For Quick Alerts
ALLOW NOTIFICATIONS  
For Daily Alerts

ಫ್ಲೋರಿಡಾ ವಿಲ್ಲಾಕ್ಕೆ ವ್ಯಕ್ತಿ ಒಬ್ಬ 9,100 ಡಾಲರ್ ಪಾವತಿಸಿದ, ಆದರೆ ನೈಜ ಸಂಗತಿ ಏನು ಗೊತ್ತೇ?

|

ಆನ್ಲೈನ್ ಅಲ್ಲಿ ಅಗತ್ಯ ವಸ್ತುಗಳನ್ನು ಕೊಳ್ಳುವುದು ಸಹಜವಾಗಿದೆ. ಅಲ್ಲದೆ ವಿವಿಧ ಬಗೆಯ ರಿಯಾಯತಿಗಳು ಇಂದಿನ ಯುವ ಜನತೆಯನ್ನು ಹೆಚ್ಚು ಆಕರ್ಷಿಸುತ್ತಿದೆ ಎನ್ನಬಹುದು. ಇಂದು ಕುಡಿಯುವ ನೀರಿನಿಂದ ಹಿಡಿದು, ಬೆಲೆಬಾಳುವ ವಜ್ರ ವೈಡೂರ್ಯಗಳನ್ನು ಹಾಗೂ ಜಮೀನುಗಳಂತಹ ಆಸ್ತಿಗಳನ್ನು ಸಹ ನಾವು ಸುಲಭವಾಗಿ ಖರೀದಿಸಬಹುದು. ದಿನನಿತ್ಯದ ಊಟ-ತಿಂಡಿಯಿಂದ ಹಿಡಿದು ಅಗತ್ಯವಾದ ಎಲ್ಲಾ ಬಗೆಯ ವಸ್ತುಗಳನ್ನು ಸಹ ಗಂಟೆಗಳ ಅವಧಿಯಲ್ಲಿ ಪಡೆದುಕೊಳ್ಳಬಹುದಾಗಿದೆ.

ಆನ್ಲೈನ್ ಮಾರ್ಕೆಟಿಂಗ್ ಅಥವಾ ಖರೀದಿ ಎನ್ನುವುದು ಸುಲಭ ಹಾಗೂ ಸಂತೋಷವನ್ನು ತಂದುಕೊಡುತ್ತದೆ. ಆದರೆ ಇಂತಹ ವ್ಯವಸ್ಥೆಯು ಎಷ್ಟು ಸುರಕ್ಷಿತ ಎಂದುಕೊಳ್ಳುತ್ತೇವೋ ಅಷ್ಟೇ ಪ್ರಮಾಣದಲ್ಲಿ ಮೋಸ ಅಥವಾ ವಂಚನೆಗಳು ನಡೆಯುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ ಎನ್ನುವುದನ್ನು ನೆನಪಿಟ್ಟುಕೊಳ್ಳಬೇಕು. ಆನ್ ಲೈನ್ ಮೂಲಕವೇ ಅನೇಕ ಗ್ರಾಹಕರು ಮೋಸ ಹೋಗಿರುವ ದಾಖಲೆಗಳಿರುವುದನ್ನು ಕಾಣಬಹುದು.

ಹಾಗಾಗಿಯೇ ನಾವು ಆನ್ಲೈನ್ ಅಲ್ಲಿ ನೋಡುವ ಎಲ್ಲ ಸಂಗತಿಗಳು ನಿಜವಾಗಿರುವುದಿಲ್ಲ. ಅದು ನಮಗೆ ಕುರುಡು ನಂಬಿಕೆಯನ್ನು ಮೂಡಿಸಬಹುದು. ಇಲ್ಲವೇ ಖರೀದಿಸುವ ವಸ್ತುಗಳು ನಕಲಿ ಆಗಿರಬಹುದು. ವಿಷಯಗಳು ನೈಜತೆ ಹಾಗೂ ಭರವಸೆಯನ್ನು ತೋರುತ್ತವೆಯಾದರೂ ಮೋಸದ ಸಂಗತಿಗಳಾಗಿ ಬದಲಾಗಬಹುದು. ಹೌದು, ಒಬ್ಬ ಯುವಕ ತನ್ನ ಜೀವನದ ಜಾಕ್ಪಾಟ್ ಎಂದು ಭಾವಿಸಿ ಖರೀದಿಸಿದ ಸಂಗತಿಯಿಂದ ಬಡವನಾದ ಯುವಕನ ಪ್ರಕರಣವೊಂದು ನಿಮಗೆ ತಿಳಿಸಿಕೊಡುತ್ತಿದ್ದೇವೆ ನೋಡಿ.

ಫ್ಲೋರಿಡಾದ ಕೆರ್ವಿಲ್ಲೆ ಹೋಲ್ನೆಸ್ ಅವರು ಮೊದಲ ಬಾರಿಗೆ ಹರಾಜು ಬಿಡ್ಡಾರರಾಗಿ ಕಹಿ ಅನುಭವವನ್ನು ಪಡೆದುಕೊಂಡಿದ್ದರು. ದಕ್ಷಿಣ ಫ್ಲೋರಿಡಾ ಸ್ಪ್ರಿಂಗ್ ಲೇಕ್ ಸಮುದಾಯದಲ್ಲಿ ವಿಲ್ಲಾಕ್ಕಾಗಿ ಅವರು 9,100 ಡಾಲರ್ ಬಿಡ್ ಮಾಡಿದ್ದರು. ಜಾಕ್ಪಾಟ್ ಹೊಡೆದಾಗ ಅವರ ಕಣ್ಣುಗಳನ್ನು ಅವರಿಗೇ ನಂಬಲಾಗಲಿಲ್ಲ. ಅತೀವ ಸಂತೋಷವನ್ನು ಹೊಂದಿದ್ದರು. ಆದರೆ ದುರಾದೃಷ್ಟ ಅವರು ಖರೀದಿಸಿದ್ದು ಅತ್ಯಂತ ಕಿರಿದಾದ ಜಮೀನನ್ನಾಗಿತ್ತು. ಅವರ ಬಿಡ್ ಕ್ರೂರ ತಮಾಷೆಯಾಗಿ ಪರಿಣಮಿಸಿತು ಎಂದು ತಿಳಿದು ಬಂದಿದೆ. ಅದನ್ನು ಈ ಕೆಳಗೆ ಚಿತ್ರದಲ್ಲಿ ತೋರಿಸಲಾಗಿದೆ.

ಈ ವ್ಯಕ್ತಿ ಖರೀದಿಸಿದ ಕಿರಿದಾದ ಭೂಮಿಯು ಒಂದು ದಂಡೆಯ ರೂಪದಲ್ಲಿದೆ. ಅಂದರೆ ಇವರು ಖರೀದಿಸಿದ್ದು 30 ಸೆಂ.ಮೀ. ಅಗಲದ ಹುಲ್ಲು ಹಾಸನ್ನು. ಅದು ಎರಡು ವಿಲ್ಲವನ್ನು ಬೇರ್ಪಡಿಸುವ ಜಾಗ ಅಥವಾ ಗೋಡೆಯನ್ನು ಹೊಂದುವ ಜಾಗ. ಅಲ್ಲಿ ಒಂದು ಗೋಡೆಯನ್ನು ನಿರ್ಮಿಸಿದ್ದರೂ ಸಹ ಗೋಡೆಯ ಕೆಳಭಾಗದಲ್ಲಿ ಮುಚ್ಚಿರುತ್ತದೆ ಅಷ್ಟೆ. ಕೌಂಟಿಯ ತೆರಿಗೆ ಸೈಟ್ನಲ್ಲಿ ಮೌಲ್ಯಮಾಪಕನ ಸೈಟ್ ಮತ್ತು ವಿವರಗಳು ಭೂಮಿಗೆ ಯಾವುದೇ ಕಟ್ಟಡ ಮೌಲ್ಯವನ್ನು ಹೊಂದಿಲ್ಲ ಎಂದು ಹೇಳಿದ್ದರೂ ಸಹ, ಜನರು ಇನ್ನೂ ಸೈಟ್ನಲ್ಲಿ ಬಿಡ್ ಮಾಡಿದ್ದರು. ಕೆರ್ವಿಲ್ಲೆ ಹರಾಜು ಸ್ಥಳದಲ್ಲಿ ಬಳಸಿದ ಫೋಟೋಗಳು ಮೋಸಗೊಳಿಸುವಂತಹದ್ದಾಗಿದೆ ಮತ್ತು ವಿಲ್ಲಾ ಮಾರಾಟದಲ್ಲಿದೆ ಎಂದು ಅವರು ಬಿಡ್ ಮಾಡಿದ್ದರು. ಆದ್ದರಿಂದ ಅವರು ಈ ಒಪ್ಪಂದವನ್ನು ಒಪ್ಪಿಕೊಂಡಿದ್ದರು.

ಈಗ ಅವರು ಕೇವಲ $ 50 ಮೌಲ್ಯದ ಒಂದು ಪ್ಯಾಚ್ ಭೂಮಿಯೊಂದಿಗೆ ಸಿಲುಕಿಕೊಂಡಿದ್ದಾರೆ ಮತ್ತು $ 9,100 ರಷ್ಟು ಬಡವರಾಗಿದ್ದಾರೆ. ದುಃಖಕರ ಸಂಗತಿಯೆಂದರೆ ಕೌಂಟಿ ಕಾನೂನುಗಳು ಯಾವುದೇ ರೀತಿಯ ಮರುಪಾವತಿಯನ್ನು ಅನುಮತಿಸುವುದಿಲ್ಲ.

ಮತ್ತೊಂದೆಡೆ, ಯಾವುದೇ ಕಟ್ಟಡದ ಮೌಲ್ಯವನ್ನು ಹೊಂದಿರದ ಭೂಮಿಯ ಅಂದಾಜು ವೆಚ್ಚದ ಬಗ್ಗೆ ಆನ್ಲೈನ್ನಲ್ಲಿ ಬಹಳ ಕಡಿಮೆ ಮಾಹಿತಿ ಲಭ್ಯವಿತ್ತು. ತಜ್ಞರು ಅವರು ಏನೂ ಮಾಡಲಾಗುವುದಿಲ್ಲ ಎಂದು ಬಹಿರಂಗಪಡಿಸಿದ್ದಾರೆ. ಹಾಗಾಗಿ ಈ ವ್ಯಕ್ತಿಯ ಬಗ್ಗೆ ಕನಿಕರ ಅಥವಾ ಮರುಗಬೇಕಷ್ಟೆ.

ಇದೊಂದು ನೀತಿಯ ಪಾಠ ಉಳಿದವರಿಗೆ ಎಂದು ಹೇಳಬಹುದು. ಯಾವುದೇ ಸಂಗತಿಗಾಗಿ ಆನ್ ಲೈನ್ ವ್ಯಾಪಾರ ಅಥವಾ ವ್ಯವಹಾರವನ್ನು ನಡೆಸುತ್ತಿದ್ದೀರಿ ಎಂದರೆ ಸಾಕಷ್ಟು ಎಚ್ಚರಿಕೆಯನ್ನು ವಹಿಸಿ. ನಿಮ್ಮ ಕಣ್ಣಿಗೆ ಕಾಣುವುದೆಲ್ಲಾ ನಿಜವಾಗಿರುವುದಿಲ್ಲ. ಸರಿಯಾದ ಪರಿಶೀಲನೆಯಿಂದ ಮುನ್ನಡೆಯಿರಿ. ಬೆಳ್ಳಗಿರುವುದೆಲ್ಲಾ ಹಾಲಲ್ಲ ಎನ್ನುವುದನ್ನು ಪದೇ ಪದೇ ನೆನಪಿಸಿಕೊಂಡರೂ ತಪ್ಪಾಗಲಾರದು. ಯಾರಿಗೂ ಮೋಸ ಆಗಬಾರದು ಎನ್ನುವುದೇ ನಮ್ಮ ಉದ್ದೇಶ.

English summary

Man Pays $9,100 For A Florida Villa, but whats the real facts?

Kerville Holness from Florida got a bitter experience as a first-time auction bidder. He couldn't believe his eyes when he saw his $9,100 bid for a villa in South Florida Spring Lake community hit the jackpot as he was declared the winner. Later, he learnt that the bid turned out to be a cruel joke as he became the owner of a narrow strip of land that is 30 cm wide.
Story first published: Saturday, July 27, 2019, 15:00 [IST]
X