ಮನೆಯ ಮೆಟ್ಟಿಲುಗಳ ನಿರ್ಮಾಣದಲ್ಲಿ ವಾಸ್ತು ಏಕೆ ಅತಿ ಮುಖ್ಯ

ಮೆಟ್ಟಿಲುಗಳ ಕೆಳಭಾಗದಲ್ಲಿರುವ ವಸ್ತುಗಳು

ಮೆಟ್ಟಿಲುಗಳ ಕೆಳಭಾಗದಲ್ಲಿ ನೀವು ಯಾವುದೇ ವಸ್ತುಗಳನ್ನು ಇರಿಸಬಾರದು. ತಮ್ಮ ಲಾಕರ್‌ಗಳನ್ನು ಕೆಲವರು ಮೆಟ್ಟಿಲುಗಳ ಅಡಿಭಾಗದಲ್ಲಿ ಇರಿಸುತ್ತಾರೆ. ಅಂತೆಯೇ ಕಸದ ಡಬ್ಬಿಗಳನ್ನು ಇರಿಸಲು ಬಳಸುತ್ತಾರೆ. ಅಂತೆಯೇ ಮೆಟ್ಟಿಲುಗಳ ಕೆಳಗೆ ಶೂ ರ‍್ಯಾಕ್ ಅನ್ನು ಇರಿಸುವುದು ಅಮಂಗಳಕರವಾಗಿದೆ. ಮತ್ತು ಇದು ಕುಟುಂಬದಲ್ಲಿ ಕಲಹವನ್ನು ಉಂಟುಮಾಡುತ್ತದೆ.

ಮೆಟ್ಟಿಲುಗಳ ಕೆಳಗೆ ಇರುವ ಕೊಠಡಿಗಳು

ಪೂಜಾ ಕೊಠಡಿ ಅಥವಾ ಕೃತಕ ದೇವಾಲಯಗಳನ್ನು ಮೆಟ್ಟಿಲುಗಳ ಅಡಿಯಲ್ಲಿ ನಿರ್ಮಿಸಿ ಅಲ್ಲಿ ದೇವರ ಪೂಜೆ ಮಾಡುವುದು ಅಮಂಗಳವಾಗಿದೆ. ಹೀಗೆ ಮಾಡುವುದರಿಂದ ಹಣ ನಷ್ಟ ಉಂಟಾಗಬಹುದು.

Most Read:ಮಲಗುವ ಕೋಣೆಯ ವಾಸ್ತು ಹೇಗಿರಬೇಕು ಗೊತ್ತಾ?

ಅಡುಗೆ ಕೋಣೆ

ಮೆಟ್ಟಿಲುಗಳ ಕೆಳಗೆ ಅಡುಗೆ ಕೋಣೆಯನ್ನು ನಿರ್ಮಿಸಬಾರದು. ಮೆಟ್ಟಿಲುಗಳ ಕೆಳಗೆ ಅಡುಗೆ ಕೋಣೆಯನ್ನು ನಿರ್ಮಿಸಿದರೆ, ಮನೆಯ ಸದಸ್ಯರು ಹೆಚ್ಚಿನ ಆರೋಗ್ಯ ಸಮಸ್ಯೆಗಳನ್ನು ಅನುಭವಿಸಬೇಕಾಗುತ್ತದೆ.

ಬಚ್ಚಲು ಮನೆ

ಮೆಟ್ಟಿಲುಗಳ ಕೆಳಗೆ ಬಚ್ಚಲು ಮನೆಯನ್ನು ಕೂಡ ನಿರ್ಮಿಸಬಾರದು. ಇನ್ನು ಸೋರುತ್ತಿರುವ ಟ್ಯಾಪ್ ಇಲ್ಲ ಎಂಬುದನ್ನು ಖಾತ್ರಿಪಡಿಸಿ ಕೊಳ್ಳಿ.

ಸರಿಯಾದ ದಿಕ್ಕುಗಳು

ಮೆಟ್ಟಲಿಗಳ ಮೇಲೆ ನಡೆಯುತ್ತಿರುವಾಗ ಒಬ್ಬ ವ್ಯಕ್ತಿ ಪಶ್ಚಿಮ ಅಥವಾ ದಕ್ಷಿಣದ ಕಡೆಗೆ ನಡೆಯಬೇಕು ಅದೇ ರೀತಿ ಮೆಟ್ಟಿಲುಗಳಿಂದ ಇಳಿಯುವಾಗ ಅವನು ಉತ್ತರ ಅಥವಾ ಪೂರ್ವ ದಿಕ್ಕಿನ ಕಡೆಗೆ ಮುಖ ಮಾಡಿರಬೇಕು. ಮೆಟ್ಟಿಲುಗಳನ್ನು ಮನೆಯ ಮಧ್ಯ ಭಾಗದಲ್ಲಿ ಇರಿಸಬಾರದು. ಅಂತೆಯೇ ಮೆಟ್ಟಿಲುಗಳು ಅಡುಗೆ ಕೋಣೆ, ಪೂಜಾ ಕೊಠಡಿ ಅಥವಾ ಸ್ಟೋರ್ ರೂಮ್ ಕಡೆಗೆ ಆರಂಭ ಅಥವಾ ಅಂತ್ಯಗೊಳ್ಳಬಾರದು. ಮನೆಯ ಪ್ರವೇಶ ದ್ವಾರದಿಂದ ಮೆಟ್ಟಿಲುಗಳು ಆರಂಭಗೊಂಡರೆ ಮತ್ತು ಕೊಠಡಿಯ ಕಡೆಗೆ ಹೋಗುತ್ತಿದ್ದರೆ ಉತ್ತಮ.

ಮೆಟ್ಟಿಲುಗಳ ಕೆಳಗೆ ಅಂತರ

ಮೆಟ್ಟಿಲುಗಳ ಕೆಳಗೆ ಕತ್ತಲೆ ಇರಬಾರದು. ಅಸ್ತವ್ಯಸ್ತಗೊಂಡಿರಬಾರದು. ವಾಸ್ತು ಶಾಸ್ತ್ರದ ಪ್ರಕಾರ ಮೆಟ್ಟಿಲುಗಳ ಕೆಳಗೆ ಚೆನ್ನಾಗಿ ಬೆಳಕು ಬರುವಂತೆ ಮತ್ತು ಸಂಘಟಿತ ಸ್ಥಳಕ್ಕೆ ಆದ್ಯತೆ ನೀಡಲಾಗುತ್ತದೆ.

ಹಾನಿಗೊಂಡ ಮೆಟ್ಟಿಲುಗಳು

ಮೆಟ್ಟಿಲುಗಳಲ್ಲಿ ಏನಾದರೂ ಮುರಿತ ಸಂಭವಿಸಿದ್ದರೆ ಮನೆಯಲ್ಲಿರುವ ದಂಪತಿಗಳ ನಡುವಿನ ಕಲಹವನ್ನು ಇದು ಸೂಚಿಸುತ್ತದೆ. ಆದ್ದರಿಂದ ಇದನ್ನು ಕೂಡಲೇ ರಿಪೇರಿ ಮಾಡಬೇಕು.

ಮೆಟ್ಟಿಲುಗಳ ಪಕ್ಕದಲ್ಲಿರುವ ಕೊಠಡಿ

ಮೆಟ್ಟಿಲುಗಳ ಪಕ್ಕ ಯಾವುದೇ ಕೊಠಡಿಯನ್ನು ನಿರ್ಮಿಸಬಾರದು. ಮೆಟ್ಟಿಲುಗಳ ಪಕ್ಕದಲ್ಲಿರುವ ಕೊಠಡಿಯನ್ನು ಮನೆಯ ಸದಸ್ಯರು ಲಿವಿಂಗ್ ರೂಮ್‌ನಂತೆ ಬಳಸಬಾರದು. ಇದನ್ನು ಅತಿಥಿಗಳ ಕೋಣೆಯಂತೆ ಬಳಸಬೇಕು. ಅಂತೆಯೇ ಇದು ಗೋಡೌನ್ ಕಡೆಗೆ ಮುಖ ಮಾಡಬಾರದು. ಬೇಸ್‌ಮೆಂಟ್‌ನಲ್ಲಿರುವ ಗೋಡೌನ್ ಮೆಟ್ಟಿಲುಗಳನ್ನು ಹೊಂದಬಹುದು.

ಮೆಟ್ಟಿಲುಗಳ ಸಂಖ್ಯೆ

ಮೆಟ್ಟಿಲುಗಳ ಸಂಖ್ಯೆ 5, 11 ಅಥವಾ 7. ಮೆಟ್ಟಿಲುಗಳನ್ನು ನಿರ್ಮಿಸುವಾಗ ಸಮ ಸಂಖ್ಯೆಯಲ್ಲಿ ರಚಿಸಿದ್ದರೆ ನಂತರ ನಾವು ಒಂದು ಹೆಚ್ಚುವರಿ ಮೆಟ್ಟಿಲನ್ನು ಸೇರಿಸಬಹುದು.