ದುರ್ಗಾ ಪೂಜೆಯ ಮಹತ್ವವನ್ನು ಸಾರುವ 9 ಆಚರಣೆಗಳು

ತರ್ಪಣ: ಮಹಾಲಯ ಅಮಾವಾಸ್ಯೆ

ಮಹಾಲಯ ಅಮಾವಾಸ್ಯೆ ದಿನ ದೇವಿ ಪಕ್ಷವು ಆರಂಭಗೊಳ್ಳುತ್ತದೆ. ಈ ದಿನ ದುರ್ಗಾ ದೇವಿಯು ಕೈಲಾಸದಿಂದ ತನ್ನ ಪ್ರಯಾಣವನ್ನು ಆರಂಭಿಸುತ್ತಾಳೆ. ಈ ದಿನ ಜನರು ಗತಿಸಿದ ತಮ್ಮ ಹಿರಿಯರಿಗಾಗಿ ತರ್ಪಣವನ್ನು ಬಿಡುತ್ತಾರೆ. ಇದು ದುರ್ಗಾ ಪೂಜೆಗೆ ಸಂಬಂಧಿಸಿದ ಆಚರಣೆಗಳಿಗೆ ಶಾಸ್ತ್ರೋಕ್ತವಾಗಿ ಮುನ್ನುಡಿ ಹಾಡುತ್ತದೆ.

ಕಲಪರಂಭೊ: ಮಹಾ ಷಷ್ಠಿ

ಈ ದಿನ ದೇವಿ ದುರ್ಗೆಯು ಮರ್ತ್ಯಲೋಕವನ್ನು ತಲುಪುತ್ತಾಳೆ, ಈ ಆಚರಣೆಯು ಅದನ್ನು ಸಾರುತ್ತದೆ. ಆಕೆಯ ಮುಚ್ಚಿದ ಮುಖವನ್ನು ಇಂದು ತೆರೆಯಲಾಗುತ್ತದೆ. ಕಲಪರಂಭೊ ಪೂಜೆಯು ಈ ಪೂಜಾ ಆಚರಣೆಯ ಆರಂಭಿಕ ವಿಧಿಯಾಗಿ ಪರಿಗಣಿಸಲಾಗಿರುತ್ತದೆ.

ಕೊಲ ಬೌ ತರುವುದು

ಮಹಾ ಸಪ್ತಮಿ ಕೊಲ ಬೌ ಎಂಬುದು ಬಾಳೆ ಹಣ್ಣಿನ ಗಿಡ, ಇದನ್ನು ಗಣಪತಿಯ ವಧು ಎಂದು ಸಹ ಪರಿಗಣಿಸಲಾಗುತ್ತದೆ. ಮಹಾ ಸಪ್ತಮಿಯಂದು ಈಕೆಯನ್ನು ನದಿಯಲ್ಲಿ ಅಥವಾ ನೀರಿರುವ ಕಲ್ಯಾಣಿಯಲ್ಲಿ ಸ್ನಾನ ಮಾಡಿಸಿ ಸಂಜೆಗೆ ಮುನ್ನ ಗಣಪತಿಯ ಮುಂದೆ ತಂದು ಇಡುತ್ತಾರೆ.

ಒಂಭತ್ತು ಗಿಡಗಳ ಪೂಜೆ

ಮಹಾ ಸಪ್ತಮಿಯಂದು ಮತ್ತೊಂದು ಬಗೆಯ ಆಚರಣೆಯನ್ನು ಮಾಡುತ್ತಾರೆ. ಅಂದು ಒಂಭತ್ತು ಬಗೆಯ ಗಿಡಗಳನ್ನು ಪೂಜಿಸುತ್ತಾರೆ. ಈ ಗಿಡಗಳು ದೇವಿಯನ್ನು ಪ್ರತಿನಿಧಿಸುತ್ತವೆ ಎಂದು ಹೇಳಲಾಗುತ್ತದೆ.

ಕುಮಾರಿ ಪೂಜಾ: ಮಹಾ ಅಷ್ಟಮಿ

ಮಹಾ ಅಷ್ಟಮಿಯ ದಿನದಂದು, ಋತುಮತಿಯಾಗದ ಹೆಣ್ಣು ಮಕ್ಕಳನ್ನು ಮನೆಗೆ ಕರೆದು ಅಥವಾ ಮನೆಯಲ್ಲಿರುವ ಋತುಮತಿಯಾಗ ಹೆಣ್ಣು ಮಕ್ಕಳನ್ನು ದೇವಿಯ ಅವತಾರದ ಸ್ವರೂಪವೆಂದು ಭಾವಿಸಿ ಪೂಜಿಸಲಾಗುತ್ತದೆ.

ಸಂಧಿ ಪೂಜೆ: ಮಹಾನವಮಿ

ಮಹಾ ಅಷ್ಟಮಿ ಮತ್ತು ಮಹಾನವಮಿ ಸಂಧಿಸುವ ಸಮಯದಲ್ಲಿ ಈ ಸಂಧಿ ಪೂಜೆಯನ್ನು ಮಾಡಲಾಗುತ್ತದೆ. ಅಷ್ಟಮಿಯ ಕಡೆಯ 24 ನಿಮಿಷಗಳು ಮತ್ತು ನವಮಿಯ ಮೊದಲ 24 ನಿಮಿಷಗಳನ್ನು ಈ ಸಂಧಿಕಾಲವೆಂದು ಪರಿಗಣಿಸಲಾಗುತ್ತದೆ. ಈ ಸಂಧಿಕಾಲದಲ್ಲಿಯೇ ದುರ್ಗಾ ದೇವಿಯು ಭಯಾನಕ ರಾಕ್ಷಸರಾದ ಚಂಡ ಮತ್ತು ಮುಂಡರನ್ನು ಸಂಹರಿಸಿದಳು ಎಂದು ಹೇಳಲಾಗುತ್ತದೆ.

ಸಿಂಧೂರ್ ಖೇಲ: ಮಹಾ ದಶಮಿ

ಈ ಪೂಜೆಯ ಕಡೆಯ ದಿನದಂದು, ಭಕ್ತಾಧಿಗಳು ದೇವಿಯನ್ನು ಅತ್ಯಂತ ದುಃಖ ಭರಿತರಾಗಿ ಬೀಳ್ಕೊಡುತ್ತಾರೆ. ಭಕ್ತಾಧಿಗಳು ಆಕೆಯ ಕೂದಲಿಗೆ ಕುಂಕುಮವನ್ನು ಹಚ್ಚುತ್ತಾರೆ ಮತ್ತು ಆಕೆಗೆ ಸಿಹಿಯನ್ನು ಉಣಿಸುತ್ತಾರೆ. ಇದಕ್ಕೆ "ಠಾಕೂರು ಬೊರೊನ್" ಎಂದು ಕರೆಯುತ್ತಾರೆ. ಇದಾದ ನಂತರ ಹೆಂಗಳೆಯರು ತಮ್ಮ ತಮ್ಮಲ್ಲಿಯೇ ಪರಸ್ಪರ ಕುಂಕುಮದಲ್ಲಿ ಆಟವಾಡುತ್ತಾರೆ. ಇದಕ್ಕೆ " ಸಿಂಧೂರ್ ಖೇಲಾ" ಎಂದು ಕರೆಯುತ್ತಾರೆ.

ವಿಜಯದಶಮಿ: ಮಹಾದಶಮಿ

ದೇವಿ ಮತ್ತು ಆಕೆಯ ಕುಟುಂಬವನ್ನು ನೀರಿನಲ್ಲಿ ಮುಳುಗಿಸಿದ ನಂತರ, ಆಕೆಯು ಕೈಲಾಸಕ್ಕೆ ಮತ್ತೆ ಪ್ರಯಾಣ ಆರಂಭಿಸುತ್ತಾಳೆ ಎಂದು ಪ್ರತೀತಿ. ಆಗ ವಿಜಯ ದಶಮಿ ಆರಂಭವಾಗುತ್ತದೆ. ಆಗ ನೀವು ನಿಮ್ಮ ಸಮಾನರಿಗೆ ಶುಭಾಶಯ ಹೇಳಬೇಕು, ಮತ್ತು ಹಿರಿಯರಿಂದ ಆಶೀರ್ವಾದವನ್ನು ಪಡೆಯಬೇಕು.

ಶಾರದಾ ನವರಾತ್ರಿ

ಭಾರತದ ಪೂರ್ವದ ಕಡೆ ನವರಾತ್ರಿಯನ್ನು ಶಾರದಾ ನವರಾತ್ರಿಯೆಂದು ಆಚರಿಸುತ್ತಾರೆ. ಇನ್ನು ಕೆಲವು ಕಡೆ ಮಹಾನವರಾತ್ರಿ ಎಂದು ಕೂಡ ಕರೆಯುತ್ತಾರೆ. ರಾಮ ಸೀತೆಯನ್ನು ಬಿಡಿಸಿಕೊಂಡು ಬರಲು ಲಂಕೆಗೆ ಯುದ್ಧಕ್ಕೆ ಹೋಗುವ ಮುನ್ನ ಈ ಪೂಜೆ ಮಾಡಿದ್ದನು ಎಂದು ಹೇಳಲಾಗುತ್ತದೆ. ಈ ನವರಾತ್ರಿಯನ್ನು ಅಕ್ಟೋಬರ್ ತಿಂಗಳಿನಲ್ಲಿ ಆಚರಿಸಲಾಗುವುದು.