ಅಧಿಕ ರಕ್ತದೊತ್ತಡವು ತಲೆನೋವನ್ನು ಉಂಟುಮಾಡುತ್ತದೆಯೇ? ತಜ್ಞರು ಏನು ಹೇಳುತ್ತಾರೆ ಗೊತ್ತಾ?

Published: Thursday, March 11, 2021, 15:07 [IST]

ಅಧಿಕ ರಕ್ತದೊತ್ತಡವು ಇಂದಿನ ಮನುಕುಲವನ್ನು ಕಾಡುತ್ತಿರುವ ಸಾಮಾನ್ಯ ಸಮಸ್ಯೆಯಾಗಿದೆ. ಇದು ಹೃದಯ ಸಂಬಂಧಿ ಕಾಯಿಲೆ, ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳಂತಹ ಹಲವಾರು ಕಾಯಿಲೆಗಳನ್ನು ಬೆಳೆಸುವ ಅಪಾಯವನ್ನು ಹೆಚ್ಚಿಸುತ್ತದೆ. ರಕ್ತದೊತ್ತಡ ಅಧಿಕವಾಗದ ಹೊರತು ಹೆಚ್ಚಿನ ಜನರು ಇದರ ರೋಗಲಕ್ಷಣಗಳನ್ನು ಅನುಭವಿಸುವುದಿಲ್ಲ. ಆದರೆ ಇದು ತಕ್ಷಣ ಗಮನ ಹರಿಸಬೇಕಾದ ಸ್ಥಿತಿಯಾಗಿದೆ. ಅಧಿಕ ರಕ್ತದೊತ್ತಡದ ಲಕ್ಷಣಗಳನ್ನು ಅನುಭವಿಸುವ ಜನರು ತೀವ್ರ ತಲೆನೋವು ಅನುಭವಿಸಬಹುದು. ಆದರೆ ಇದು ಕಾಕತಾಳೀಯವೇ, ಅಥವಾ ಇವೆರಡರ ನಡುವೆ ಸಂಬಂಧವಿದೆಯೇ? ಎಂಬುದನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ.

ಇರಾನಿನ ಜರ್ನಲ್ ಆಫ್ ನ್ಯೂರಾಲಜಿಯಲ್ಲಿ ಪ್ರಕಟವಾದ ಅಧ್ಯಯನವು ಅಧಿಕ ರಕ್ತದೊತ್ತಡದಿಂದಾಗಿ ತಲೆಯ ಎರಡೂ ಬದಿಗಳಲ್ಲಿ ತಲೆನೋವು ಕಂಡುಬರುತ್ತದೆ ಎಂದು ಕಂಡುಹಿಡಿದಿದೆ. ರಕ್ತ-ಮೆದುಳಿನ ತಡೆಗೋಡೆಗೆ ಪರಿಣಾಮ ಬೀರುವ ಕಾರಣ ಅಧಿಕ ರಕ್ತದೊತ್ತಡದಿಂದ ತಲೆನೋವು ಉಂಟಾಗಬಹುದು ಎಂದು ಕೆಲವು ಅಧ್ಯಯನಗಳು ಸೂಚಿಸಿದರೆ, ಇತರ ಅಧ್ಯಯನಗಳು ರಕ್ತದೊತ್ತಡ ಅಧಿಕವಾಗಿದ್ದರೆ ಹೆಚ್ಚಿನ ಜನರು ತಲೆನೋವು ಅನುಭವಿಸುವುದಿಲ್ಲ ಎಂಬ ವಿರೋಧಾತ್ಮಕ ಕಲ್ಪನೆಯನ್ನು ಪ್ರತಿಪಾದಿಸುತ್ತಾರೆ. ಇವೆರಡರ ನಡುವಿನ ಸಂಬಂಧದ ಕುರಿತು ತಜ್ಞರು ಏನೆನ್ನುತ್ತಾರೆ ನೋಡೋಣ.

ಅಧಿಕ ರಕ್ತದೊತ್ತಡ ಮತ್ತು ತಲೆನೋವಿನ ನಡುವೆ ಸಂಬಂಧವಿದೆಯೇ?

ಅಧಿಕ ರಕ್ತದೊತ್ತಡವು ಸೈಲೆಂಟ್ ಕಿಲ್ಲರ್ ಎಂಬುದು ದೀರ್ಘಕಾಲದಿಂದ ತಿಳಿದುಬಂದಿದೆ, ಏಕೆಂದರೆ ಇದು ಪಾರ್ಶ್ವವಾಯು ಮತ್ತು ಪರಿಧಮನಿಯ ಕಾಯಿಲೆ , ಮೂತ್ರಪಿಂಡ ಮತ್ತು ಕಣ್ಣಿನ ತೊಂದರೆಗಳಿಗೆ ಪ್ರಮುಖ ಅಪಾಯಕಾರಿ ಅಂಶವಾಗಿದೆ. ಅರಿವೇ ಇಲ್ಲದೆ ಈ ತೊಂದರೆಗಳು ಸಂಭವಿಸಬಹುದು. ರೋಗಲಕ್ಷಣವಾಗಿ ತಲೆನೋವು ಹೆಚ್ಚಾಗಿ ಬಿಪಿ 180/120 ಎಂಎಂ ಎಚ್ಜಿ ದಾಟಿದ ನಂತರವೇ ಸಂಭವಿಸುತ್ತದೆ, ಈ ಹಂತದಲ್ಲಿ ಮೇಲೆ ತಿಳಿಸಿದ ತೊಡಕುಗಳ ಸಾಧ್ಯತೆಗಳು ಹೆಚ್ಚು. ಆದ್ದರಿಂದ, 35 ವರ್ಷದ ನಂತರ ಸಾಮಾನ್ಯ ಬಿಪಿ ತಪಾಸಣೆಯ ಪ್ರಾಮುಖ್ಯತೆಯನ್ನು ನಿರ್ಲಕ್ಷಿಸದಿರುವುದು ಬಹಳ ಮುಖ್ಯ, ವಿಶೇಷವಾಗಿ ಒಬ್ಬ ವ್ಯಕ್ತಿಯು ಜಡ ಜೀವನವನ್ನು ನಡೆಸುತ್ತಿದ್ದರೆ, ಬಿಪಿ ತಪಾಸಣೆ ಮಾಡುವುದು ತುಂಬಾ ಮುಖ್ಯ.

ಅಧಿಕ ರಕ್ತದೊತ್ತಡವನ್ನು ನೀವು ಹೇಗೆ ನಿಯಂತ್ರಿಸಬಹುದು?

ಯಾವುದೇ ಕಾರಣವಿರಲಿ, ಕೆಲವು ಜೀವನಶೈಲಿಯ ಬದಲಾವಣೆಗಳನ್ನು ಮಾಡುವುದು ಅಧಿಕ ರಕ್ತದೊತ್ತಡವನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುತ್ತದೆ. ನಿಮ್ಮ ಜೀವನದಲ್ಲಿ ನೀವು ಸಂಯೋಜಿಸಬಹುದಾದ ಕೆಲವು ಸಲಹೆಗಳು ಇಲ್ಲಿವೆ:

ದೈಹಿಕವಾಗಿ ಸಕ್ರಿಯ ಜೀವನವನ್ನು ಮಾಡಿ:

ರಕ್ತದೊತ್ತಡಕ್ಕೆ ಔಷಧಿಗಳ ಅಗತ್ಯವನ್ನು ಕಡಿಮೆ ಮಾಡಲು ಸ್ವಲ್ಪ ವ್ಯಾಯಾಮವನ್ನು ಮಾಡಿದರೆ ಸಾಕು ಎಂದು ಅಧ್ಯಯನಗಳು ತೋರಿಸಿವೆ. ಅಧಿಕ ತೂಕ ಹೊಂದಿರುವ ಜನರು ಅಧಿಕ ರಕ್ತದೊತ್ತಡವನ್ನು ಅನುಭವಿಸುವ ಸಾಧ್ಯತೆಯಿರುವುದರಿಂದ ನಿಮ್ಮ ಅನಾರೋಗ್ಯಕರ ದೇಹದ ತೂಕವನ್ನು ನಿಯಂತ್ರಿಸಲು ದೈಹಿಕವಾಗಿ ಸಕ್ರಿಯರಾಗಿರುವುದು ಸಹ ಅವಶ್ಯಕವಾಗಿದೆ .

ಉಪ್ಪು ಸೇವನೆಯನ್ನು ಮಿತಿಗೊಳಿಸಿ:

ಉಪ್ಪು ಸೇವನೆಯನ್ನು ಕಡಿಮೆ ಮಾಡುವುದರಿಂದ ರಕ್ತದೊತ್ತಡ ಕಡಿಮೆಯಾಗುವುದರ ಜೊತೆಗೆ ಹೃದಯ ಕಾಯಿಲೆಗಳು, ಪಾರ್ಶ್ವವಾಯು ಮತ್ತು ಹೃದಯಾಘಾತದ ಅಪಾಯವೂಕ್ ಕಡಿಮೆಯಾಗುತ್ತದೆ. ನಿಮ್ಮ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಲು ಉಪ್ಪು ಸೇವನೆಯನ್ನು ದಿನಕ್ಕೆ ಒಂದು ಟೀ ಚಮಚಕ್ಕಿಂತ ಕಡಿಮೆ ಮಾಡಲು ಡಾ. ಶಿಫಾರಸ್ಸು ಮಾಡುತ್ತಾರೆ.

ದಿನಕ್ಕೆ ಕನಿಷ್ಠ 5 ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇವಿಸಿ:

ರಕ್ತದೊತ್ತಡದ ಮಟ್ಟವನ್ನು ಕಡಿಮೆ ಮಾಡಲು ಮತ್ತು ನಿರ್ವಹಿಸಲು ಆರೋಗ್ಯಕರ ಆಹಾರವು ಮುಖ್ಯವಾಗಿದೆ. ನಿಮ್ಮ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಲು ದಿನಕ್ಕೆ ಕನಿಷ್ಠ 5 ಬಗೆಯ ಹಣ್ಣುಗಳು ಮತ್ತು ತರಕಾರಿಗಳನ್ನು ಹೊಂದಿರುವುದು ಬಹಳ ಮುಖ್ಯ ಎಂದು ತಜ್ಞರು ಹೇಳಿದ್ದಾರೆ. ನಿಮ್ಮ ಆಹಾರದಲ್ಲಿ ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇರಿಸಿ ಅದು ಬಿಪಿ ಮಟ್ಟವನ್ನು ನಿವಾರಿಸಲು ಸಹಾಯ ಮಾಡುವ ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್ ನಂತಹ ಪೋಷಕಾಂಶಗಳನ್ನು ಒಳಗೊಂಡಿರುತ್ತದೆ.

ನಿಯಮಿತ ಬಿಪಿ ಚೆಕ್ ಮಾಡಿಕೊಳ್ಳಿ:

ಕೆಲವು ಜನರು ತಮ್ಮ ರಕ್ತದೊತ್ತಡವನ್ನು ಪರೀಕ್ಷಿಸುವವರೆಗೆ ಅವರು ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದಾರೆ ಎಂದು ಸಹ ತಿಳಿದಿರುವುದಿಲ್ಲ. ನಿಮ್ಮ ಹೃದ್ರೋಗ ಮತ್ತು ಪಾರ್ಶ್ವವಾಯು ಅಪಾಯದ ಸ್ಪಷ್ಟ ಚಿತ್ರಣವನ್ನು ಪಡೆಯಲು ನಿಖರವಾದ ಬಿಪಿ ಪರೀಕ್ಷೆ ತುಂಬಾ ಮುಖ್ಯ್. ಸಾಮಾನ್ಯ ರಕ್ತದೊತ್ತಡದ ಮಟ್ಟವು 120/80 mmHg ಗಿಂತ ಕಡಿಮೆಯಿರುತ್ತದೆ. ನಿಮ್ಮ ವಯಸ್ಸಿನ ವಿಷಯವಲ್ಲ, ಆರೋಗ್ಯ ಸಮಸ್ಯೆಗಳನ್ನು ಬೆಳೆಸುವ ಅಪಾಯವನ್ನು ತಗ್ಗಿಸಲು ನಿಮ್ಮ ರಕ್ತದೊತ್ತಡವನ್ನು ಈ ಮಟ್ಟದಲ್ಲಿ ಇಡುವುದು ಅತ್ಯಗತ್ಯ.