For Quick Alerts
ALLOW NOTIFICATIONS  
For Daily Alerts

ಮಕರ ಸಂಕ್ರಾಂತಿ 2019-ಸೂರ್ಯದೇವನನ್ನು ಒಲಿಸಿಕೊಳ್ಳಲು ಕೆಲವು ಅಮೂಲ್ಯ ಸಲಹೆಗಳು

|

ಪ್ರತಿವರ್ಷ ಮಕರ ಸಂಕ್ರಾಂತಿ ಹಬ್ಬವನ್ನು ಜನವರಿ ಹದಿನಾಲ್ಕರಂದು ಆಚರಿಸಲಾಗುತ್ತದೆ. ಆದರೆ ಈ ವರ್ಷ ಈ ಹಬ್ಬ ಜನವರಿ ಹದಿನೈದರಂದು ಆಚರಿಸಲಾಗುವುದು. ಸೂರ್ಯ ಒಂದು ರಾಶಿಯಿಂದ ಇನ್ನೊಂದು ರಾಶಿಗೆ ಬದಲಾಗುವಾಗ ಈ ಹಬ್ಬ ಆಗಮಿಸುತ್ತದೆ. ಈ ವರ್ಷ ಜನವರಿ ಹದಿನಾಲ್ಕರ ಸಂಜೆ ಏಳು ಗಂಟೆ ಐವತ್ತು ನಿಮಿಷಕ್ಕೆ ಸರಿಯಾಗಿ ಸೂರ್ಯ ಮಕರ ರಾಶಿಯನ್ನು ಪ್ರವೇಶಿಸುತ್ತಾನೆ.

ಈ ಸಂದರ್ಭ ಅಂದಿನ ದಿನದ ಅವಧಿ ಕಳೆದ ಬರುವ ಕಾರಣ ಹಾಗೂ ಹಿಂದೂ ಧರ್ಮದಲ್ಲಿ ಸೂರ್ಯನ ಚಲನೆಯನ್ನು ಆಧರಿಸಿದ ವೇಳಾಪಟ್ಟಿಯನ್ನು ಅನುಸರಿಸುವ ಕಾರಣ ಸೂರ್ಯಾಸ್ತದ ಬಳಿಕ ಎದುರಾಗುವ ಸಂದರ್ಭಗಳನ್ನು ಮರುದಿನ ಪರಿಗಣಿಸಲಾಗುತ್ತದೆ. ಇದೇ ಕಾರಣಕ್ಕೆ ಈ ವರ್ಷ ಜನವರಿ ಹದಿನೈದರಂದು ಸಂಕ್ರಾಂತಿ ಹಬ್ಬವನ್ನು ಆಚರಿಸಲಾಗುತ್ತಿದೆ. ಈ ದಿನದಂದು ಸೂರ್ಯನನ್ನು ಆರಾಧಿಸುವ ಮೂಲಕ ಸೂರ್ಯದೇವನ ಕೃಪೆಯನ್ನು ಪಡೆಯಬಹುದು ಎಂಬ ನಂಬಿಕೆ ಈ ದಿನವನ್ನು ಪವಿತ್ರವನ್ನಾಗಿಸಿದೆ.

ಸೂರ್ಯದೇವನಿಗೆ ಕಾಣಿಕೆ ಎಂದರೆ ತುಂಬಾ ಇಷ್ಟ. ಈ ದಿನ ಬಡವರಿಗೆ ಚಳಿಯಿಂದ ರಕ್ಷಣೆ ಪಡೆಯಲು ಉಣ್ಣೆಯ ಬಟ್ಟೆಗಳು ಹಾಗೂ ಇತರ ವಸ್ತುಗಳನ್ನು ನೀಡುವ ಮೂಲಕ ಸೂರ್ಯದೇವನ ಕೃಪಗೆ ಒಳಗಾಗಬಹುದು. ಇದರ ಹೊರತಾಗಿ, ಈ ದಿನ ಸೂರ್ಯದೇವನ ಕೃಪೆಗೆ ಒಳಗಾಗಲು ಅನುಸರಿಸಬಹುದಾದ ಇತರ ಸಲಹೆಗಳನ್ನು ನೀಡಲಾಗಿದೆ. ಬನ್ನಿ, ಇವು ಯಾವುವು ಎಂದು ನೋಡೋಣ....

ಜಲತರ್ಪಣ

ಜಲತರ್ಪಣ

ಸೂರ್ಯದೇವನನ್ನು ಒಲಿಸಿಕೊಳ್ಳಲು ಯಾವುದೇ ದಿನದಲ್ಲಿ ಜಲವನ್ನು ಅರ್ಪಿಸಬಹುದಾದರೂ ಮಕರ ಸಂಕ್ರಾಂತಿಯಂದು ಜಲ ಅರ್ಪಿಸುವುದು ಒಂದು ಅತ್ಯುತ್ತಮ ವಿಧಾನವಾಗಿದೆ. ಈ ದಿನ ಸೂರ್ಯದೇವನಿಗೆ ಜಲವನ್ನು ಅರ್ಪಿಸುವ ಮೂಲಕ ಸೂರ್ಯದೇವನ ಆಶೀರ್ವಾದ ಪಡೆದು ಯಶಸ್ಸು ಪಡೆಯಬಹುದು.

ಸೂರ್ಯ ಯಂತ್ರ

ಸೂರ್ಯ ಯಂತ್ರ

ಸೂರ್ಯ ಯಂತ್ರವನ್ನು ಧರಿಸಿಕೊಳ್ಳಲು ಮಕ್ರ ಸಂಗ್ರಾಂತಿ ಅತ್ಯುತ್ತಮ ದಿನವಾಗಿದೆ. ಇದೊಂದು ತಾಮ್ರದ ಪದಕವಾಗಿದೆ ಹಾಗೂ ಇದರ ಮೇಲೆ ಸೂರ್ಯದೇವನ ಮುಖದ ಚಿತ್ರವಿರುತ್ತದೆ. ಈ ಪದಕವನ್ನು ಕೆಂಪು ದಾರದ ಮೂಲಕ ಕುತ್ತಿಗೆಯಲ್ಲಿ ಧರಿಸಿ ಕೊಂಡರೆ ಈ ದಿನ ಸೂರ್ಯದೇವನ ಸ್ಥಾನ ಗ್ರಹಗಳ ನಡುವೆ ಅತ್ಯಂತ ಸೂಕ್ತ ಸ್ಥಳದಲ್ಲಿದ್ದು ಗರಿಷ್ಟ ಪ್ರಯೋಜನ ದೊರಕಲಿದೆ. ಅಲ್ಲದೇ ಯಾರ ಪಂಚಾಂಗದಲ್ಲಿ ಸೂರ್ಯನ ಸ್ಥಾನ ಸೂಕ್ತ ಸ್ಥಾನದಲ್ಲಿರದ ವ್ಯಕ್ತಿಗಳಿಗೆ ಈ ಪದಕ ಅತಿ ಹೆಚ್ಚಿನ ಪ್ರಯೋಜನ ಒದಗಿಸಲಿದೆ. ಅಲ್ಲದೇ ಸಾಲಭಾರ ಮತ್ತು ಕಣ್ಣು ಹಾಗೂ ತ್ವಚೆಯ ತೊಂದರೆ ಇರುವ ವ್ಯಕ್ತಿಗಳಿಗೂ ಶೀಘ್ರವೇ ಪರಿಹಾರ ದೊರಕಲಿದೆ.

Most Read: ಮಕರ ಸಂಕ್ರಾಂತಿಯಂದು ತಪ್ಪದೇ ಈ ಮಂತ್ರಗಳನ್ನು ಪಠಿಸಿ - ಎಲ್ಲವೂ ಒಳ್ಳೆಯದಾಗುತ್ತದೆ

ಕೇಸರಿ ತಿಲಕ

ಕೇಸರಿ ತಿಲಕ

ಮಕರ ಸಂಕ್ರಾಂತಿಯಂದು ಮುಂಜಾನೆ ಬೇಗನೇ ಎದ್ದು ಸ್ನಾನ ಮಾಡಬೇಕು. ಬಳಿಕ ಸೂರ್ಯದೇವನನ್ನು ಪೂಜಿಸಿ ಆದಿತ್ಯ ಹೃದಯ ಸ್ತೋತ್ರವನ್ನು ಪಠಿಸಬೇಕು. ಕೊಂಚ ಕೇಸರಿ ಮತ್ತು ಗುಲಾಬಿನೀರನ್ನು ಬೆರೆಸಿ ಈ ಮಿಶ್ರಣವನ್ನು ಹಣೆಗೆ ಧರಿಸಿ ಕೊಳ್ಳಬೇಕು. ಈ ತಿಲಕವನ್ನು ಸಂರಕ್ಷಿಸಿಕೊಂಡು ಮುಂದಿನ ದಿನಗಳಲ್ಲಿ ನಿತ್ಯವೂ ಧರಿಸಿದರೆ ಇನ್ನೂ ಉತ್ತಮ. ಈ ಮೂಲಕ ಉತ್ತಮ ಉದ್ಯೋಗ ಹಾಗೂ ಬಡ್ತಿ ಶೀಘ್ರವೇ ಒಲಿಯುತ್ತದೆ. ವಿಶೇಷವಾಗಿ ಉದ್ಯೋಗದ ಸಂದರ್ಶನಕ್ಕೆ ಹೋಗುವವರು ಈ ತಿಲಕ ಧರಿಸಿದರೆ ಹೆಚ್ಚು ಪ್ರಯೋಜನವಾಗಲಿದೆ.

ಆದಿತ್ಯ ಹೃದಯ ಸ್ತೋತ್ರ

ಆದಿತ್ಯ ಹೃದಯ ಸ್ತೋತ್ರ

ಮಕರ ಸಂಕ್ರಾಂತಿಯ ದಿನದಂದು ಪ್ರಾರಂಭಿಸಿ ಮುಂದಿನ ನೂರಾ ಒಂದು ದಿನಗಳವರೆಗೆ ಸತತವಾಗಿ ಪ್ರತಿದಿನವೂ ಆದಿತ್ಯ ಹೃದಯ ಸ್ತೋತ್ರವನ್ನು ಪಠಿಸುವುದು ಉತ್ತಮ ಅಭ್ಯಾಸವಾಗಿದೆ. ಈ ಮೂಲಕ ಸಾಮಾಜಿಕ ಪ್ರತಿಷ್ಥೆ ಹಾಗೂ ಗೌರವ ಪ್ರಾಪ್ತವಾಗುತ್ತದೆ. ಜೊತೆಗೇ ಸೂರ್ಯದೇವನ ಅನುಗ್ರಹವೂ ದೊರಕಿ ಹೆಚ್ಚಿನ ಸಮೃದ್ದಿಯೂ ದೊರಕುತ್ತದೆ.

English summary

Tips To Please Surya Dev On Sankranti

Makar Sankranti, one of the most popular festivals of India, will fall on 15 January 2019. The day marks the end of the harvest season and the onset of the northward journey of the Sun. With it, the sun enters Capricorn. To celebrate the day, various traditons are followed in all the states of India. Some astrological tips can get you the blessings of Surya Dev.
X