ಆನ್‌ಲೈನ್‌ನಲ್ಲಿ ಫುಡ್ ಆರ್ಡರ್ ಮಾಡಿದ ಮಹಿಳೆಗೆ ಶಾಕ್! ಆಹಾರದಲ್ಲಿ ಸಿಕ್ಕಿತ್ತು 40 ಜಿರಳೆ!!!

ಈ ಮಹಿಳೆ ಆನ್ ಲೈನ್ ನಲ್ಲಿ ಆಹಾರ ಆರ್ಡರ್ ಮಾಡಿದ್ದಳು

ಈ ಮಹಿಳೆಗೆ ತನಗೆ ಇಷ್ಟವಾಗಿರುವಂತಹ ಆಹಾರ ತಿನ್ನಬೇಕು ಎಂದು ಮನಸ್ಸಾಯಿತು. ಇದರಿಂದ ತನಗೆ ಇಷ್ಟದ ಬಾತುಕೋಳಿ ಮಾಂಸದ ಸ್ಟೀವ್ ನ್ನು ಆಕೆ ಆನ್ ಲೈನ್ ನಲ್ಲಿ ಆರ್ಡರ್ ಮಾಡಿದರು. ವರದಿಯಾಗಿರುವ ಪ್ರಕಾರ ಮಹಿಳೆಯ ಆಹಾರದಲ್ಲಿ ಒಂದು ಅಥವಾ ಎರಡು ಜಿರಳೆ ಪತ್ತೆಯಾಗಿರುವುದಲ್ಲ. ಆಕೆಯ ಆಹಾರದಲ್ಲಿ ಬರೋಬ್ಬರಿ 40 ಜಿರಳೆಗಳು ಸಿಕ್ಕಿದೆ!

ಆಹಾರ ಸೇವನೆ ಮಾಡುವ ಮೊದಲೇ ಆಕೆ ಇದನ್ನು ನೋಡಿದಳು

ಮಹಿಳೆಯ ಹೆಸರನ್ನು ಇಲ್ಲಿ ಗೌಪ್ಯವಾಗಿ ಇಡಲಾಗಿದೆ. ಆದರೆ ಈ ಘಟನೆಯು ಚಿನಾದ ಗುವಾಂಗ್ಡಾಂಗ್ ನ ಚೋಸಾನ್ ಪ್ರದೇಶದಲ್ಲಿ ನಡೆದಿದೆ ಎಂದು ತಿಳಿದುಬಂದಿದೆ. ತನಗೆ ಬಂದ ಆಹಾರದ ಪ್ಯಾಕೇಟ್ ನ್ನು ತೆರೆದ ತಕ್ಷಣವೇ ಮಹಿಳೆಗೆ ಜಿರಳೆ ಕಂಡುಬಂದ ಕಾರಣದಿಂದಾಗಿ ಆಕೆ ಇದನ್ನು ಸೇವಿಸದೆ ಉಳಿದುಕೊಂಡರು.

ಸಂಪೂರ್ಣ ಆಹಾರದಲ್ಲಿ ಕೀಟ ಆವರಿಸಿಕೊಂಡಿತ್ತು!

ಮಹಿಳೆಯು ಮೊದಲಿಗೆ ಕಾಣಿಸಿಕೊಂಡ ಒಂದು ಜಿರಳೆಯನ್ನು ಹೊರಗೆ ತೆಗೆಯುತ್ತಿದ್ದಂತೆ ಆಕೆಗೆ ಮತ್ತಷ್ಟು ಸತ್ತ ಜಿರಳೆಗಳು ಕಾಣಿಸಿಕೊಂಡಿದೆ. ಒಂದೊಂದನ್ನೇ ಆಕೆ ಹೊರಗೆ ತೆಗೆದು ಅದನ್ನು ಟಿಶ್ಯೂ ಪೇಪರ್ ನಲ್ಲಿ ಹಾಕಿಟ್ಟರು.

ಆಕೆ ದೂರು ದಾಖಲಿಸಿದಳು

ಆಹಾರದಲ್ಲಿ ಜಿರಳೆಯನ್ನು ನೋಡಿದಂತಹ ಮಹಿಳೆಗೆ ಮುಂದಿನ ಕೆಲವು ದಿನಗಳ ಕಾಲ ಆಹಾರ ಸೇವನೆ ಮಾಡಲು ಆಗಲಿಲ್ಲವಂತೆ! ಈ ಬಗ್ಗೆ ಆಕೆ ರೆಸ್ಟೋರೆಂಟ್ ಗೆ ದೂರು ದಾಖಲಿಸಿದಳು ಮತ್ತು ಇದಕ್ಕೆ ಉತ್ತರವಾಗಿ ಆಕೆ ಪಡೆದಿರುವುದು ಏನೇಂದರೆ ಆಕೆ ಬಿಲ್ ನ ಮೊತ್ತ ಮಾತ್ರ. ಇದನ್ನು ಹೊರತುಪಡಿಸಿ, ಆಕೆ ಈ ಬಗ್ಗೆ ಪೊಲೀಸರಿಗೆ ಕೂಡ ದೂರು ನೀಡಿರುವಳು. ಈ ಘಟನೆ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಇಂತಹ ಘಟನೆಯು ನಮ್ಮ ನೆರೆಯ ರಾಷ್ಟ್ರದಲ್ಲಿ ನಡೆದಿದ್ದರೂ ನಾವು ಇಂದಿನ ದಿನಗಳಲ್ಲಿ ಹೆಚ್ಚಾಗಿ ಆನ್ ಲೈನ್ ನಲ್ಲೇ ಆಹಾರ ತರಿಸಿಕೊಳ್ಳುವ ಕಾರಣದಿಂದಾಗಿ ಈ ಬಗ್ಗೆ ಎಚ್ಚರಿಕೆ ವಹಿಸಬೇಕು. ಆಹಾರವನ್ನು ತೆರೆದು ಅದನ್ನು ಸರಿಯಾಗಿ ಪರಿಶೀಲಿಸಿದ ಬಳಿಕ ತಿಂದರೆ ಒಳ್ಳೆಯದು. ಈ ಬಗ್ಗೆ ನಿಮ್ಮ ಅನಿಸಿಕೆ ಏನು ಎಂದು ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆದು ತಿಳಿಸಿ.