ಶರದ್ ಪೂರ್ಣಿಮಾ 2021: ಸಂತೋಷ-ಸಂಪತ್ತು ವೃದ್ಧಿಗಾಗಿ ಲಕ್ಷ್ಮಿದೇವಿಯನ್ನು ಈ ರೀತಿ ಪೂಜಿಸಿ

​ಶರದ್ ಪೂರ್ಣಿಮಾ 2021ರ ಶುಭ ಮುಹೂರ್ತ:

ಶರದ್ ಪೂರ್ಣಿಮಾ ದಿನಾಂಕ 2021 ರ ಅಕ್ಟೋಬರ್‌ 19, ಮಂಗಳವಾರ

ಪೂರ್ಣಿಮಾ ತಿಥಿ ಆರಂಭ: ಅಕ್ಟೋಬರ್ 19 ರಂದು ಸಂಜೆ 7 ಗಂಟೆಯಿಂದ

ಪೂರ್ಣಿಮಾ ತಿಥಿ ಅಂತ್ಯ: ಅಕ್ಟೋಬರ್‌ 20 ರಂದು ರಾತ್ರಿ 8.20 ರವರೆಗೆ

​ಶರದ್ ಪೂರ್ಣಿಮಾ ಪೂಜಾವಿಧಾನ:

• ಶರದ್ ಪೂರ್ಣಿಮಾ ದಿನದಂದು ಪವಿತ್ರ ನದಿಯಲ್ಲಿ ಸ್ನಾನ ಮಾಡಬೇಕು. ಇದು ಸಾಧ್ಯವಾಗದಿದ್ದರೆ, ಮನೆಯಲ್ಲಿ ಗಂಗಾಜಲವನ್ನು ನೀರಿನಲ್ಲಿ ಬೆರೆಸಿ ಸ್ನಾನ ಮಾಡಿ ಮತ್ತು ಸ್ವಚ್ಛವಾದ ಬಟ್ಟೆಗಳನ್ನು ಧರಿಸಿ.
• ಮರದ ಹಲಗೆ ಅಥವಾ ಪೀಠದ ಮೇಲೆ ಕೆಂಪು ಬಣ್ಣದ ಬಟ್ಟೆಯನ್ನು ಹರಡಿ ಮತ್ತು ಗಂಗಾಜಲದಿಂದ ಆ ಸ್ಥಳವನ್ನು ಪವಿತ್ರಗೊಳಿಸಿ.
• ಈ ಪೀಠದ ಮೇಲೆ ಲಕ್ಷ್ಮಿ ದೇವಿಯ ವಿಗ್ರಹವನ್ನು ಸ್ಥಾಪಿಸಿ ಮತ್ತು ಕೆಂಪು ಬಟ್ಟೆಯಿಂದ ಅಲಂಕರಿಸಿ. ವಾಸ್ತು ಶಾಸ್ತ್ರದ ಪ್ರಕಾರ, ಉತ್ತರ ದಿಕ್ಕನ್ನು ಸಂಪತ್ತಿನ ವಲಯವೆಂದು ಪರಿಗಣಿಸಲಾಗುತ್ತದೆ, ಆದ್ದರಿಂದ ಈ ದಿಕ್ಕಿನಲ್ಲಿ ಲಕ್ಷ್ಮಿ ಆರಾಧನೆಯು ಉತ್ತಮವಾಗಿದೆ.
• ದೇವಿಗೆ ಧೂಪ, ದೀಪ, ನೈವೇದ್ಯ ಮತ್ತು ವೀಳ್ಯದೆಲೆ ಇತ್ಯಾದಿಗಳನ್ನು ಅರ್ಪಿಸಿ.
• ನಂತರ ಲಕ್ಷ್ಮಿ ದೇವಿಯನ್ನು ಧ್ಯಾನ ಮಾಡಬೇಕು ಮತ್ತು ಪೂಜಿಸಬೇಕು ಜೊತೆಗೆ ಲಕ್ಷ್ಮಿ ಚಾಲೀಸಾವನ್ನು ಪಠಿಸಬೇಕು.
• ಸಂಜೆ ವಿಷ್ಣುವನ್ನು ಪೂಜಿಸಿ ಮತ್ತು ತುಳಸಿಯ ಮುಂದೆ ತುಪ್ಪದ ದೀಪವನ್ನು ಹಚ್ಚಿ. ಇದರೊಂದಿಗೆ, ಚಂದ್ರನಿಗೆ ಅರ್ಘ್ಯವನ್ನು ಅರ್ಪಿಸಿ. ಅದರ ನಂತರ ಅಕ್ಕಿ ಮತ್ತು ಹಸುವಿನ ಹಾಲಿನಿಂದ ಪಾಯಸವನ್ನು ತಯಾರಿಸಿ ಚಂದ್ರನ ಬೆಳಕಿನಲ್ಲಿ ಇಡಿ. ಕೆಲವು ಸಮಯಗಳ ನಂತರ ಆ ಪಾಯಾಸವನ್ನು ತಂದು ಮನೆಯ ಸದಸ್ಯರಿಗೆ ಪ್ರಸಾದದ ರೂಪದಲ್ಲಿ ವಿತರಿಸಿ.



​ಲಕ್ಷ್ಮಿ ದೇವಿಯ ಮಂತ್ರ:

''ಓಂ ಶ್ರೀಂ ಹ್ರೀಂ ಶ್ರೀಂ ಕಮಲೇ ಕಮಲಾಲಯೇ ಪ್ರಸೀದ್ ಪ್ರಸೀದ್ ಶ್ರೀಂ ಹ್ರೀಂ ಶ್ರೀಂ ಮಹಾಲಕ್ಷ್ಮೈ ನಮಃ''

ಶರದ್ ಪೂರ್ಣಿಮಾ ಮಹತ್ವ:

ಪೌರಾಣಿಕ ನಂಬಿಕೆಗಳ ಪ್ರಕಾರ, ಶರದ್ ಪೂರ್ಣಿಮೆಯ ದಿನ, ಲಕ್ಷ್ಮಿ ದೇವಿಯು ಸಮುದ್ರ ಮಂಥನದಿಂದ ಜನಿಸಿದಳು ಎಂದು ನಂಬಿಕೆಯಿದೆ. ಆದ್ದರಿಂದ ಈ ದಿನ ಲಕ್ಷ್ಮಿ ದೇವಿಯು ಭೂಮಿಗೆ ಭೇಟಿ ನೀಡುತ್ತಾಳೆ ಮತ್ತು ರಾತ್ರಿ ಭಜನೆ ಮಾಡಿ, ಲಕ್ಷ್ಮಿ ದೇವಿಯನ್ನು ಆವಾಹನೆ ಮಾಡುವವರು ಸಂಪತ್ತಿನ ಅಧಿದೇವತೆಯಾದ ಲಕ್ಷ್ಮಿಯ ಅನುಗ್ರಹವನ್ನು ಪಡೆಯುತ್ತಾರೆ ಎನ್ನುವ ನಂಬಿಕೆಯಿದೆ.

ಈ ಹುಣ್ಣಿಮೆಯ ರಾತ್ರಿ, ಇಡೀ ಭೂಮಿಯು ಚಂದ್ರನ ಬೆಳಕಿನಲ್ಲಿ ತೇವವಾಗಿರುತ್ತದೆ ಮತ್ತು ಅಮೃತ ಮಳೆಯಾಗುತ್ತದೆ. ಈ ನಂಬಿಕೆಗಳ ಆಧಾರದ ಮೇಲೆ, ರಾತ್ರಿ ಚಂದ್ರನ ಬೆಳಕಿನಡಿಯಲ್ಲಿ ಖೀರ್ ಅನ್ನು ಇಡುವುದರಿಂದ, ಅದರಲ್ಲಿ ಅಮೃತವು ಸೇರಿಕೊಳ್ಳುತ್ತದೆ ಎಂದು ಹೇಳಲಾಗುತ್ತದೆ.



​ಶರದ್ ಪೂರ್ಣಿಮೆಯಂದು ಮಾಡಬಾರದ ಕೆಲಸಗಳು:

• ಈ ದಿನ ಮಾಂಸಾಹಾರ ಮತ್ತು ಮದ್ಯ ಸೇವಿಸಬೇಡಿ, ಇಲ್ಲದಿದ್ದರೆ ನೀವು ಹಣಕಾಸಿನ ತೊಂದರೆಗೆ ಸಿಲುಕಬಹುದು.
• ಹಣದ ವಹಿವಾಟುಗಳನ್ನು ಮಾಡಬೇಡಿ. ಇದು ಹಣದ ನಷ್ಟಕ್ಕೆ ಕಾರಣವಾಗುತ್ತದೆ.
• ಈ ದಿನದಂದು ಬ್ರಹ್ಮಚರ್ಯವನ್ನು ಅನುಸರಿಸಬೇಕು, ಇಲ್ಲದಿದ್ದರೆ ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳು ಉದ್ಭವಿಸುತ್ತದೆ.
• ಸೂರ್ಯಾಸ್ತದ ಮೊದಲು ದಾನ ಮಾಡಬೇಕೇ ವಿನಃ ಸೂರ್ಯಾಸ್ತದ ನಂತರ ಮಾಡಿದರೆ ಬಡತನ ಬರುತ್ತದೆ.
• ಸೂರ್ಯಾಸ್ತದ ನಂತರ ಮಹಿಳೆಯರು ತಮ್ಮ ಕೂದಲನ್ನು ಬಾಚಿಕೊಳ್ಳಬಾರದು. ಹಾಗೆ ಮಾಡುವುದು ಅಶುಭವೆನಿಸುತ್ತದೆ.