಕಾಣಿಸಿಕೊಳ್ಳುವ ಚರ್ಮದ ಸಮಸ್ಯೆಗಳಿಗೆ ಪರಿಣಾಮಕಾರಿ ಚಿಕಿತ್ಸೆ

ಮೊಡವೆಗಳು

ಮಗುವಿನಲ್ಲೂ ಮೊಡವೆಗಳು ಮೂಡುವುದು. ತಾಯಿಯ ಹಾರ್ಮೋನಿನಲ್ಲಿ ಆಗುವಂತಹ ಬದಲಾವಣೆ ಮತ್ತು ಹುಟ್ಟುವಾಗ ವಾತಾವರಣದಲ್ಲಿ ಆಗುವ ಬದಲಾವಣೆಗಳು ಮೊಡವೆಗಳಿಗೆ ಕಾರಣವಾಗಬಹುದು. ಕೆಲವು ಮಕ್ಕಳಲ್ಲಿ ಹುಟ್ಟುವಾಗಲೇ ಮೊಡವೆಗಳು ಇರುತ್ತದೆ. ಇನ್ನು ಕೆಲವು ಮಕ್ಕಳು ಜನಿಸಿದ ಒಂದು ವಾರದಲ್ಲಿ ಮೊಡವೆ ಮೂಡುವುದು. ಕೆನ್ನೆಯಲ್ಲಿ ಸಾಮಾನ್ಯವಾಗಿ ಮೊಡವೆಗಳು ಮೂಡುವುದು. ಅದೇ ರೀತಿ ಹಣೆ, ಬೆನ್ನು ಮತ್ತು ಗಲ್ಲದಲ್ಲೂ ಮೊಡವೆ ಮೂಡಬಹುದು. ಮಗುವಿನ ಚರ್ಮಕ್ಕೆ ಹಾಲು, ಜೊಲ್ಲು ತಾಗಿದಾಗ ಅಥವಾ ಗಡಸು ಬಟ್ಟೆಯಿಂದ ಮೊಡವೆ ಮೂಡಬಹುದು. ಕೆಲವೊಂದು ಸಾಬೂನುಗಳಿಂದಲೂ ಮೊಡವೆ ಮೂಡಬಹುದು. ಮೊಡವೆಗಳು ತನ್ನಷ್ಟಕ್ಕೆ ಮಾಯವಾಗುವುದು. ಆದರೆ ಇದಕ್ಕೆ ಹೆಚ್ಚು ಸಮಯ ಬೇಕಾಗುವುದು.

ಸಿಡುಬು

ಮಗು ಹಾಗೂ ಸಣ್ಣ ಮಕ್ಕಳಲ್ಲಿ ಸಿಡುಬು ಕಾಣಿಸಿಕೊಳ್ಳುವುದು. ತಲೆನೋವು, ಜ್ವರ, ಹಸಿವಿಲ್ಲದೆ ಇರುವುದು, ವಾಕರಿಕೆ ಮತ್ತು ಸ್ನಾಯುಗಳ ನೋವು ಇದರ ಲಕ್ಷಣವಾಗಿದೆ. ಇದರಿಂದ ಚರ್ಮದಲ್ಲಿ ಬೊಕ್ಕೆಗಳು ಮೂಡಬಹುದು. ಈ ಬೊಕ್ಕೆಗಳಲ್ಲಿ ನೀರು ತುಂಬಿರುವುದು ಮತ್ತು ಕೆಂಪಾಗಿ ಕಾಣಿಸಿಕೊಳ್ಳಬಹುದು. ಇದು ನೋವುಂಟು ಮಾಡದಿದ್ದರೂ ಒಣಗುವ ಸಮಯದಲ್ಲಿ ತುಂಬಾ ತುರಿಕೆ ಉಂಟು ಮಾಡಬಹುದು. ಇದು ವೈರಲ್ ನಿಂದ ಬರುವುದರಿಂದ ಕೆಲವೇ ದಿನಗಳಲ್ಲಿ ಇದು ಶಮನವಾಗುವುದು. ಸಿಡುಬು ಮೂಡುವ ವೇಳೆ ಬರುವ ಜ್ವರ ಕಡಿಮೆ ಮಾಡಲು ವೈದ್ಯರ ಬಳಿಗೆ ಹೋಗಿ ಅವರು ಹೇಳಿದ ಚಿಕಿತ್ಸೆ ಮಾಡಬೇಕು. ಕ್ಯಾಲಮೈನ್ ಲೋಷನ್ ನಿಂದ ತುರಿಕೆ ಕಡಿಮೆ ಮಾಡಿಕೊಳ್ಳಬಹುದು. ಮಗುವಿಗೆ ಹೆಚ್ಚು ನೀರು ಮತ್ತು ಸರಿಯಾದ ಆಹಾರ ನೀಡಿ.

ಇಸಬು

ಚರ್ಮದಲ್ಲಿ ಒಣಗಿದ ಹಾಗೂ ಕೆಂಪಾಗಿರುವ ಕಲೆಗಳು ಮೂಡುವುದನ್ನು ಇಸಬು ಎಂದು ಕರೆಯಲಾಗುವುದು. ಇದು ಒಡೆದುಹೋಗಿ ತುರಿಕೆ ಉಂಟು ಮಾಡಬಹುದು. ಇದರಿಂದ ರಕ್ತ ಅಥವಾ ನೀರು ಬರಬಹುದು. ಚರ್ಮದಲ್ಲಿ ವೃತ್ತಾಕಾರದಲ್ಲಿ ಕಾಣಿಸಿಕೊಳ್ಳುವ ಇಸುಬು ಕೆಲವೊಮ್ಮೆ ಹೆಚ್ಚಾಗಬಹುದು. ಕೈ, ಮೊಣಕೈ, ಕುತ್ತಿಗೆ, ಮುಖ ಮತ್ತು ಮೊಣಕಾಲಿನ ಕೆಳಗಡೆ ಇಸಬು ಕಾಣಿಸಬಹುದು. ಆರಂಭದಲ್ಲೇ ಈ ಸಮಸ್ಯೆಗೆ ಚಿಕಿತ್ಸೆ ನೀಡಿ. ಸಣ್ಣ ವಯಸ್ಸಿನ ಮಕ್ಕಳಲ್ಲಿ ಇಂತಹ ಸಮಸ್ಯೆಯು ಕಾಣಿಸಿಕೊಳ್ಳುವುದು.

ಚಡ್ಡಿದದ್ದು(ಚರ್ಮದ ಉರಿಯೂತ)

ಮಗುವಿನ ಜನನಾಂಗದ ಮೇಲ್ಭಾಗ ಮತ್ತು ಸುತ್ತಮುತ್ತಲಿನ ಭಾಗದಲ್ಲಿ ಚರ್ಮವು ಕೆಂಪಾಗುವುದು. ಇದು ಮೊಡವೆಯಂತೆ,ಒಣ ಹಾಗೂ ನೀರಿನಾಂಶದಂತೆ ಕಾಣಿಸಿಕೊಳ್ಳಬಹುದು. ಮಗುವಿನ ಮೊದಲ ವರ್ಷದಲ್ಲಿ ಇಂತಹ ಸಮಸ್ಯೆ ಕಾಣಿಸಿಕೊಳ್ಳುವುದು. ಚರ್ಮ ಸೂಕ್ಷ್ಮವಾಗಿರುವಂತಹ ಮಕ್ಕಳಲ್ಲಿ ಇದು ಹೆಚ್ಚಾಗಿ ಕಾಣಿಸಿಕೊಳ್ಳುವುದು. ಕೆಲವೊಂದು ಸಾಬೂನುಗಳು ಮತ್ತು ಬಟ್ಟೆಯಿಂದಲೂ ಹೀಗೆ ಆಗಬಹುದು. ಮಗುವಿನ ಡೈಪರ್ ಅನ್ನು ಆಗಾಗ ಬದಲಾಯಿಸುತ್ತಾ ಇದ್ದರೆ ಇದನ್ನು ತಡೆಯಬಹುದು. ಮಗುವಿನ ದೇಹವನ್ನು ಸ್ವಚ್ಛ ಹಾಗೂ ಒಣಗಿರುವಂತೆ ನೋಡಿಕೊಳ್ಳಿ.