ಹೀಲ್ಡ್ ಚಪ್ಪಲಿ ಧರಿಸುವವರಿಗೆ ಕಾಡುವ ಸಮಸ್ಯೆಗಳಿವು

ಹಿಂಬದಿ ಹಾಗೂ ಬೆನ್ನು ಮೂಳೆಗೆ ಹಾನಿಯುಂಟಾಗುತ್ತದೆ

ಹೈ ಹೀಲ್ಡ್ ಧರಿಸಿದಾಗ ಎದೆ ಮುಂದೆ ಭಾಗಕ್ಕೆ ಬರುತ್ತದೆ, ಬೆನ್ನು ಹಾಗೂ ಹಿಂಬದಿ ಕೂಡ ಮುಂದೆಕ್ಕೆಭಾಗುವುದು, ಇದರಿಂದ ಪಾದಗಳ ಮೇಲೆ ಹೆಚ್ಚಿನ ಒತ್ತಡ ಬಿರುತ್ತದೆ. ಬೆನ್ನು ಮೂಳೆಯ ಮೇಲೆ ಒತ್ತಡ ಬೀರುವುದು. ಇದರಿಂದ ಪಾದಗಳಲ್ಲಿ ನೋವು, ಬೆನ್ನು ಮೂಳೆಯಲ್ಲಿ ನೋವು ಕಂಡು ಬರುವುದು.

ಪಾದಗಳಲ್ಲಿ ಉರಿಯೂತದ ಸಮಸ್ಯೆ ಉಂಟಾಗುವುದು

ಹೈ ಹೀಲ್ ಧರಿಸಿದಾಗ ದೇಹದ ಭಾರ ಕಾಲಿನ ಮುಂಬದಿ ಮೇಲೆ ಬೀಳುತ್ತದೆ. ಇದರಿಂದ ಪಾದಗಳಲ್ಲಿ ಉರಿಯೂತದ ಸಮಸ್ಯೆ ಉಂಟಾಗುವುದು. ಕೆಲವರಲ್ಲಿ ಈ ಸಮಸ್ಯೆ ಗಂಭೀರವಾಗಬಹುದು.

ಕಾಲಿನ ಹೆಬ್ಬರಳಿಗೆ ಹಾನಿಯುಂಟಾಗುವುದು

ಹೀಲ್ಡ್‌ ಧರಿಸಿದಾಗ ಹೆಬ್ಬರಳಿನ ಉಗುರು ಹೆಬ್ಬರಳಿನ ಮೇಲೆ ಹೆಚ್ಚು ಒತ್ತಡ ಹಾಕುವುದು, ಇದರಿಂದ ಉಗುರು ಹೆಬ್ಬರಳಿನ ಒಳಗೆ ಬೆಳೆಯಲಾರಂಭಿಸುವುದು, ಅಂದ್ರೆ ಉಗುರು ಸ್ವಲ್ಪ ಒಳ ಹೋಗಿ ಅದರ ಸುತ್ತ ಮಾಂಸ ಹೆಚ್ಚು ಬೆಳೆಯುವುದು. ಇದರಿಂದ ಸೋಂಕು ಉಂಟಾಗಿ ಸೆಪ್ಟಿಕ್‌ ಕೂಡ ಆಗಬಹುದು.

ಸಂಧಿವಾತದ ಸಮಸ್ಯೆ ಉಂಟಾಗುವುದು

ಹೈ ಹೀಲ್ಡ್‌ ಧರಿಸುವವರಲ್ಲಿ ಸಂಧಿವಾತದ ಸಮಸ್ಯೆ ಕಂಡು ಬರುವುದು, ಅಂದ್ರೆ ಪಾದಗಳಲ್ಲಿ, ಮಂಡಿಗಳಲ್ಲಿ ನೋವು ಉಂಟಾಗುವುದು, ಇದರ ಜೊತೆಗೆ ಬೆನ್ನು ನೋವು ಕೂಡ ಇರುತ್ತದೆ. ಪಾದ, ಮಂಡಿ, ಬೆನ್ನು ಮೂಳೆಗೆ ಹಾನಿಯುಂಟಾದರೆ ಅದನ್ನು ಸರಿಪಡಿಸುವುದು ಕಷ್ಟವಾಗಬಹುದು, ಇದರಿಂದಾಗಿ ಇನ್ನುಳಿದ ಸಮಯ ನೋವು ಅನುಭವಿಸುವಂತಾಗಬಹುದು.

ಸೊಂಟ, ಹಿಂಬದಿಯಲ್ಲಿ ನೋವು ಉಂಟಾಗುವುದು

ಹೈ ಹೀಲ್ಡ್‌ ಧರಿಸುವುದರಿಂದ ಕಂಡು ಬರುವ ಮತ್ತೊಂದು ಸಮಸ್ಯೆಯೆಂದರೆ ಸೊಂಟ ಹಾಗೂ ಹಿಂಬದಿಯಲ್ಲಿ ನೋವು. ಹಿಂಬದಿಯ ಸ್ನಾಯುಗಳಲ್ಲಿ ಒತ್ತಡ ಉಂಟು ಮಾಡುವುದರಿಂದ ಹಿಂಬದಿಗೆ ಹಾನಿಯುಂಟಾಗುವುದು.

ಹೈ ಹೀಲ್ಡ್‌ ಧರಿಸುವವರಿಗೆ ಆರೋಗ್ಯ ಸಮಸ್ಯೆ ತಡೆಗಟ್ಟಲು ಕೆಲ ಟಿಪ್ಸ್

ಹೈ ಹೀಲ್ಡ್‌ ಧರಿಸುವುದರಿಂದ ಅಡ್ಡಪರಿಣಾಮಗಳು ಇದ್ದೇ ಇರುತ್ತದೆ, ಆದರೆ ಈ ರೀತಿ ಮಾಡಿದರೆ ಆರೋಗ್ಯ ಸಮಸ್ಯೆ ಹೆಚ್ಚಾಗುವುದನ್ನು ತಡೆಗಟ್ಟಬಹುದು.

* ತುಂಬಾ ಹೊತ್ತು ಹೈ ಹೀಲ್ಡ್‌ ಧರಿಸಬೇಡಿ, ಕೂರುವಾಗ ಬಿಚ್ಚಿಡಿ.

* ಅವುಗಳನ್ನು ಧರಿಸುವ ಮುನ್ನ ಹಾಗೂ ಬಿಚ್ಚಿದ ನಂತರ ಪಾದಗಳನ್ನು ಸ್ಟ್ರೆಚ್ ಮಾಡಿ.

* 2 ಇಂಚಿಗಿಂತ ಎತ್ತರದ ಹೀಲ್ಡ್ ಧರಿಸುವುದನ್ನು ಕಡಿಮೆ ಮಾಡಿ.

* ತುಂಬಾ ಪಾಯಿಂಟ್ ಇರುವ ಹೀಲ್ಡ್‌ ಬಳಸಬೇಡಿ.

* ಒಳಗಡೆ ಲೆದರ್‌ ಇರುವಂಥ ಚಪ್ಪಲಿ ಬಳಸಿ, ಇದರಿಂದ ನಡೆಯುವಾಗ ಸ್ಲಿಪ್ ಆಗುವುದಿಲ್ಲ.

* ಫ್ಲ್ಯಾಟ್ ಚಪ್ಪಲಿ, ಶೂಗಳನ್ನು ಬಳಸಿ.