ಜಿಮ್ ವರ್ಕೌಟ್‌ ಮಾಡುವಾಗ ಹೃದಯಾಘಾತ: ಜಿಮ್‌ನಲ್ಲಿ ಈ ತಪ್ಪುಗಳನ್ನು ಮಾಡಲೇಬೇಡಿ

ವಯಸ್ಸು 40 ದಾಟಿದೆಯೇ, ಹೃದ್ರೋಗ ತಜ್ಞರ ಸಲಹೆ ಪಡೆಯಿರಿ

ವಯಸ್ಸು ಅಧಿಕವಾಗುತ್ತಿದ್ದಂತೆ ನಮ್ಮ ದೇಹದಲ್ಲಿ ವಯೋಸಹಜ ನೈಸರ್ಗಿಕ ಬದಲಾವಣೆಗಳಾಗುವುದು, ಅದು ಪ್ರಕೃತಿ ನಿಯಮ ಕೂಡ, ಹಾಗಾಗಿ ಯಸ್ಸು 440 ದಾಟಿದ ಮೇಲೆ ಹೃದ್ರೋಗ ತಜ್ಞರ ಭೇಟಿಯಾಗಿ ತಪಾಸಣೆ ಮಾಡಿಸಿ, ಅವರು ನಿಮಗೆ ಸೂಕ್ತ ಸಲಹೆ ನೀಡುತ್ತಾರೆ.

ಅತಿಯಾದ ವ್ಯಾಯಾಮ ಮಾಡಬೇಡಿ

ಯಾವಾಗ ವ್ಯಾಯಾಮ ಮಾಡುವುದನ್ನು ನಿಲ್ಲಿಸಬೇಕು ಎಂಬುವುದು ಗೊತ್ತಿರಬೇಕು. ಕೆಲವರು ಜಿಮ್‌ನಲ್ಲಿ ಗಂಟೆ-ಗಟ್ಟಲೆ ಕಳೆಯುತ್ತಾರೆ ಅದು ತಪ್ಪು. ದಿನದಲ್ಲಿ 30 ನಿಮಿಷ ವ್ಯಾಯಾಮ ಮಾಡಿ, ಅದಕ್ಕಿಂತ ಹೆಚ್ಚು ಮಾಡುವುದಾದರೆ ಪರಿಣಿತರಿಂದ ಸಲಹೆ ಪಡೆದು ಮಾಡಿ.

ವರ್ಕೌಟ್‌ ಮಾಡುವಾಗ ಎದೆನೋವು ಬಂದರೆ, ಉಸಿರಾಟಕ್ಕೆ ಕಷ್ಟವಾದರೆ, ತಲೆಸುತ್ತು ಈ ರೀತಿಯೆಲ್ಲಾ ಆದರೆ ಕೂಡಲೆ ವರ್ಕೌಟ್‌ ನಿಲ್ಲಿಸಿ, ಸಮೀಪದ ಆಸ್ಪತ್ರೆಗೆ ಹೋಗಿ.

ದೇಹದಲ್ಲಿ ನೀರಿನಂಶ ಕಡಿಮೆಯಾಗದಂತೆ ನೋಡಿಕೊಳ್ಳಿ

ಕೆಲಸ ಮಾಡಿ ಮೈ ಬೆವರಬೇಕು, ದೈಹಿಕ ಕೆಲಸ ಮಾಡದೇ ಇರುವವರು ವರ್ಕೌಟ್‌ ಮಾಡಬೇಕು. ದೈಹಿಕ ಕೆಲಸ ಅಥವಾ ವರ್ಕೌಟ್‌ ಮಾಡುವಾಗ ಬೆವರು ಬಂದು ದೇಹದಲ್ಲಿರುವ ನೀರಿನಂಶ ಕಡಿಮೆಯಾಗುತ್ತೆ, ಆದ್ದರಿಂದ ದೇಹದಲ್ಲಿ ನೀರಿನಂಶ ಕಡಿಮೆಯಾಗದಂತೆ ನೋಡಿಕೊಳ್ಳಿ.

ತಿಂದ ತಕ್ಷಣ ಜಿಮ್‌ಗೆ ಹೋಗಬೇಡಿ

ನೀವು ಯೋಗ ಅಥವಾ ವರ್ಕೌಟ್‌ ಮಾಡುವ ಎರಡು ಗಂಟೆ ಮೊದಲು ತಿನ್ನಿ. ತಿಂದ ತಕ್ಷಣ ವರ್ಕೌಟ್‌ ಮಾಡಬೇಡಿ. ಇದಲ್ಲದೆ ಜಿಮ್‌ ಅಥವಾ ಇತರ ವರ್ಕೌಟ್‌ ಮಾಡುವ ಮುನ್ನ ವಾರ್ಮ್‌ಅಪ್‌ ಮಾಡಬೇಕು, ಸೀದಾ ಹೋಗಿ ಟ್ರೆಡ್‌ಮಿಲ್‌ನಲ್ಲಿ ವರ್ಕೌಟ್‌ ಮಾಡಬೇಡಿ.

ಸ್ಟಿರಾಯ್ಡ್‌ ತೆಗೆದುಕೊಳ್ಳಬಾರದು?

ಕೆಲವರು ಬಾಡಿ ಬಿಲ್ಡ್‌ಗಾಗಿ ಸ್ಟಿರಾಯ್ಡ್ ತೆಗೆದುಕೊಳ್ಳುತ್ತಾರೆ. ಆದರೆ ಸ್ಟಿರಾಯ್ಡ್‌ ದೇಹದ ಮೇಲೆ ಕೆಟ್ಟ ಪರಿಣಾಮ ಬೀರುವುದು, ಇದರಿಂದ ದೇಹದ ಅಂಗಾಂಗಗಳಿಗೆ ಹಾನಿಯುಂಟಾಗುವುದು, ಆದ್ದರಿಂದ ಸ್ಟಿರಾಯ್ಡ್ ತೆಗೆದುಕೊಳ್ಳಬೇಡಿ.

ಯಾರು ಹೆಚ್ಚಿನ ಜಾಗ್ರತೆ ತೆಗೆದುಕೊಳ್ಳಬೇಕು?

ಹೈಪರ್‌ಟೆನ್ಷನ್‌, ಅತ್ಯಧಿಕ ಕೊಲೆಸ್ಟ್ರಾಲ್‌, ಮಧುಮೇಹ, ಹೃದ್ರೋಗಕ್ಕೆ ಸಂಬಂಧ ಪಟ್ಟ ಸಮಸ್ಯೆ ಇರುವವರು ತುಂಬಾನೇ ಜಾಗ್ರತೆವಹಿಸಬೇಕು, ಕೆಲವೊಂದು ವ್ಯಾಯಾಮ ಮಾಡುವಂತಿಲ್ಲ, ಆದ್ದರಿಂದ ಪರಿಣಿತರ ಬಳಿ ಸಲಹೆ ಪಡೆದು ವರ್ಕೌಟ್‌ ಮಾಡಿ.