ಮದುವೆಯಲ್ಲಿ ದಂಪತಿಗಳಿಗೆ 5 ಲೀಟರ್ ಪೆಟ್ರೋಲ್ ಉಡುಗೊರೆ ಮಾಡಿದ ಗೆಳೆಯರು!!

ಮದುವೆ ಮನೆಗೆ ಪೆಟ್ರೋಲ್ನೊಂದಿಗೆ ಬಂದ ಗೆಳೆಯರು

ತಮ್ಮ ಗೆಳೆಯನ ಮದುವೆಗೆ ಸ್ನೇಹಿತರ ಗುಂಪೊಂದು ಮದುವೆ ಮನೆಗೆ ಪೆಟ್ರೋಲ್ ನೊಂದಿಗೆ ಬಂದಿತು.ಅವರೆಲ್ಲರೂ ಸೇರಿ ಮದುವೆಯಾದ ನವದಂಪತಿಗಳಿಗೆ (ಎಲ್ಚೆಂಜಿಯನ್ ಮತ್ತು ಕಣಿಮೊಝಿ) ೫ ಲೀಟರ್ ಪೆಟ್ರೋಲ್ ಅನ್ನು ತಮ್ಮ ಕಡೆಯ ಮದುವೆಯ ಉಡುಗೊರೆಯಾಗಿ ಕೊಟ್ಟುಬಿಟ್ಟರು.

ಈ ನಿರ್ಧಾರ ಮಾಡಲು ಕಾರಣ

ಮದುವೆಯ ಗಂಡಿನ ಗೆಳೆಯನಾದ ಪ್ರಭು ಚೆನ್ನೈನ ನಂದನಂ ಆರ್ಟ್ಸ್ ಕಾಲೇಜ್ ನ ವಿದ್ಯಾರ್ಥಿ.ಹಾಗೆಯೇ ಡೆಮಾಕ್ರಟಿಕ್ ಯೂತ್ ಫೆಡರೇಶನ್ ಆಫ್ ಇಂಡಿಯಾ (ಡಿವೈಎಫ್ಐ) ನ ಸದಸ್ಯ ಕೂಡ ಹೌದು.ಪೆಟ್ರೋಲ್ ಅನ್ನು ಮದುವೆಯ ಉಡುಗೊರೆಯಾಗಿ ಕೊಡಲು ಅದರ ಹಿಂದೆ ಇದ್ದ ಮುಖ್ಯವಾದ ಉದ್ದೇಶವೆಂದರೆ ದೇಶದಾದ್ಯಂತ ಹೆಚ್ಚಾಗುತ್ತಿರುವ ಪೆಟ್ರೋಲ್ ಬೆಲೆ ಏರಿಕೆ ಹಾಗು ದಿನ ದಿನಕ್ಕೂ ಪೆಟ್ರೋಲ್ ತುಟ್ಟಿಯಾಗುತ್ತಿರುವ ಬಗ್ಗೆ ಜಾಗೃತಿಯನ್ನು ಮೂಡಿಸುವುದಾಗಿತ್ತು.

ಇದಕ್ಕೆ ನವದಂಪತಿಗಳ ಪ್ರತಿಕ್ರಿಯೆ

ಎಲ್ಚೆಂಜಿಯನ್ ಮತ್ತು ಕಣಿಮೊಝಿ ತಮ್ಮ ಗೆಳೆಯರು ಮದುವೆಗೆ ತಂದ ಉಡುಗೊರೆಯನ್ನು ಕಂಡು ಆಶ್ಚರ್ಯಚಕಿತರಾಗಿದ್ದರು.ಮೊದಲಿಗೆ ತಮಾಷೆಗಾಗಿ ಹೀಗೆ ಮಾಡುತ್ತಾ ಇರಬಹುದೆಂದುಕೊಂಡು ಇಬ್ಬರೂ ನಕ್ಕರು.ನಂತರ ಅದರ ಹಿಂದೆ ಇದ್ದ ಉದ್ದೇಶವನ್ನು ಮನಗಂಡರು.

ಉಡುಗೊರೆಯೆಂಬುದು ನಿಜಕ್ಕೂ ಆಶೀರ್ವಾದವೇ

ಪೆಟ್ರೋಲ್ ಅನ್ನು ಉಡುಗೊರೆಯಾಗಿ ನೀಡಿದ್ದು ಬಹಳ ಉತ್ತಮವಾದ ಆಯ್ಕೆಯಾಗಿತ್ತು.ಏಕೆಂದರೆ ಮದುವೆ ಗಂಡು ಒಬ್ಬ ಆಟೋ ಡ್ರೈವರ್ ಆಗಿದ್ದು ಇದರಿಂದ ಖಂಡಿತವಾಗಿಯೂ ಅವನಿಗೆ ಸಹಾಯವಾದಂತೆ ಅಯಿತು.

ನಿಮ್ಮ ಅನಿಸಿಕೆ ಏನು ?

ಮದುವೆಯ ಗಂಡಿನ ಗೆಳೆಯರ ಪ್ರಕಾರ ಪೆಟ್ರೋಲ್ ಅನ್ನು ಧಾರಾಳವಾಗಿ ಮದುವೆಗಳಲ್ಲಿ ಉಡುಗೊರೆಯಾಗಿ ನೀಡಬಹುದು.ಆದರೆ ನಾವು ಆಯ್ಕೆಯನ್ನು ನಿಮಗೆ ಬಿಟ್ಟಿದ್ದೇವೆ. ನಿಮಗೂ ಹೀಗೆ ನಿಮ್ಮ ಗೆಳೆಯರ ಮದುವೆಗೆ ಪೆಟ್ರೋಲ್ ಅನ್ನು ಉಡುಗೊರೆಯಾಗಿ ನೀಡಬೇಕು ಎಂಬ ಆಲೋಚನೆ ಏನಾದರೂ ಬಂದಿತೇ ?ಹಾಗೇನಾದರೂ ಇದ್ದಲ್ಲಿ ನಮಗೆ ತಿಳಿಸಿ. ಇನ್ನು ಹೆಚ್ಚು ಈ ತರಹದ ವಿಷಯಗಳನ್ನು ತಿಳಿದುಕೊಳ್ಳಲು ಬೋಲ್ಡ್ ಸ್ಕೈ ಗೆ ಚಂದಾದಾರರಾಗಿ.