ಹಕ್ಕಿ ಜ್ವರದ ಕುರಿತ ನಿಮ್ಮನ್ನು ಕಾಡುವ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ

ಹಕ್ಕಿ ಜ್ವರ ಮೊದಲಿಗೆ ಎಲ್ಲಿ ಕಂಡು ಬಂತು?

ಮೊದಲಿಗೆ 2011ರಲ್ಲಿ ಹಕ್ಕಿ ಜ್ವರ ಹನ್ನೆರಡಕ್ಕೂ ಅಧಿಕ ದೇಶಗಳಲ್ಲಿ ಕಂಡು ಬಂದಿತ್ತು. ಬಾಂಗ್ಲದೇಶ, ಕಾಂಬೋಡಿಯಾ, ಈಜಿಪ್ಟ್, ಇಂಡೋನೇಷ್ಯಾ ಈ ದೇಶಗಳಲ್ಲಿ ಕಂಡು ಬಂದಿತ್ತು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.

ಹಕ್ಕಿ ಜ್ವರ ಬಂದಾಗ ಕಂಡು ಬರುವ ಲಕ್ಷಣಗಳೇನು?

ಜ್ವರ, ಕೆಮ್ಮು, ಗಂಟಲು ಕೆರೆತ ಹಾಗೂ ಮೈ ಚಳಿಯಾಗುವುದು. ಏವಿಯನ್ ಇನ್‌ಫ್ಲುಂಜಾ ಕಣ್ಣಿನ ತೊಂದರೆ, ಉಸಿರಾಟದ ತೊಂದರೆ, ನ್ಯೂಮೋನಿಯಾ ಉಂಟು ಮಾಡಬಹುದು, ಹಕ್ಕಿ ಜ್ವರ ಪ್ರಾಣಕ್ಕೆ ಅಪಾಯಕಾರಿಯಾದ ಕಾಯಿಲೆಯಾಗಿದೆ.

ಹಕ್ಕಿನ ಜ್ವರಕ್ಕೆ ಚಿಕಿತ್ಸೆಯೇನು?

ಹಕ್ಕಿ ಜ್ವರ ಬಂದಾಗ ಸಾಮಾನ್ಯ ಜ್ವರಕ್ಕೆ ಚಿಕಿತ್ಸೆ ನೀಡಿದಂತೆ ನೀಡಲು ಸಾಧ್ಯವಿಲ್ಲ, ಈ ಜ್ವರ ಕಾಣಿಸಿಕೊಂಡಾಗ ಆ್ಯಂಟಿವೈರಲ್‌ ಔಷಧವಾಗಿರುವ oseltamivir (Tamiflu) and zanamivir (Relenza) ನೀಡಿದರೆ ಗುಣಮುಖರಾಗಲು ಸಾಧ್ಯ ಎಂದು ಸಿಡಿಸಿ ಹೇಳಿದೆ.

ಲಸಿಕೆ ಪಡೆದುಕೊಳ್ಳುವುದರಿಂದ ಹಕ್ಕಿ ಜ್ವರ ತಡೆಗಟ್ಟಲು ಸಾಧ್ಯವೇ?

ಇಲ್ಲ, ನೀವು ಜ್ವರ ತಡಗಟ್ಟಲು ತೆಗೆದುಕೊಳ್ಳುವ ಔಷಧಿಯಿಂದ ಏವಿಯನ್ ಇನ್‌ಫ್ಲುಂಜಾ ವೈರಸ್‌ ತಗುಲದಂತೆ ತಡೆಗಟ್ಟಲು ಸಾಧ್ಯವಿಲ್ಲ.

ಮೊಟ್ಟೆ ಹಾಗೂ ಪೌಲ್ಟ್ರಿ ಆಹಾರ ತಿನ್ನುವುದರಿಂದ ಹಕ್ಕಿ ಜ್ವರ ಬರುವುದೇ?

ಮೊಟ್ಟೆ, ಚಿಕನ್, ಟರ್ಕಿ ಇವುಗಳನ್ನು ಚೆನ್ನಾಗಿ ಬೇಯಿಸಿ ತಿಂದರೆ ಹಕ್ಕಿ ಜ್ವರ ಬರುವುದಿಲ್ಲ. ಹಕ್ಕಿ ಜ್ವರದ ಅಪಾಯ ತಡೆಗಟ್ಟಲು ನೀವು ಮಾಂಸ ಸ್ವಚ್ಛ ಮಾಡಿದ ಬಳಿಕ 20 ಸೆಕೆಂಡ್‌ ಸೋಪ್‌ ಹಚ್ಚಿ ಕೈ ತೊಳೆಯಿರಿ. ಕ್ಲೀನ್ ಮಾಡುವ, ಕತ್ತರಿಸುವ ನೈಫ್, ಬೋರ್ಡ್ ಇವುಗಳನ್ನು ಸೋಪ್ ಹಚ್ಚಿ ತೊಳೆದು ಇಡಬೇಕು. ಮೊಟ್ಟೆ, ಮಾಂಸವನ್ನು ಚೆನ್ನಾಗಿ ಬೇಯಿಸಿ ತಿಂದರೆ ಯಾವುದೇ ತೊಂದರೆಯಿಲ್ಲ.

ಸ್ವಲ್ಪ ಕೋಳಿ ಉಳಿಸಿಕೊಳ್ಳುವುದು ಸುರಕ್ಷಿತವೇ?

ಹಕ್ಕಿ ಜ್ವರ ಕಾಣಿಸಿಕೊಂಡಾಗ ಸಾಮಾನ್ಯವಾಗಿ ಆ ಪ್ರದೇಶದ ಕೋಳಿಗಳೆನ್ನೆಲ್ಲಾ ಕೊಲ್ಲಲಾಗುವುದು. ಆದರೆ ಯಾವುದೇ ರೋಗ ಲಕ್ಷಣಗಳು ಕಂಡು ಬಂದಿಲ್ಲದ ಸ್ವಲ್ಪ ಕೋಳಿ ಉಳಿಸಬಹುದು. ಏಕೆಂದರೆ ಅಮೆರಿಕದಲ್ಲಿ ಹೀಗೆ ಸ್ವಲ್ಪ ಕೋಳಿ ಉಳಿಸಿದ್ದರು, ಆಗ ಯಾವುದೇ ತೊಂದರೆಯಾಗಿರಲಿಲ್ಲ.