ಜೂ. 10ಕ್ಕೆ ಶನಿ ಅಮವಾಸ್ಯೆ: ಶನಿ ದೋಷ ಮುಕ್ತಿಗಾಗಿ ಈ ದಿನ ಏನು ಮಾಡಬೇಕು?

ಶನಿ ಅಮವಾಸ್ಯೆಯ ಸಮಯ

ಶನಿ ಜಯಂತಿ ತಿಥಿ ಪ್ರಾರಂಭ: ಜೂನ್ 9 ಮಧ್ಯಾಹ್ನ 01:57ಕ್ಕೆ

ಶನಿ ಜಯಂತಿ ತಿಥಿ ಮುಕ್ತಾಯ: ಜೂನ್ 10, ಸಂಜೆ 04:22ಕ್ಕೆ

ಶನಿ ಅಮವಾಸ್ಯೆಯ ಮಹತ್ವ

ಶನಿ ಜಯಂತಿಯಂದು ಮಾಡುವ ಹೋಮ, ಹವನಗಳು ತುಂಬಾನೇ ಶ್ರೇಷ್ಠವಾದದ್ದು. ಶನಿ ತೈಲಾಭಿಷೇಕ ಮತ್ತು ಶನಿ ಶಾಂತಿ ಪೂಜೆ ಈ ದಿನದಂದು ಮಾಡುವ ಮಹತ್ವದ ಆಚರಣೆಯಾಗಿದೆ. ಶನಿದೋಷ ಇರುವವರು ತೈಲಾಭಿಷೇಕ ಹಾಗೂ ಶನಿ ಶಾಂತಿ ಪೂಜೆ ಮಾಡಿಸುವುದರಿಂದ ಕಷ್ಟಗಳು ನೀಗುವುದು.

ಶನಿ ಸಾಡೇಸಾತಿ ಹಾಗೂ ಮಹಾದೋಷ ಹೊಂದಿರುವವರು ಶನಿ ಅಮವಾಸ್ಯೆ ಪೂಜೆ ಮಾಡಿದರೆ ಶನಿಯ ಕೃಪೆಗೆ ಪಾತ್ರರಾಗಬಹುದು.

ಶನಿಯ ಕೃಪೆಗೆ ಪಾತ್ರರಾಗಿ ಕಷ್ಟದಿಂದ ಮುಕ್ತಿ ಹೊಂದಲು ಈ ರೀತಿ ಮಾಡಿ.

ಏನನ್ನೂ ನಿರೀಕ್ಷಿಸದೆ ದಾನ ಮಾಡಿ

ಶನಿ ಪೂಜೆಯಲ್ಲಿ ದಾನಕ್ಕೂ ಮಹತ್ವದ ಸ್ನಾನವಿದೆ. ಶನಿ ಅಮವಾಸ್ಯೆಯಂದು ಬಡವರಿಗೆ, ನಿರ್ಗತಕರಿಗೆ ಏನೂ ಪ್ರತಿಫಲ ಬಯಸದೆ ದಾನ ಮಾಡಬೇಕು.

ಮನೆಯಲ್ಲಿರುವ ಮುರಿದ ವಸ್ತುಗಳನ್ನು ಹೊರಗೆ ಹಾಕಿ

ಮನೆಯಲ್ಲಿ ಮುರುಕಲು ಕುರ್ಚಿ, ಮತ್ತಿತರ ಸಾಮಾನುಗಳಿದ್ದರೆ ಅವುಗಳನ್ನು ಹೊರಗಡೆ ಬಿಸಾಡಿ.. ಮನೆಯನ್ನು ಸ್ವಚ್ಛವಾಗಿ, ಒಪ್ಪವಾಗಿ ಇಡಿ.

ಶನಿ ದೇವನಿಗೆ ಸಾಸಿವೆಯೆಣ್ಣೆ ಅಥವಾ ಎಳ್ಳೆಣ್ಣೆ ಅರ್ಪಿಸಿ

ಭಕ್ತರು ಶನಿ ಅಮವಾಸ್ಯೆಯಂದು ಸಾಸಿವೆಯೆಣ್ಣೆ ಅಥವಾ ಎಳ್ಳೆಣ್ಣೆಯನ್ನು ಶನಿ ದೇವನಿಗೆ ಅರ್ಪಿಸಿ 'ಓಂ ಶನ್ನೋದೇವಿರಾಭಿಷ್ಟಯ ಆಪೋ ಭವಂತು ಶನ್ಯೋರಭಿಸ್ತವಂತು ನಮಃ'' ಎಂಬ ಮಂತ್ರ ಪಠಿಸಬೇಕು.

ಉದ್ದಿನ ಬೇಳೆ ಕಿಚಡಿ ಮಾಡಿ ಹಂಚಿ

ಶನಿ ಜಯಂತಿಯಂದು ಉದ್ದಿನ ಬೇಳೆಯಿಂದ ಕಿಚಡಿ ಮಾಡಿ ಅದನ್ನು ಹಸಿದವರಿಗೆ ನೀಡಬೇಕು.

ಕಪ್ಪು ಬಟ್ಟೆ ದಾನ ಮಾಡಿ

ಈ ದಿನ ಕಡು ನೀಲಿ ಬಣ್ಣ, ಕಡು ನೇರಳೆ ಅಥವಾ ಕಪ್ಪು ಬಣ್ಣ ವಸ್ತ್ರಗಳನ್ನು ದಾನ ಮಾಡಿ. ಕಾಗೆಗಳಿಗೆ ಆಹಾರ ನೀಡಿ.

ಉಪವಾಸ ಮಾಡಿ, ಮದ್ಯ, ಮಾಂಸ ಮುಟ್ಟಬಾರದು

ಭಕ್ತರು ಈ ದಿನ ಉಪವಾಸವಿದ್ದು ವ್ರತ ಮಾಡಬೇಕು, ಅಲ್ಲದೆ ಮದ್ಯ, ಮಾಂಸ ಇವುಗಳನ್ನು ಮುಟ್ಟಬಾರದು.