ಮುಟ್ಟು ಹತ್ತಿರವಾಗುತ್ತಿದ್ದಂತೆ ಕಂಡು ಬರುವ ಲಕ್ಷಣಗಳು

ಜನನೇಂದ್ರೀಯ ಒಣಗುವುದು

ಕೆಲವರಿಗೆ ಈ ಸಮಯದಲ್ಲಿ ಅಧಿಕ ಬಿಳುಪು ಹೋದರೆ ಮತ್ತೆ ಕೆಲವರಿಗೆ ಜನನೇಂದ್ರೀಯ ಒಣಗುವುದು. ಈ ರೀತಿ ಉಂಟಾದರೆ ನೋವು ಕಂಡು ಬರುವುದು.

ಹೊಟ್ಟೆಯ ಸ್ನಾಯುಗಳು ಬಿಗಿದುಕೊಳ್ಳುವುದು

ಕೆಲವರಿಗೆ ಮುಟ್ಟಿನ ಒಂದು ಅಥವಾ ಎರಡು ದಿನ ಮೊದಲು ಬಿಳುಪು ಬರುತ್ತದೆ ಹಾಗೂ ಹೊಟ್ಟೆಯ ಸ್ನಾಯುಗಳು ಎಲೆದುಕೊಂಡಂತೆ ಭಾಸವಾಗಿ, ಹೊಟ್ಟೆ ನೋವು ಕಂಡು ಬರುವುದು.

ಸ್ತನದಲ್ಲಿ ನೋವು

ಮುಟ್ಟಿನ ಸಮಯದಲ್ಲಿ ಸ್ತನದಲ್ಲಿ ನೋವು ಕಂಡು ಬರುವುದು ಸಾಮಾನ್ಯ. ಕೆಲವರಿಗೆ ತುಂಬಾ ನೋವು ಉಂಟಾಗುತ್ತದೆ. ಈ ರೀತಿ ಉಂಟಾದರೆ ಭಯ ಪಡಬೇಕಾಗಿಲ್ಲ, ಮುಟ್ಟಿನ ನಂತರ ಸರಿ ಹೋಗುವುದು.

ಸೊಂಟ ನೋವು

ಕೆಲವರಲ್ಲಿ ಹೊಟ್ಟೆ ನೋವು ಕಾಣಿಸಿದರೆ ಮತ್ತೆ ಕೆಲವರಲ್ಲಿ ಸೊಂಟ ನೋವು ಕಾಣಿಸುತ್ತದೆ. ಕೆಳ ಹೊಟ್ಟೆ ನೋವು ಕಂಡು ಬರುವುದು.

ತಲೆನೋವು

ಮುಟ್ಟಿನ ಮೊದಲು ತಲೆನೋವು, ಸೋಮಾರಿತನ ಇವೆಲ್ಲಾ ಕಂಡು ಬರುವುದು ಸಾಮಾನ್ಯ.

ಆಗಾಗ ಮೂತ್ರವಿಸರ್ಜನೆ ಹೋಗುವುದು

ಕೆಲವು ಮಹಿಳೆಯರಿಗೆ ಮುಟ್ಟಿನ ಕೆಲ ದಿನಗಳ ಮುಂಚೆ ಆಗಾಗ ಮೂತ್ರ ವಿಸರ್ಜನೆಗೆ ಹೋಗಬೇಕಾಗುತ್ತದೆ. ಈ ರೀತಿಯ ಸಮಸ್ಯೆ ಇರುವವರು ಈ ಸಮಯದಲ್ಲಿ ಹೆಚ್ಚಿನ ನೀರು ಕುಡಿಯುವುದು ಒಳ್ಳೆಯದು.

ಹೊಟ್ಟೆ ಹಸಿವು

ಮುಟ್ಟಿನ ಸಮಯ ಹತ್ತಿರವಾಗುತ್ತಿರುವಾಗ ಈ ರೀತಿಯ ಲಕ್ಷಣಗಳು ಹೆಚ್ಚಿನ ಮಹಿಳೆಯರಲ್ಲಿ ಕಂಡು ಬರುತ್ತದೆ. ವಿಪರೀತ ಹೊಟ್ಟೆ ಹಸಿವು ಉಂಟಾಗುತ್ತದೆ, ಆಗಾಗ ಏನಾದರೂ ತಿನ್ನಬೇಕೆನಿಸುತ್ತದೆ.

ಮೂಡ್ ಬದಲಾವಣೆ

ಈ ಸಮಯದಲ್ಲಿ ಮೂಡ್ ನಲ್ಲಿ ಬದಲಾವಣೆ ಉಂಟಾಗುತ್ತದೆ. ಕೆಲವರು ವಿನಾಕಾರಣ ಬೇಜಾರಿನಿಂದ ಇದ್ದರೆ, ಮತ್ತೆ ಕೆಲವರು ಈ ಸಮಯದಲ್ಲಿ ತುಂಬಾ ಖುಷಿಯಾಗಿರುತ್ತಾರೆ. ಮತ್ತೆ ಕೆಲವರು ವಿಪರೀತ ಕೋಪಗೊಳ್ಳುತ್ತಾರೆ.

ತಲೆ ಸುತ್ತು

ತಲೆ ಸುತ್ತು , ಸುಸ್ತು, ತುಂಬಾ ನಿದ್ದೆ ಈ ರೀತಿ ಕಂಡು ಬರುವುದು. ಈ ಲಕ್ಷಣಗಳು ಮುಟ್ಟಿನ ಸಮಯ ಹತ್ತಿರವಾಗುತ್ತಿದೆ ಎಂದು ಸಾರುವ ಲಕ್ಷಣಗಳಾಗಿವೆ.