ಶೀತ ಶಮನಕ್ಕೆ, ಒಂದು ಚಮಚದಷ್ಟು ಜೇನು ಸಾಕು

ಜೇನು ತುಪ್ಪ ಮತ್ತು ಚಕ್ಕೆ

ಜೇನು ತುಪ್ಪವು ಉರಿಬಾವು, ಆಂಟಿಆಕ್ಸಿಡೆಂಟ್, ವೈರಸ್ ನಿರೋಧಕ ಮತ್ತು ಶಿಲೀಂಧ್ರ ನಿರೋಧಕ ಗುಣಗಳನ್ನು ಒಳಗೊಂಡಿರುತ್ತದೆ. ಹೀಗಾಗಿ ಇದು ಶೀತವನ್ನು ಸಮರ್ಥವಾಗಿ ನಿವಾರಿಸುತ್ತದೆ. ¼ ಭಾಗ ಚಕ್ಕೆ ಪುಡಿಯೊಂದಿಗೆ 1 ಟೇಬಲ್ ಸ್ಪೂನ್ ಜೇನು ತುಪ್ಪವನ್ನು ಬೆರೆಸಿಕೊಳ್ಳಿ. ಇದನ್ನು ದಿನಕ್ಕೆ ಎರಡು ಬಾರಿ ಸೇವಿಸಿ, ಶೀತದಿಂದ ಮುಕ್ತರಾಗಿ.

ಜೇನು ತುಪ್ಪ ಮತ್ತು ಕಚ್ಛಾ ಈರುಳ್ಳಿ

ಜೇನು ತುಪ್ಪ ಮತ್ತು ಕಚ್ಛಾ ಈರುಳ್ಳಿಗಳ ಮಿಶ್ರಣವು ಸಹ ಶೀತವನ್ನು ನಿವಾರಿಸುತ್ತದೆ. ಇದಕ್ಕಾಗಿ ಈರುಳ್ಳಿಗಳನ್ನು ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಅದಕ್ಕೆ ಜೇನು ತುಪ್ಪವನ್ನು ಲೇಪಿಸಿ. ಇದು ರಾತ್ರಿಯೆಲ್ಲಾ ನೆನೆಯಲು ಬಿಡಿ. ಬೆಳಗ್ಗೆ ಎದ್ದ ಕೂಡಲೆ ಇದನ್ನು ಸೇವಿಸಿ. ಇದನ್ನು ದಿನವಿಡೀ ಆಗಾಗ ಸೇವಿಸುತ್ತಲೆ ಇರಿ, ಇದರಿಂದ ಶೀತ ನಿವಾರಣೆಯಾಗುತ್ತದೆ.

ಜೇನು ತುಪ್ಪ, ಲಿಂಬೆ ಮತ್ತು ಶುಂಠಿ

ಜೇನು ತುಪ್ಪ, ಲಿಂಬೆ ಮತ್ತು ಶುಂಠಿಗಳ ಮಿಶ್ರಣವು ಸಹ ಶೀತವನ್ನು ಕೆಲವೇ ನಿಮಿಷಗಳಲ್ಲಿ ನಿವಾರಿಸುತ್ತದೆ. ಇದಕ್ಕಾಗಿ ಲಿಂಬೆರಸ ಮತ್ತು ಜೇನು ತುಪ್ಪವನ್ನು ಸಮ ಪ್ರಮಾಣದಲ್ಲಿ ತೆಗೆದುಕೊಳ್ಳಿ. ನಂತರ ಇದಕ್ಕೆ ಶುಂಠಿ ಪುಡಿಯನ್ನು ಬೆರೆಸಿಕೊಳ್ಳಿ, ಈ ಮಿಶ್ರಣವನ್ನು ದಿನವಿಡೀ ಆಗಾಗ ಸೇವಿಸುತ್ತಾ ಇರಿ, ಶೀತ ನಿವಾರಣೆಯಾಗುತ್ತದೆ.

ಜೇನು ತುಪ್ಪ ಮತ್ತು ಚಕ್ಕೆ ಟೀ

ಚಕ್ಕೆಯಲ್ಲಿ ಮಾಡಿದ ಟೀಗೆ ಜೇನು ತುಪ್ಪವನ್ನು ಬೆರೆಸಿಕೊಂಡು ಸೇವಿಸಿ. ಇದರಿಂದ ಶೀತ ಮತ್ತು ಅದರ ಸಮಸ್ಯೆಗಳು ನಿವಾರಣೆಯಾಗುತ್ತದೆ. ಈ ಟೀ ನಿಮ್ಮ ಗಂಟಲಿಗೆ ಆರಾಮ ನೀಡುತ್ತದೆ ಮತ್ತು ನೆಗಡಿಯನ್ನು ನಿವಾರಣೆ ಮಾಡುತ್ತದೆ. ಚಕ್ಕೆಯ ಟೀಗೆ ಎರಡು ಟೇಬಲ್ ಚಮಚ ಜೇನು ತುಪ್ಪವನ್ನು ಬೆರೆಸಿಕೊಂಡು ಸೇವಿಸಿ. ಶೀತದಿಂದ ನಿವಾರಣೆ ಪಡೆಯುವವರೆಗೆ ಇದನ್ನು ಆಗಾಗ ಸೇವಿಸುತ್ತಾ ಇರಿ.

ಜೇನು ತುಪ್ಪ ಮತ್ತು ಲಿಂಬೆ ಟೀ

ಜೇನು ತುಪ್ಪ ಮತ್ತು ನಿಂಬೆ ಟೀ ಸಹ ಶೀತಕ್ಕೆ ಹೇಳಿ ಮಾಡಿಸಿದ ಮದ್ದಾಗಿರುತ್ತದೆ. ಈ ಮಿಶ್ರಣವನ್ನು ಸೇವಿಸುವುದರಿಂದ ಶೀತ ಮತ್ತು ಶೀತಕ್ಕೆ ಸಂಬಂಧಿಸಿದ ಲಕ್ಷಣಗಳು ದೂರವಾಗುತ್ತವೆ. ಇದರಿಂದ ಅಧಿಕ ಪ್ರಯೋಜನವನ್ನು ಪಡೆಯಲು ಬೆಳ್ಳಂಬೆಳಗ್ಗೆಯೇ ಇದನ್ನು ಸೇವಿಸಿ.