ಮಹಿಳೆಯರೇ ಆ ದಿನಗಳಲ್ಲಿ ಈ ಆಹಾರ ಪದಾರ್ಥಗಳನ್ನು ಸೇವಿಸಲೇಬೇಡಿ..!

ಕಾಫಿ:

ಅತಿಯಾದ ಕೆಫೀನ್ ಸೇವನೆಯು ವ್ಯಾಸೋಕನ್ಸಿ÷್ಟಕ್ಷನ್ ಅಂದರೆ ರಕ್ತನಾಳಗಳ ಕಿರಿದಾಗುವಿಕೆಗೆ ಕಾರಣವಾಗಬಹುದು. ಇದು ಮುಟ್ಟಿನ ಸಮಯದ ಸೆಳೆತವನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಜೊತೆಗೆ, ಇದು ಹೊಟ್ಟೆ ಉಬ್ಬುವುದು ಮತ್ತು ಅಸ್ವಸ್ಥತೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಈ ಸಮಯದಲ್ಲಿ ಕಾಫಿ ಕುಡಿಯುವುದು ತಪ್ಪಿಸಿ ಅಥವಾ ದಿನಕ್ಕೆ ಒಂದು ಕಪ್ ಕಾಫಿಗೆ ಮಿತಿಗೊಳಿಸಲು ಪ್ರಯತ್ನಿಸಿ.

ಸಕ್ಕರೆ:

ಈ ಅವಧಿಯಲ್ಲಿ, ರಕ್ತದಲ್ಲಿನ ಸಕ್ಕರೆ ಬಹಳಷ್ಟು ಏರಿಳಿತಗೊಳ್ಳುತ್ತದೆ. ಈ ಹಂತದಲ್ಲಿ ಹೆಚ್ಚು ಸಿಹಿಕಾರಕವನ್ನು ಸೇವಿಸುವುದರಿಂದ ಆರೋಗ್ಯ ಮತ್ತಷ್ಟು ಹದಗೆಡಬಹುದು. ಸಕ್ಕರೆ ಉರಿಯೂತಕ್ಕೆ ಕಾರಣವಾಗಿರುವುದರಿಮದ ಇದು ಸೆಳೆತವನ್ನು ಹೆಚ್ಚಿಸುತ್ತದೆ. ಇದಕ್ಕಿಂತ ಹೆಚ್ಚಾಗಿ, ಸಂಸ್ಕರಿಸಿದ ಸಕ್ಕರೆಯು, ಸೋಡಿಯಂ ಮತ್ತು ನೀರನ್ನು ಉಳಿಸಿಕೊಳ್ಳುವುದನ್ನು ಹೆಚ್ಚಿಸುತ್ತದೆ, ಇದು ಉಬ್ಬುವುದು ಮತ್ತು ವಿಚಲಿತ ಮನಸ್ಥಿತಿಗೆ ಕಾರಣವಾಗುತ್ತದೆ.

ಡೈರಿ ಉತ್ಪನ್ನಗಳು:

ಡೈರಿ ಉತ್ಪನ್ನಗಳಾದ ಹಾಲು, ಚೀಸ್ ಮತ್ತು ಐಸ್ ಕ್ರೀಂನಂತಹ ಪದಾರ್ಥಗಳಲ್ಲಿ ಅರಾಚಿಡೋನಿಕ್ ಆಮ್ಲ (ಒಮೆಗಾ -6 ಕೊಬ್ಬಿನಾಮ್ಲ) ಉರಿಯೂತವನ್ನು ಹೆಚ್ಚಿಸುತ್ತದೆ ಮತ್ತು ಮುಟ್ಟಿನ ಅವಧಿಯ ನೋವನ್ನು ತೀವ್ರಗೊಳಿಸುತ್ತದೆ.

ಗ್ರೀಸ್ ಆಹಾರಗಳು:

ಚೀಸ್ ಬರ್ಗರ್ ಮತ್ತು ಫ್ರೈಗಳಂತಹ ಹೆಚ್ಚಿನ ಕೊಬ್ಬಿನ ಆಹಾರವನ್ನು ಸೇವಿಸುವುದರಿಂದ ನಿಮ್ಮ ದೇಹದಲ್ಲಿ ಪ್ರೊಸ್ಟಗ್ಲಾಂಡಿನ್ಗಳ ಸಂಖ್ಯೆ ಹೆಚ್ಚಾಗುತ್ತದೆ ಇದರಿಂದ ನಿಮ್ಮ ಋತುಸ್ರಾವದ ಸೆಳೆತವು ಉಲ್ಬಣಗೊಳ್ಳುತ್ತದೆ. ಜೊತೆಗೆ ಕೊಬ್ಬು ಜೀರ್ಣಿಸಿಕೊಳ್ಳಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಇದು ನಿಮ್ಮ ಕರುಳನ್ನು ಬಿಗಿಗೊಳಿಸುತ್ತದೆ ಮತ್ತು ನೋವನ್ನು ಹೆಚ್ಚಿಸುತ್ತದೆ. ಅಲ್ಲದೆ, ಈ ಅವಧಿಯಲ್ಲಿ ಕೊಬ್ಬಿನ ಮಾಂಸವನ್ನು ತಪ್ಪಿಸಿ ಏಕೆಂದರೆ ಅವುಗಳಲ್ಲಿರುವ ಸ್ಯಾಚುರೇಟೆಡ್ ಕೊಬ್ಬುಗಳು ಈ ಅವಧಿಯ ನೋವನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

ಚಾಕೊಲೇಟ್:

ಹೆಚ್ಚಿನ ಮಹಿಳೆಯರು ತಿಂಗಳ ಈ ಸಮಯದಲ್ಲಿ ಚಾಕೊಲೇಟ್ ಅಥವಾ ಸ್ವೀಟ್‌ಗಾಗಿ ಹಂಬಲಿಸುತ್ತಾರೆ. ಆದಾಗ್ಯೂ, ಚಾಕೊಲೇಟ್ ನಿಮ್ಮ ಪ್ರೊಸ್ಟಗ್ಲಾಂಡಿನ್‌ಗಳ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ಅವಧಿಯ ನೋವನ್ನು ಹೆಚ್ಚು ತೀವ್ರಗೊಳಿಸುತ್ತದೆ. ನಿಮ್ಮ ಆಸೆಯನ್ನು ನಿಯಂತ್ರಿಸಲು ನಿಮಗೆ ಸಾಧ್ಯವಾಗದಿದ್ದರೆ, ಡಾರ್ಕ್ ಚಾಕೊಲೇಟ್ ಮೊರೆ ಹೋಗಿ ಮತ್ತು ಅದನ್ನೂ ಸೀಮಿತ ಪ್ರಮಾಣದಲ್ಲಿ ಸೇವಿಸಿ.