ಅಪ್ಪಿ-ತಪ್ಪಿಯೂ ತುಳಸಿ ಸುತ್ತ ಇವುಗಳನ್ನು ಇಡಬೇಡಿ, ಕೆಟ್ಟ ಕಾಲ ಶುರುವಾಗೋದು ಗ್ಯಾರಂಟಿ!

ತುಳಸಿ ಹೀಗಾಗದಂತೆ ನೋಡಿಕೊಳ್ಳಿ:

ತುಳಸಿ ಗಿಡದ ಸುತ್ತಲಿನ ಪ್ರದೇಶವು ತುಂಬಾ ಸ್ವಚ್ಛವಾಗಿರಬೇಕು. ತುಳಸಿ ಒಣಗುತ್ತಿದ್ದರೆ ಅಥವಾ ಬಾಡುತ್ತಿದ್ದರೆ, ಅದು ಅಶುದ್ಧತೆಯ ಕಾರಣದಿಂದಾಗಿರಬಹುದು. ಇಂತಹ ಪರಿಸ್ಥಿತಿಯಲ್ಲಿ ಪ್ರತಿದಿನ ತುಳಸಿಯ ಸುತ್ತಮುತ್ತ ಸ್ವಚ್ಛತೆಯ ಬಗ್ಗೆ ಕಾಳಜಿ ವಹಿಸಬೇಕು.

ತುಳಸಿಯ ಸುತ್ತ ಇವುಗಳಿರಬಾರದು:

ತುಳಸಿಯ ಸುತ್ತ ಯಾವುದೇ ಪಾದರಕ್ಷೆ, ಪೊರಕೆ ಅಥವಾ ಕಸ ಇರಬಾರದು. ಇಂತಹ ವಸ್ತುಗಳೇನಾದರೂ ಕಂಡುಬಂದರೆ, ತಕ್ಷಣವೇ ಅದನ್ನು ತೆಗೆದುಹಾಕಿ. ಜೊತೆಗೆ ಇತರ ಹೂವುಗಳು ಮತ್ತು ಎಲೆಗಳ ಜೊತೆ ತುಳಸಿ ಗಿಡಗಳನ್ನು ನೆಡಬಾರದು. ವಾಸ್ತವವಾಗಿ, ತುಳಸಿ ಗಿಡವನ್ನು ನೆಟ್ಟ ಅದೇ ಕುಂಡದಲ್ಲಿ ಇನ್ನೊಂದು ಗಿಡವನ್ನು ನೆಡುವುದು ಸೂಕ್ತವಲ್ಲ.

ತುಳಸಿ ಚೆನ್ನಾಗಿ ಬೆಳೆಯಲು ಹೀಗೆ ಮಾಡಿ:

ತುಳಸಿ ಬೆಳೆಯಲು ನೀರು ಹಾಕುವುದು ಸಾಮಾನ್ಯ. ಇದರಿಂದ ತುಳಸಿ ಬೆಳೆಯುವುದು ನಿಜ. ಆದರೆ, ತುಳಸಿ ಸದಾ ಹಸಿರಾಗಿರಲು ತುಳಸಿಗೆ, ಹಾಲನ್ನು ಬೆರೆಸಿ ನೀರು ಹಾಕಿದರೆ ತುಳಸಿ ಹಸಿರಾಗುತ್ತದೆ.

ತುಳಸಿ ಆರಾಧನೆಯಲ್ಲಿ ಇದು ಬೇಡ:

ಅನೇಕ ಬಾರಿ ಜನರು ಸಂಜೆ ತುಳಸಿಯ ದೀಪವಿಟ್ಟು ನೀರು ಹಾಕುತ್ತಾರೆ. ಆದರೆ, ಸಂಜೆ ತುಳಸಿಗೆ ನೀರನ್ನು ಅರ್ಪಿಸುವುದು ಮಂಗಳಕರವೆಂದು ಪರಿಗಣಿಸಲಾಗುವುದಿಲ್ಲ. ಇದಲ್ಲದೇ ತುಳಸಿ ಬಳಿ ನೀರು ತುಂಬಿದ ಪಾತ್ರೆ ಇಡಬಾರದು. ಹಾಗೆಯೇ ದೀಪವನ್ನು ಬೆಳಗಿದ ನಂತರ ಅದನ್ನು ಅಲ್ಲಿಂದ ತೆಗೆದುಕೊಂಡು ಹೋಗಬೇಕು, ಏಕೆಂದರೆ ತುಳಸಿಯ ಕೆಳಗೆ ದೀಪ ನಂದುವುದು ಅಶುಭವೆಂದು ಪರಿಗಣಿಸಲಾಗಿದೆ.

ತುಳಸಿಗೆ ಚುನರಿಯ ಅಲಂಕಾರ:

ಮನೆಯಲ್ಲಿ ತುಳಸಿ ಗಿಡವನ್ನು ಇಡುವಾಗ ಅದಕ್ಕೆ ಚುನರಿಯನ್ನು ತೊಡಿಸಿ. ಒಮ್ಮೆ ತೊಡಿಸಿದ ಚುನರಿಯು ಹಳೆಯದಾದಾಗ, ಅದನ್ನು ಏಕಾದಶಿ ಅಥವಾ ಇನ್ನಾವುದೇ ಶುಭ ಮುಹೂರ್ತದಲ್ಲೇ ಬದಲಾಯಿಸಬೇಕು ಎನ್ನುವುದನ್ನು ಗಮನದಲ್ಲಿಟ್ಟುಕೊಳ್ಳಿ.

ನೀರೆರೆಯುವಾಗ ಇದನ್ನು ಗಮನಿಸಿ:

ಮಹಿಳೆಯರು ಸ್ನಾನದ ನಂತರ ಕೂದಲನ್ನು ಬಿಟ್ಟುಕೊಂಡು ತುಳಸಿ ನೀರನ್ನು ಹೆಚ್ಚಾಗಿ ಅರ್ಪಿಸುತ್ತಾರೆ. ಅಂತಹ ಸಂದರ್ಭಗಳಲ್ಲಿ ಮುಡಿಯನ್ನು ಕಟ್ಟಿ ಹಣೆಗೆ ಸಿಂಧೂರ ಹಚ್ಚಿ ಮಾತ್ರ ತುಳಸಿಗೆ ನೀರನ್ನು ಅರ್ಪಿಸಬೇಕು.