ಕೋವಿಡ್‌ 19 ದೃಢಪಟ್ಟಾಗ ನಾಸಲ್‌ ಸ್ಪ್ರೇ ಬಳಸಿದರೆ ಬೇಗನೆ ಗುಣಮುಖರಾಗುವಿರಿ

ದಿನಕ್ಕೆ ಎರಡು ಬಾರಿ ನಾಸಲ್‌ ಸ್ಪ್ರೇ ಬಳಸಿ

ಕೋವಿಡ್‌ 19 ಎಂದು ಖಚಿತವಾದರೆ ಮೈಲ್ಡ್‌ ಸಲೈನ್‌ ಸಲ್ಯೂಷನ್ ಇರುವ ನಾಸಲ್ ಸ್ಪ್ರೇ ಬಳಸಿ. ಇದರಿಂದ ಕೋವಿಡ್‌ 19ನಿಂದಾಗಿ ಆರೋಗ್ಯ ಸ್ಥಿತಿ ಗಂಭೀರವಾಗುವುದನ್ನು ತಡೆಗಟ್ಟಬಹುದು ಹಾಗೂ ಆಸ್ಪತ್ರೆಗೆ ದಾಖಲಾಗುವುದು, ಕೋವಿಡ್‌ 19ನಿಂದ ಸಾವನ್ನಪ್ಪುವುದನ್ನು ತಡೆಗಟ್ಟಬಹುದಾಗಿದೆ.

ಈ ಕುರಿತು ಮಾತನಾಡಿರುವ ಡಾ. ಬಾಕ್ಸ್ಟರ್ (ಜಾರ್ಜಿಯಾ ಮೆಡಿಕಲ್‌ ಕಾಲೇಜಿನಲ್ಲಿ ಎಮರ್ಜೆನ್ಸಿ ಮೆಡಿಷನ್ ತಜ್ಞ) ಈ ಸಲ್ಯೂಷನ್‌ ಮೂಗಿನಲ್ಲಿರುವ ಕಷ್ಮಲವನ್ನು ತೆಗೆದು ಹಾಕಲು ಸಹಕಾರಿ. ಮೂಗಿನಿಂದ ಕಶ್ಮಲಗಳನ್ನು ತೆಗೆದು ಹಾಕುವುದರಿಂದ ಆರೋಗ್ಯ ಬೇಗನೆ ಸುಧಾರಿಸುವುದು' ಎಂದು ಹೇಳಿದ್ದಾರೆ.

ಅಧ್ಯಯನ ವರದಿ ಏನು ಹೇಳಿದೆ?

55 ವರ್ಷ ಮೇಲ್ಪಟ್ಟ 79 ಕೋವಿಡ್ 19 ಸೋಂಕಿತರಿಗೆ ರೋಗ ಪತ್ತೆಯಾದ 24 ಗಂಟೆಯ ಒಳಗಾಗಿ ನಾಸಲ್ ಸ್ಪ್ರೇ ಬಳಸುವಂತೆ ಸೂಚಿಸಲಾಯಿತು. ನಾಸಲ್ ಸ್ಪ್ರೇ ಪ್ರತಿದಿನ ಎರಡು ಬಾರಿ ಬಳಸಿದವರಲ್ಲಿ ತುಂಬಾನೇ ಚೇತರಿಕೆ ಕಂಡು ಬಂದಿತ್ತು, ಯಾರು ಬಳಸಿರಲಿಲ್ಲವೋ ಅವರಲ್ಲಿ ಅಷ್ಟು ಬೇಗ ಚೇತರಿಕೆ ಕಂಡು ಬಂದಿರಲಿಲ್ಲ. ನಾಸಲ್ ಸ್ಪ್ರೇ ಬಳಸಿದ್ದವರಲ್ಲಿ ಎರಡು ವಾರದೊಳಗೆ ಕೋವಿಡ್ 19 ಎಲ್ಲಾ ಲಕ್ಷಣಗಳು ದೂರಾಗಿತ್ತು.

ನಾಸಲ್‌ ಸ್ಪ್ರೇ ಸಲೈನ್‌ ಮನೆಯಲ್ಲಿಯೇ ಮಾಡಬಹುದೇ?

ಒಂದು ಕಪ್‌ನಲ್ಲಿ ನೀರು ಹಾಕಿ ಕುದಿಸಿ ಅದಕ್ಕೆ ಅರ್ಧ ಚಮಚ ಉಪ್ಪು ಹಾಗೂ ಅರ್ಧ ಚಮಚ ಬೇಕಿಂಗ್‌ ಸೋಡಾ ಹಾಕಿ, ನಂತರ ಸಲ್ಯೂಷನ್‌ ಅನ್ನು ನಾಸಲ್‌ ಸ್ಪ್ರೇ ಬಾಟಲಿನಲ್ಲಿ ಹಾಕಿ ಬಳಸಬಹುದು.