ಚಳಿಗಾಲದಲ್ಲಿ ಆರೋಗ್ಯ ಕಾಪಾಡಲು 5 ಸಲಹೆಗಳು

1. ಚಳಿಗಾಲಕ್ಕೆ ಆಹಾರ

ಈ ಸಮಯದಲ್ಲಿ ಸೀಸನ್ ಫುಡ್ಸ್ ತಿನ್ನುವುದು ಒಳ್ಳೆಯದು. ಕಿತ್ತಳೆ ಈ ಸಮಯದಲ್ಲಿ ಹೆಚ್ಚಾಗಿ ದೊರೆಯುವುದರಿಂದ ಇದನ್ನು ಪ್ರತಿನಿತ್ಯ ಒಂದು ತಿನ್ನಿ. ತುಂಬಾ ಸಿಹಿ ಹಾಗೂ ಎಣ್ಣೆಯಂಶದ ಆಹಾರಗಳನ್ನು ತಿನ್ನಲು ಹೋಗಬೇಡಿ. ಚಳಿಗಾಲದಲ್ಲಿ ಕುರುಕಲು ತಿಂಡಿಗಳನ್ನು ತಿಂದರೆ ಬೇಗನೆ ದಪ್ಪಗಾಗುತ್ತೇವೆ. ಆದ್ದರಿಂದ ಇಂತಹ ಪದಾರ್ಥಗಳಿಂದ ದೂರವಿರಬೇಕು. ಸತು ಹಾಗೂ ಕಬ್ಬಿಣಂಶವಿರುವ ಆಹಾರವನ್ನು ಹೆಚ್ಚಾಗಿ ತಿನ್ನಬೇಕು. ಆಹಾರದಲ್ಲಿ ಶುಂಠಿ, ಬೆಳ್ಳುಳ್ಳಿ, ಕರಿಮೆಣಸು, ಚಕ್ಕೆ, ಲವಂಗ ಈ ರೀತಿಯ ಮಸಾಲೆ ಸಾಮಾಗ್ರಿಗಳನ್ನು ಬಳಸುವುದು ಒಳ್ಳೆಯದು. ಇವು ಮೈಯನ್ನು ಬೆಚ್ಚಗೆ ಇಡುವುದರ ಜೊತೆಗೆ ಶೀತ, ಕೆಮ್ಮು ಈ ರೋಗಗಳ ವಿರುದ್ಧ ಹೋರಾಡುತ್ತವೆ.

ಬೆಚ್ಚಗೆ ಮಲಗಿ:

ಮಲಗುವಾಗ ಬೆಚ್ಚಗೆ ಹೊದ್ದುಕೊಂಡು ಮಲಗಿ. ಈ ಸಮಯದಲ್ಲಿ ಚೆನ್ನಾಗಿ ನಿದ್ದೆ ಬರುತ್ತದೆ. ಮಲಗುವಾಗ ಮುನ್ನ ಮೈಗೆ ಕೋಲ್ಡ್ ಕ್ರೀಮ್ ಅಥವಾ ಬಾಡಿ ಲೋಷನ್ ಹಚ್ಚಿ ಮಲಗಿ. ಇದರಿಂದ ತ್ವಚೆ ಒಡೆಯುವ ಸಮಸ್ಯೆ ಕಂಡು ಬರುವುದಿಲ್ಲ.

ಟೀ:

ಹರ್ಬಲ್ ಟೀ ಹಾಗೂ ಮಸಾಲೆ ಟೀಯನ್ನು ಈ ಕಾಲದಲ್ಲಿ ಕುಡಿಯುವುದು ಒಳ್ಳೆಯದು. ಇದರಿಂದ ಶೀತ, ಕೆಮ್ಮು ಈ ರೀತಿಯ ಸಮಸ್ಯೆಗಳನ್ನು ದೂರವಿಡಬಹುದು.

4. ಉಣ್ಣೆಯ ಬಟ್ಟೆಗಳನ್ನು ಧರಿಸಿ

ಈ ಸಮಯದಲ್ಲಿ ಮನೆಯಿಂದ ಹೊರಗಡೆ ಹೋಗುವಾಗ ಉಣ್ಣೆಯ ಬಟ್ಟೆಗಳನ್ನು ಧರಿಸುವುದು ಒಳ್ಳೆಯದು. ಟ್ರಾವಲ್ ಮಾಡುವಾಗ ಮುಖಕ್ಕೆ ತೆಳುವಾದ ಹತ್ತಿಯ ಬಟ್ಟೆಯನ್ನು ಸುತ್ತಿ. ಇದರಿಂದ ಮುಖ ಒಡೆಯುವುದಿಲ್ಲ. ಹೊರಗಡೆ ಹೋಗುವಾಗ ಕೋಲ್ಡ್ ಕ್ರೀಮ್ ಬಳಸಲು ಮರೆಯಬಾರದು. ಚಳಿಯಿಂದಾಗಿ ಮಂಡಿ ನೋವು, ಮೈಕೈ ನೋವು ಹೆಚ್ಚಾಗಿ ಕಂಡು ಬರುತ್ತದೆ. ಈ ಸಮಸ್ಯೆ ಬರದಿರಲು ಬೆಚ್ಚನೆಯ ಬಟ್ಟೆಗಳನ್ನು ಧರಿಸಿ.

ವ್ಯಾಯಾಮ:

ಚಳಿಯಿದೆ ಎಂದು ವ್ಯಾಯಾಮ ಮಾಡುವುದನ್ನು ನಿಲ್ಲಿಸಬಾರದು. ಪ್ರತಿದಿನ ಅರ್ಧ ಗಂಟೆ ವ್ಯಾಯಾಮ ಮಾಡಬೇಕು. ವ್ಯಾಯಾಮ ಮಡಿದರೆ ಮೈ ಬೆಚ್ಚಗೆ ಆಗುತ್ತದೆ, ಇದರಿಂದ ರಕ್ತ ಸಂಚಾರ ಸರಿಯಾದ ರೀತಿಯಲ್ಲಿ ನಡೆಯಲು ತುಂಬಾ ಸಹಕಾರಿಯಾಗುವುದು.

ಈ ರೀತಿ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.