ಆರೋಗ್ಯಕರ ಸಲಾಡ್ ಡಯಟ್ ಹೇಗಿರಬೇಕು?

Diet Fitness

oi-Reena

By Hema S

Published: Friday, December 23, 2011, 11:16 [IST]

ಸ್ಲಿಮ್ ಅಂಡ್ ಟ್ರಿಮ್ ಆಗಿ ಕಾಣಲು ಹೆಚ್ಚಿನ ಜನರು ಆಯ್ದು ಕೊಳ್ಳುವುದು ಸಲಾಡ್ ಡಯಟ್ ಅದರಲ್ಲೂ ಸಿನಿಮಾ ನಟಿಯರು ತಮ್ಮ ಬಳಕುವ ಮೈ ಮಾಟವನ್ನು ಉಳಿಸಿಕೊಳ್ಳಲು ಈ ಸಲಾಡ್ ಡಯಟ್ ಮಾಡುತ್ತಾರೆ.

ಸಲಾಡ್ ಡಯಟ್ ನಲ್ಲಿ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳು ದೊರೆಯುವುದರಿಂದ ಆರೋಗ್ಯವು ಚೆನ್ನಾಗಿರುತ್ತದೆ, ಅಲ್ಲದೆ ಬೊಜ್ಜು ಕೂಡ ಕರಗುತ್ತೆ. ಆರೋಗ್ಯಕರವಾದ ಸಲಾಡ್ ಡಯೆಟ್ ಹೇಗಿರಬೇಕೆಂದು ತಿಳಿಯಲು ಮುಂದೆ ಓದಿ.

1. ಬೆಳಗ್ಗೆ: ತಿಂಡಿಗೆ ತಾಜಾ ಹಣ್ಣು ಮತ್ತು ತರಕಾರಿಗಳನ್ನು ಸೇವಿಸುವುದರಿಂದ ದೇಹದ ತೂಕ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ತರಕಾರಿಗಳನ್ನು ಕತ್ತರಿಸಲು ಸಮಯವಿಲ್ಲದಿದ್ದರೆ ಹಣ್ಣು ಮತ್ತು ನಟ್ಸ್ ನಿಂದ ಸಲಾಡ್ ತಯಾರಿಸಿ ಸೇವಿಸಬೇಕು. ಕಡಿಮೆ ಕೊಬ್ಬಿನ ಚೀಸ್ ಕೂಡ ಅದರ ಜೊತೆ ಸೇವಿಸಬೇಕು. ಅಲ್ಲದಿದ್ದರೆ ವೆಜಿಟೇಬಲ್ ಸ್ಯಾಂಡ್ ವಿಚ್ ಸೇವಿಸಬಹುದು.

2. ಮಧ್ಯಾಹ್ನ: ಬೇಯಿಸಿದ ತರಕಾರಿ ಸಲಾಡ್ ಅಥವಾ ಕತ್ತರಿಸಿದ ತಾಜಾ ತರಕಾರಿಗಳಿಂದ ಸಲಾಡ್ ತಯಾರಿಸಬೇಕು. ಮಧ್ಯಾಹ್ನ ಸೇವಿಸುವ ಸಲಾಡ್ ಗೆ ಸ್ವಲ್ಪ ಖಾರ ಸೇರಿಸಿದರೆ ಒಳ್ಳೆಯದು. ಕ್ಯಾರೇಟ್, ಬ್ರೊಕೋಲಿ, ಸೌತೆಕಾಯಿ, ಟೊಮೆಟೊ, ಎಲೆಕೂಸು ಈ ರೀತಿಯ ತರಕಾರಿ ಸೇವನೆ ಒಳ್ಳೆಯದು. ಅದರ ಜೊತೆ ಒಂದು ಬೇಯಿಸಿದ ಮೊಟ್ಟೆ, ಸ್ಟ್ರಾಬರಿ, ದ್ರಾಕ್ಷಿ, ಕಲ್ಲಂಗಡಿ ಹಣ್ಣು, ನಟ್ಸ್ ಹೀಗೆ ಇವುಗಳನ್ನು ಸೇವಿಸಬೇಕು.

3.ಸಾಯಂಕಾಲ: ಸಾಯಂಕಾಲದಲ್ಲಿ ತಾಜಾ ಹಣ್ಣಿನ ಜ್ಯೂಸ್ ಅಥವಾ ತರಕಾರಿ ಸೂಪ್ ಸೇವಿಸಬಹುದು. ಜೊತೆಗ ನಟ್ಸ್ , ಹಣ್ಣುಗಳನ್ನು ಕೂಡ ಸೇವಿಸಿದರೆ ಒಳ್ಳೆಯದು.

4. ರಾತ್ರಿ: ರಾತ್ರಿಯಲ್ಲಿ ಹಸಿ ತರಕಾರಿ ಬದಲು ಬೇಯಿಸದ ತರಕಾರಿ ಸಲಾಡ್ ಸೇವಿಸಿದರೆ ಜೀರ್ಣಕ್ರಿಯೆಗೆ ಸಹಾಯಕವಾಗುತ್ತದೆ. ನಂತರ ಹಾಲು ಅಥವಾ ತರಕಾರಿ ಸೂಪ್ ಸೇವಿಸಬೇಕು. ರಾತ್ರಿ ಊಟದಲ್ಲಿ ಕೆಂಪಕ್ಕಿ ಅನ್ನ ಜೊತೆ ಒಂದು ಬೇಯಿಸಿದ ಮೊಟ್ಟೆಯನ್ನು ಕೂಡ ಸೇವಿಸಬಹುದು. ರಾತ್ರಿ ಊಟವನ್ನು ಮಲುಗುವ 3-4 ಗಂಟೆ ಮೊದಲು ಸೇವಿಸಬೇಕು.

ದಿನಕ್ಕೆ 8-10 ಲೋಟ ನೀರು ಕುಡಿಯಬೇಕು. ಸಲಾಡ್ ಡಯಟ್ ಅಂದರೆ ಸಲಾಡ್ ಮಾತ್ರ ಸೇವಿಸಬೇಕೆಂದು ಇಲ್ಲ, ಆಹಾರಕ್ರಮದಲ್ಲಿ ಕೂಡ ಈ ಸಲಾಡ್ ಸೇರಿಸಿ ದೇಹದ ತೂಕ ಕಡಿಮೆ ಮಾಡಿಕೊಳ್ಳಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.