ರಕ್ತಕಣಗಳನ್ನು ಶುದ್ಧೀಕರಿಸುತ್ತೆ ಈ 5 ಆಹಾರಗಳು

Wellness

oi-Reena

By Hema S

Published: Saturday, March 10, 2012, 12:09 [IST]

ಪರಿಸರ ಮಾಲಿನ್ಯದಿಂದಾಗಿ ರಾಸಾಯನಿಕ ಅಂಶವಿಲ್ಲದ ಗಾಳಿ, ನೀರು, ಆಹಾರ ಸಿಗುವುದು ವಿರಳ. ಈ ಆಹಾರಗಳಲ್ಲಿರುವ ರಾಸಾಯನಿಕಗಳು ದೇಹವನ್ನು ಸೇರುವುದರಿಂದ ರಕ್ತದಲ್ಲಿ ಕೂಡ ಅವುಗಳು ಮಿಶ್ರವಾಗಿ ಕಾಯಿಲೆಗಳು ಉಂಟಾಗುತ್ತಿವೆ. ಆದ್ದರಿಂದ ರಕ್ತವನ್ನು ಶುದ್ಧೀಕರಿಸದಿದ್ದರೆ ಅನಾರೋಗ್ಯ ಹೆಚ್ಚುವುದು. ರಕ್ತವನ್ನು ಶುದ್ಧೀಕರಿಸಲು ಈ ಕೆಳಗಿನ ಆಹಾರಗಳನ್ನು ಆಹಾರಕ್ರಮದಲ್ಲಿ ಸೇರಿಸುವುದು ಒಳ್ಳೆಯದು.

1. ನಿಂಬೆ ಹಣ್ಣು: ದೇಹದಲ್ಲಿರುವ ರಾಸಾಯನಿಕಗಳನ್ನು ಹೊರಹಾಕುವಲ್ಲಿ ನಿಂಬೆರಸ ತುಂಬಾ ಪರಿಣಾಮಕಾರಿಯಾಗಿದೆ. ನಿಂಬೆ ಹಣ್ಣನ್ನು ಒಂದು ಕಪ್ ಬಿಸಿ ನೀರಿನಲ್ಲಿ ಹಿಂಡಿ ಸ್ವಲ್ಪ ಜೇನು ಬೆರೆಸಿ ಕುಡಿಯುವುದು ಒಳ್ಳೆಯದು. ಇದು ದೇಹದ ತೂಕವನ್ನು ಕಡಿಮೆ ಮಾಡುವುದು.

2. ಕರಿಮೆಣಸು: ಮೆಣಸಿನ ಕಾಯಿ, ಕರಿಮೆಣಸು ಆಹಾರದ ರುಚಿ ಹೆಚ್ಚಿಸುವುದಷ್ಟೆ ಅಲ್ಲ, ಇದರಲ್ಲಿ antioxidants ಅಧಿಕವಾಗಿ ಇರುವುದರಿಂದ ರಕ್ತವನ್ನು ಶುದ್ಧೀಕರಿಸುತ್ತದೆ. ಕೆಲವೊಂದು ಕಾಯಿಲೆಗಳಿಗೆ ಖಾರ ತಿಂದರೆ ಆಗುವುದಿಲ್ಲ. ಅಂತಹವರು ಖಾರ ತಿನ್ನದಿರುವುದು ಒಳ್ಳೆಯದು.

3. ಹಸಿರು ಸೊಪ್ಪು: ಹಸಿರು ಸೊಪ್ಪು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು. ಇದರಲ್ಲಿರುವ ಕ್ಲೋರೊಫಿಲ್ ರಕ್ತವನ್ನು ಶುದ್ಧೀಕರಿಸುತ್ತದೆ.

4. ಕ್ಯಾರೆಟ್ ಮತ್ತು ಬೀನ್ಸ್: ಕ್ಯಾರೆಟ್ ಕಣ್ಣು ಮತ್ತು ತ್ವಚೆಗೆ ತುಂಬಾ ಒಳ್ಳೆಯದು. ಅಲ್ಲದೆ ಇದು ರಕ್ತದ ಶುದ್ಧೀಕರಣಕ್ಕೆ ಸಹಕಾರಿಯಾಗಿದೆ.

5. ಬೆಳ್ಳುಳ್ಳಿ: ಆರೋಗ್ಯ ಹೆಚ್ಚಿಸುವಲ್ಲಿ ಬೆಳ್ಳುಳ್ಳಿ ಪಾತ್ರವನ್ನು ನಿರಾಕರಿಸುವಂತೆ ಇಲ್ಲ. ಇದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರ ಜೊತೆಗೆ ರಕ್ತವನ್ನು ಶುದ್ಧೀಕರಿಸುತ್ತದೆ. ಇದನ್ನಿ ಹಸಿಯಾಗಿ ಕೂಡ ತಿನ್ನಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.