ಮಕರ ಸಂಕ್ರಾಂತಿ 2019-ಸೂರ್ಯದೇವನನ್ನು ಒಲಿಸಿಕೊಳ್ಳಲು ಕೆಲವು ಅಮೂಲ್ಯ ಸಲಹೆಗಳು

ಜಲತರ್ಪಣ

ಸೂರ್ಯದೇವನನ್ನು ಒಲಿಸಿಕೊಳ್ಳಲು ಯಾವುದೇ ದಿನದಲ್ಲಿ ಜಲವನ್ನು ಅರ್ಪಿಸಬಹುದಾದರೂ ಮಕರ ಸಂಕ್ರಾಂತಿಯಂದು ಜಲ ಅರ್ಪಿಸುವುದು ಒಂದು ಅತ್ಯುತ್ತಮ ವಿಧಾನವಾಗಿದೆ. ಈ ದಿನ ಸೂರ್ಯದೇವನಿಗೆ ಜಲವನ್ನು ಅರ್ಪಿಸುವ ಮೂಲಕ ಸೂರ್ಯದೇವನ ಆಶೀರ್ವಾದ ಪಡೆದು ಯಶಸ್ಸು ಪಡೆಯಬಹುದು.

ಸೂರ್ಯ ಯಂತ್ರ

ಸೂರ್ಯ ಯಂತ್ರವನ್ನು ಧರಿಸಿಕೊಳ್ಳಲು ಮಕ್ರ ಸಂಗ್ರಾಂತಿ ಅತ್ಯುತ್ತಮ ದಿನವಾಗಿದೆ. ಇದೊಂದು ತಾಮ್ರದ ಪದಕವಾಗಿದೆ ಹಾಗೂ ಇದರ ಮೇಲೆ ಸೂರ್ಯದೇವನ ಮುಖದ ಚಿತ್ರವಿರುತ್ತದೆ. ಈ ಪದಕವನ್ನು ಕೆಂಪು ದಾರದ ಮೂಲಕ ಕುತ್ತಿಗೆಯಲ್ಲಿ ಧರಿಸಿ ಕೊಂಡರೆ ಈ ದಿನ ಸೂರ್ಯದೇವನ ಸ್ಥಾನ ಗ್ರಹಗಳ ನಡುವೆ ಅತ್ಯಂತ ಸೂಕ್ತ ಸ್ಥಳದಲ್ಲಿದ್ದು ಗರಿಷ್ಟ ಪ್ರಯೋಜನ ದೊರಕಲಿದೆ. ಅಲ್ಲದೇ ಯಾರ ಪಂಚಾಂಗದಲ್ಲಿ ಸೂರ್ಯನ ಸ್ಥಾನ ಸೂಕ್ತ ಸ್ಥಾನದಲ್ಲಿರದ ವ್ಯಕ್ತಿಗಳಿಗೆ ಈ ಪದಕ ಅತಿ ಹೆಚ್ಚಿನ ಪ್ರಯೋಜನ ಒದಗಿಸಲಿದೆ. ಅಲ್ಲದೇ ಸಾಲಭಾರ ಮತ್ತು ಕಣ್ಣು ಹಾಗೂ ತ್ವಚೆಯ ತೊಂದರೆ ಇರುವ ವ್ಯಕ್ತಿಗಳಿಗೂ ಶೀಘ್ರವೇ ಪರಿಹಾರ ದೊರಕಲಿದೆ.

Most Read:ಮಕರ ಸಂಕ್ರಾಂತಿಯಂದು ತಪ್ಪದೇ ಈ ಮಂತ್ರಗಳನ್ನು ಪಠಿಸಿ - ಎಲ್ಲವೂ ಒಳ್ಳೆಯದಾಗುತ್ತದೆ

ಕೇಸರಿ ತಿಲಕ

ಮಕರ ಸಂಕ್ರಾಂತಿಯಂದು ಮುಂಜಾನೆ ಬೇಗನೇ ಎದ್ದು ಸ್ನಾನ ಮಾಡಬೇಕು. ಬಳಿಕ ಸೂರ್ಯದೇವನನ್ನು ಪೂಜಿಸಿ ಆದಿತ್ಯ ಹೃದಯ ಸ್ತೋತ್ರವನ್ನು ಪಠಿಸಬೇಕು. ಕೊಂಚ ಕೇಸರಿ ಮತ್ತು ಗುಲಾಬಿನೀರನ್ನು ಬೆರೆಸಿ ಈ ಮಿಶ್ರಣವನ್ನು ಹಣೆಗೆ ಧರಿಸಿ ಕೊಳ್ಳಬೇಕು. ಈ ತಿಲಕವನ್ನು ಸಂರಕ್ಷಿಸಿಕೊಂಡು ಮುಂದಿನ ದಿನಗಳಲ್ಲಿ ನಿತ್ಯವೂ ಧರಿಸಿದರೆ ಇನ್ನೂ ಉತ್ತಮ. ಈ ಮೂಲಕ ಉತ್ತಮ ಉದ್ಯೋಗ ಹಾಗೂ ಬಡ್ತಿ ಶೀಘ್ರವೇ ಒಲಿಯುತ್ತದೆ. ವಿಶೇಷವಾಗಿ ಉದ್ಯೋಗದ ಸಂದರ್ಶನಕ್ಕೆ ಹೋಗುವವರು ಈ ತಿಲಕ ಧರಿಸಿದರೆ ಹೆಚ್ಚು ಪ್ರಯೋಜನವಾಗಲಿದೆ.

ಆದಿತ್ಯ ಹೃದಯ ಸ್ತೋತ್ರ

ಮಕರ ಸಂಕ್ರಾಂತಿಯ ದಿನದಂದು ಪ್ರಾರಂಭಿಸಿ ಮುಂದಿನ ನೂರಾ ಒಂದು ದಿನಗಳವರೆಗೆ ಸತತವಾಗಿ ಪ್ರತಿದಿನವೂ ಆದಿತ್ಯ ಹೃದಯ ಸ್ತೋತ್ರವನ್ನು ಪಠಿಸುವುದು ಉತ್ತಮ ಅಭ್ಯಾಸವಾಗಿದೆ. ಈ ಮೂಲಕ ಸಾಮಾಜಿಕ ಪ್ರತಿಷ್ಥೆ ಹಾಗೂ ಗೌರವ ಪ್ರಾಪ್ತವಾಗುತ್ತದೆ. ಜೊತೆಗೇ ಸೂರ್ಯದೇವನ ಅನುಗ್ರಹವೂ ದೊರಕಿ ಹೆಚ್ಚಿನ ಸಮೃದ್ದಿಯೂ ದೊರಕುತ್ತದೆ.