ಶ್ರಾವಣ ಮಾಸದಲ್ಲಿ ತಪ್ಪದೇ ಮಾಡಿ ಈ ಕೆಲಸವ, ಶಿವ ಖುಷಿ ಪಡುವನು

ಭಸ್ಮ

ಭಸ್ಮ ಶಿವನಿಗೆ ಶ್ರೇಷ್ಠವಾದದ್ದು. ಶ್ರಾವಣ ಮಾಸದಲ್ಲಿ ದೇವಸ್ಥಾನ ಅಥವಾ ಮನೆಯಲ್ಲಿರುವ ಶಿವನ ಮೂರ್ತಿ/ಚಿತ್ರದ ಮುಂದೆ ಭಸ್ಮವನ್ನು ಇಡಬೇಕು. ಆಗ ಪುಣ್ಯ ಲಭಿಸುವುದು.

ಬೆಳ್ಳಿ ಅಥವಾ ತಾಮ್ರದ ಬಸವ

ಶ್ರಾವಣ ಮಾಸದಲ್ಲಿ ಬೆಳ್ಳಿ ಅಥವಾ ತಾಮ್ರದ ಬಸವನ ಮೂರ್ತಿಯನ್ನು ವಾರ್ಡ್ರೋಬ್‌ನಲ್ಲಿ ತಂದು ಇರಿಸಬೇಕು. ಹಣಕಾಸಿನ ಹರಿವು ಹೆಚ್ಚುವುದು. ವ್ಯಾಪಾರ, ವ್ಯವಹಾರದಲ್ಲಿ ಉತ್ತಮ ಫಲಿತಾಂಶ ದೊರೆಯುವುದು.

ರುದ್ರಾಕ್ಷಿ ಮಣಿ

ಯಾವುದೇ ಆಕಾರದಲ್ಲಿರುವ ಒಂದು ರುದ್ರಾಕ್ಷಿ ಮಣಿಯನ್ನು ಮನೆಯ ಮುಖ್ಯ ಶಯನ ಕೋಣೆಯಲ್ಲಿ ಇರಿಸಬೇಕು. ಅದೃಷ್ಟವು ಒಲಿಯುವುದು.

ಗಂಗಾ ಜಲ

ಗಂಗಾ ಜಲದ ಗಿಂಡಿ ಅಥವಾ ಬಾಟಲ್‍ ಅನ್ನು ಅಡುಗೆ ಮನೆಯಲ್ಲಿ ಇರಿಸುವುದರಿಂದ ಮನೆಯಲ್ಲಿ ಶಾಂತಿ ಮತ್ತು ಸಮೃದ್ಧಿ ನೆಲೆಸುವುದು.

ನಾಗರ ಹೆಡೆ

ಶಿವನ ಕುತ್ತಿಗೆಯಲ್ಲಿ ಹಾವು ಇರುವುದನ್ನು ನಾವು ನೋಡುತ್ತೇವೆ. ನಾಗರ ಹಾವಿನ ತಾಮ್ರ ಅಥವಾ ಬೆಳ್ಳಿ ನಾಗರ ಹೆಡೆಯನ್ನು ಮನೆಯ ಪ್ರಧಾನ ಗೇಟಿನ ಕೆಳಗೆ ಹೂತಿಡಬೇಕು. ಹೀಗೆ ಮಾಡುವುದರಿಂದ ಮನೆಯ ವಾಸ್ತು ದೋಷ ನಿವಾರಣೆಯಾಗುವುದು.

ತಾಮ್ರ ಚೊಂಬು

ಮನೆಯಲ್ಲಿ ಸದಸ್ಯರೊಂದಿಗೆ ಕುಳಿತು, ಹೆಚ್ಚು ಸಮಯ ಕಳೆಯುವ ಜಾಗದಲ್ಲಿ ನೀರು ತುಂಬಿದ ತಾಮ್ರದ ಚೊಂಬನ್ನು ಇಡಬೇಕು. ಇದು ಸುತ್ತಲು ಪ್ರೀತಿ ಮತ್ತು ಸಂತೋಷದ ವಾತಾವರಣವಿರುವಂತೆ ಮಾಡುತ್ತದೆ.

ಡಮರು

ಮಕ್ಕಳ ಕೋಣೆಯಲ್ಲಿ ಡಮರನ್ನು ಇಡಬೇಕು. ಅದು ಮಕ್ಕಳಿಗೆ ಜೀವನದ ಬಗ್ಗೆ ಹೆಚ್ಚು ಏಕಾಗ್ರತೆ ಬೆಳೆಯುವಂತೆ ಮಾಡುತ್ತದೆ. ಅಲ್ಲದೆ ಮಕ್ಕಳನ್ನು ಸದಾ ರಕ್ಷಿಸುತ್ತದೆ.

ತ್ರಿಶೂಲ

ಬೆಳ್ಳಿ ಅಥವಾ ತಾಮ್ರದ ತ್ರಿಶೂಲವನ್ನು ಮನೆಯ ಪ್ರವೇಶಾಂಗಣದಲ್ಲಿ ಇಡಬೇಕು. ಇದರಿಂದ ನಕಾರಾತ್ಮಕ ಶಕ್ತಿಯು ಮನೆಯ ಒಳಗೆ ಪ್ರವೇಶಿಸದಂತೆ ಕಾಯುತ್ತದೆ. ಜೊತೆಗೆ ಮನೆಯ ತೇಜಸ್ಸನ್ನು ಹೆಚ್ಚಿಸುತ್ತದೆ.