ತೂಕ ಇಳಿಸಲು 7 ದಿನದ ಕ್ರ್ಯಾಶ್ ಡಯೆಟ್ ಯೋಜನೆ

ದಿನ 1 - ಸೂಪ್ ಡಯೆಟ್:

ಮೊದಲ ದಿನವನ್ನು ಸೂಪ್‌ನಿಂದ ಪ್ರಾರಂಭಿಸಿ. ದಿನವಿಡೀ ವಿವಿಧ ಪ್ರಕಾರದ ಸೂಪ್‌ಗಳಿಂದ ಹೊಟ್ಟೆ ತುಂಬಿಸಿ. ಅದು ಸಸ್ಯಾಹಾರಿಯಾಗಿರಬಹುದು ಇಲ್ಲವೇ ಮಾಂಸಾಹಾರಿಯಾಗಿರಬಹುದು. ಆದರೆ ಮಾಂಸಾಹಾರಿ ಸೂಪ್ ಅನ್ನು ಸೇವಿಸುವಾಗ ಮಾಂಸದ ಪ್ರಮಾಣ ಕಡಿಮೆ ಇರುವಂತೆ ನೋಡಿಕೊಳ್ಳಿ. ಸೂಪ್‌ಗೆ ಉಪ್ಪನ್ನು ಸೇರಿಸದಿರಿ. ನೀವು ಸೇವಿಸುವ ಸೂಪ್ ಆದಷ್ಟು ಸರಳವಾಗಿರಲಿ.

ದಿನ 2 - ಕ್ಯಾಬೇಜ್ ಡಯೆಟ್:

ಒಂದು ಉತ್ತಮ ತರಕಾರಿಯಾಗಿರುವ ಕ್ಯಾಬೇಜ್ ತೂಕ ಇಳಿಸುವ ಅಂಶಗಳನ್ನು ಹೆಚ್ಚು ಹೊಂದಿದೆ. ಕ್ರ್ಯಾಶ್ ಡಯೆಟ್‌ನ 2 ನೇ ದಿನದಂದು ಕ್ಯಾಬೇಜ್ ಡಯೆಟ್ ಅನ್ನು ಸೇವಿಸಿ. ಅಧಿಕ ಪ್ರಮಾಣದ ಫೈಬರ್ ಅನ್ನು ಒಳಗೊಂಡಿರುವ ತರಕಾರಿಯಾಗಿರುವ ಕ್ಯಾಬೇಜ್ ನಿಮ್ಮ ದೇಹವನ್ನು ಸ್ವಚ್ಛಗೊಳಿಸುತ್ತದೆ.

ದಿನ 3 - ಗ್ರೇಪ್‌ಫ್ರುಟ್ ಡಯೆಟ್:

ತೂಕ ಇಳಿಕೆಗಾಗಿ ಏಳು ದಿನದ ಕ್ರ್ಯಾಶ್ ಡಯೆಟ್‌ನಲ್ಲಿ 3 ನೇ ದಿನ ಗ್ರೇಪ್‌ಫ್ರುಟ್ ನಿಮ್ಮ ಪ್ಲೇಟ್‌ನಲ್ಲಿ ಇರುವಂತೆ ನೋಡಿಕೊಳ್ಳಿ. ಗ್ರೇಪ್‌ಫ್ರುಟ್‌ನಲ್ಲಿ ಕೊಬ್ಬನ್ನು ಕರಗಿಸುವ ಎಂಜೀಮ್‌ಗಳು ಹೇರಳವಾಗಿದ್ದು ಇದು ವೇಗವಾಗಿ ದೇಹ ತೂಕವನ್ನು ಇಳಿಸಲು ಸಹಕಾರಿಯಾಗಿದೆ. ಆದ್ದರಿಂದ ಮೂರನೇ ದಿನದಂದು ಈ ಹಣ್ಣನ್ನು ಯಾವ ರೂಪದಲ್ಲಾದರೂ ಸೇವಿಸಿ.

ದಿನ 4 - ಜ್ಯೂಸ್ ಡಯೆಟ್:

ಹೌದು, ಹಣ್ಣುಗಳು ದೇಹದ ಅಧಿಕ ತೂಕವನ್ನು ಇಳಿಸಲು ಸಹಕಾರಿಯಾಗಿದೆ. ಕ್ರ್ಯಾಶ್ ಡಯೆಟ್ ಯೋಜನೆಯ ನಾಲ್ಕನೇ ದಿನದಂದು ಹಣ್ಣಿನ ರಸಗಳನ್ನು ಸೇವಿಸಿ. ಜ್ಯೂಸ್‌ನಲ್ಲಿರುವ ನೀರಿನಂಶ ನಿಮ್ಮ ಹೊಟ್ಟೆಯನ್ನು ತುಂಬಿಸಿ ನಿಮ್ಮ ಹಸಿವನ್ನು ನಿಯಂತ್ರಣದಲ್ಲಿಡುತ್ತವೆ.

ದಿನ 5 - ತರಕಾರಿ ಡಯೆಟ್:

ವಿಟಮಿನ್ ಮತ್ತು ನ್ಯೂಟ್ರೀನ್‌ಗಳ ಅತ್ಯಧಿಕ ಸಾರವನ್ನು ಒಳಗೊಂಡಿರುವ ತರಕಾರಿಗಳು ನಿಮ್ಮ ತೂಕ ಇಳಿಕೆಗೆ ಸಹಕಾರಿ. ಪಾಲಾಕ್, ಕ್ಯಾರೇಟ್, ಆಲೂಗಡ್ಡೆ ಹೀಗೆ ಬಗೆಬಗೆಯ ತರಕಾರಿಗಳನ್ನು ನಿಮ್ಮ ಡಯೆಟ್ ಯೋಜನೆಯ ಐದನೇ ದಿನದಂದು ಸೇವಿಸಿ.

ದಿನ 6 - ನೀರು ಡಯೆಟ್:

ಆರನೇ ದಿನಂದು, ನಿಮ್ಮ ದೇಹಕ್ಕೆ ವಿಷಕಾರಿ ಅಂಶಗಳನ್ನು ಹೊರಹಾಕಲು ಸಹಾಯ ಮಾಡುವ ನೀರಿನ ಡಯೆಟ್ ಅನ್ನು ಪಾಲಿಸಿ. ಆರನೇ ದಿನಂದು 6 ರಿಂದ 8 ಲೀಟರ್‌ನಷ್ಟು ನೀರನ್ನು ಕುಡಿಯಿರಿ. ದೇಹದ ಕೊಬ್ಬನ್ನು ಕರಗಿಸಲು ನೀರು (ಬೆಚ್ಚಗಿನ ನೀರು) ಸಹಕಾರಿ.

ದಿನ 7 - ಹಾಲಿವುಡ್ ಡಯೆಟ್:

ಕ್ರ್ಯಾಶ್ ಡಯೆಟ್ ಯೋಜನೆಯ ಏಳನೇ ದಿನದಂದು, ನಿಮ್ಮ ದೇಹಕ್ಕೆ ಒಂದು ಉತ್ತಮ ಟ್ರೀಟ್ ಅನ್ನು ಕೊಡುವ ಸಮಯವಾಗಿದೆ. ಸ್ವಲ್ಪ ಕೋಕೋ ಮತ್ತು ನಿಮ್ಮ ಮೆಚ್ಚಿನ ಊಟದ ಸಣ್ಣ ಭಾಗದಷ್ಟನ್ನು ಸೇವಿಸಿ. ನೀವು ಹೆಚ್ಚು ತಿನ್ನುತ್ತಿಲ್ಲ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ.