ಈ ಗುಣಗಳಿರುವುದು ಭಾರತದ ಸಂಬಾರಗಳಲ್ಲಿ ಮಾತ್ರ!

ಚಕ್ಕೆ

ಚಕ್ಕೆ ಇನ್ಸುಲಿನ್ ಉತ್ಪತ್ತಿಗೆ ಸಹಾಯ ಮಾಡುತ್ತದೆ, ದೇಹದಲ್ಲಿ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ. ಇದಲ್ಲದೆ ಅಜೀರ್ಣ, ಶೀತ, ಬೇಧಿ, ಮುಟ್ಟಿನ ಸಮಯದಲ್ಲಿ ಕಂಡು ಬರುವ ಮಾನಸಿಕ ಒತ್ತಡ, ಕಡಿಮೆ ರಕ್ತ ಸಂಚಾರ ಈ ರೀತಿಯ ಸಮಸ್ಯೆಗಳನ್ನು ಗುಣಪಡಿಸುತ್ತದೆ.

ಲವಂಗ

ಲವಂಗ ಹಲ್ಲಿನ ಸಮಸ್ಯೆ ಬರದಂತೆ ನೋಡಿಕೊಳ್ಳುತ್ತದೆ, ಹಲ್ಲು ನೋವು ಕಾಣಿಸಿದಾಗ ಆ ಭಾಗದಲ್ಲಿ ಇಟ್ಟರೆ ನೋವು ಕಡಿಮೆಯಾಗುವುದು. ವಾಂತಿಯನ್ನು ನಿಲ್ಲಿಸಲು ಇದನ್ನು ತಿಂದರೆ ಸಾಕು. ಬೇಧಿಯನ್ನು ತಡೆಗಟ್ಟುತ್ತದೆ, ಅಜೀರ್ಣ ಸಮಸ್ಯೆಯನ್ನು ಪರಿಹರಿಸುತ್ತದೆ.

ಜೀರಿಗೆ

ಜೀರಿಗೆ ರಕ್ತ ಜೀನತೆ ಸಮಸ್ಯೆಯನ್ನು ಪರಿಹರಿಸುತ್ತದೆ. ಪ್ರತೀದಿನ ಜೀರಿಗೆ ನೀರನ್ನು ಕುಡಿದರೆ ಅನಿಯಮಿತ ಮುಟ್ಟನ್ನು ಸರಿ ಪಡಿಸಬಹುದು. ದೇಹಕ್ಕೆ ಕಬ್ಬಿಣದಂಶವನ್ನು ನೀಡುತ್ತದೆ, ಇದರಲ್ಲಿರುವ ಮ್ಯಾಗ್ನಿಸೆ ದೇಹವು ಕ್ಯಾಲ್ಸಿಯಂ ಅನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಇದು ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುವಂತೆ ಮಾಡುತ್ತದೆ.

ಏಲಕ್ಕಿ

ಏಲಕ್ಕಿ ಗಂಟಲಿನ ಸಮಸ್ಯೆಯನ್ನು ಗುಣ ಪಡಿಸುತ್ತದೆ, ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು. ಉಸಿರಾಟದ ತೊಂದರೆ ಇರುವವರು ಇದನ್ನು ತಿಂದರೆ ಅಧಿಕ ಪ್ರಯೋಜನವನ್ನು ಪಡೆಯಬಹುದು.

ಕೇಸರಿ

ಕೇಸರಿ ಖಿನ್ನತೆಯಿಂದ ಹೊರಬರುವಂತೆ ಮಾಡುತ್ತದೆ. ಇದರಲ್ಲಿ antioxidants ಅಧಿಕವಿದೆ, ಕಣ್ಣಿಗೆ ತುಂಬಾ ಒಳ್ಳೆಯದು, ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಜಾಯಿಕಾಯಿ

ಜಾಯಿಕಾಯಿ ಕೂಡ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುತ್ತದೆ, ಹೊಟ್ಟೆ ಹಸಿವು ಸರಿಯಾದ ರೀತಿಯಲ್ಲಿ ಆಗುವಂತೆ ಮಾಡುತ್ತದೆ. ನಿಮ್ಮ ಸ್ನಾಯುಗಳಲ್ಲಿರುವ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಇದರ ಬೀಜವನ್ನು ಔಷಧೀಗಳಲ್ಲಿ ಉಪಯೋಗಿಸುತ್ತಾರೆ.

ಕರಿ ಮೆಣಸಿನ ಪುಡಿ

ಕರಿಮೆಣಸು ದೇಹದಲ್ಲಿ ಜೀರ್ಣಕ್ರಿಯೆಗೆ ಅವಶ್ಯಕವಾದ ಹೈಡ್ರೋಕ್ಲೋರಿಕ್ ಆಸಿಡ್ ಉತ್ಪತ್ತಿಯನ್ನು ಹೆಚ್ಚಿಸುತ್ತದೆ, ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ, ದೇಹಕ್ಕೆ ಅಗತ್ಯವಾದ ಕಬ್ಬಿಣದಂಶವನ್ನು ಕೊಡುತ್ತದೆ.

ಇಂಗು

ಹೊಟ್ಟೆ ನೋವನ್ನು ಕಡಿಮೆ ಮಾಡುತ್ತದೆ, ಉಸಿರಾಟದ ತೊಂದರೆಯನ್ನು ಕಡಿಮೆ ಮಾಡುತ್ತದೆ, ಹೆರಿಗೆ ನೋವು, ಮುಟ್ಟಿನ ಸಮಯದಲ್ಲಿ ಕಂಡ ಬರುವ ನೋವನ್ನು ಕಮ್ಮಿ ಮಾಡುತ್ತದೆ. ನಪುಂಸಕತ್ವ ನಿವಾರಿಸುವ ಚಿಕಿತ್ಸೆಯಲ್ಲಿ ಇದನ್ನು ಬಳಸುತ್ತಾರೆ.