ತ್ವಚೆಯ ಆರೈಕೆಗೆ ಮಸಾಲ ಪದಾರ್ಥಗಳ ಸಹಾಯ... ನೀವೂ ಮಾಡಿ ನೋಡಿ

ಕೇಸರಿ

ಕೇಸರಿ ಮಾರುಕಟ್ಟೆಯಲ್ಲಿ ಅತ್ಯಂತ ದುಬಾರಿ ವಸ್ತುವು ಹೌದು. ಆರೋಗ್ಯ ಸುಧಾರಣೆಯಲ್ಲೂ ಇದರ ಪಾತ್ರ ಬಹಳ ಮಹತ್ವದ ಪಾತ್ರವನ್ನೇ ವಹಿಸುತ್ತದೆ. ಸೂರ್ಯನ ಕಿರಣದಿಂದ ಸುಟ್ಟ ಕಲೆ, ಉರಿಯೂತ ಹಾಗೂ ಇನ್ನಿತರ ಚರ್ಮ ವ್ಯಾದಿಗಳನ್ನು ಗುಣಪಡಿಸುತ್ತದೆ. ಇದರಿಂದ ಸೌಂದರ್ಯ ವರ್ಧಕ ಲೇಪನವನ್ನು ತಯಾರಿಸುವುದು ಹೇಗೆಂದು ತಿಳಿಯೋಣ ಬನ್ನಿ.

ಸಾಮಗ್ರಿ:

* 5 ಕೇಸರಿ ಎಳೆಗಳು

* 1/2 ಚಮಚ ಸಕ್ಕರೆ

* 1 ಚಮಚ ಹಾಲು

* 1 ಚಮಚ ನೀರು

* 5 ಹನಿ ಆಲಿವ್ ಎಣ್ಣೆ/ತೆಂಗಿನ ಎಣ್ಣೆ

* 1 ಬ್ರೆಡ್

* 1 ಬೌಲ್

ವಿಧಾನ

* ಕೇಸರಿ ಎಳೆಯನ್ನು 1 ಚಮಚ ನೀರಿನಲ್ಲಿ ಒಂದು ರಾತ್ರಿ ನೆನೆಯಿಡಬೇಕು.

* ಮರುದಿನ ಬೆಳಗ್ಗೆ ನೆನೆದ ಕೇಸರಿ ಎಳೆಗೆ ಸಕ್ಕರೆ, ಹಾಲು, ಎಣ್ಣೆಯನ್ನು ಸೇರಿಸಬೇಕು.

* ಬ್ರೆಡ್‍ಅನ್ನು ಬ್ರೆಶ್‍ನಂತೆ ಬಳಸಿ ಮಿಶ್ರಣವನ್ನು ಮುಖಕ್ಕೆ ಲೇಪಿಸಿಕೊಳ್ಳಬೇಕು. ಇದನ್ನು ಮುಖದಿಂದ ಕತ್ತಿನವರೆಗೂ ಹಚ್ಚಬೇಕು.

* ಬ್ರೆಡ್ ನೆನೆದು ಮುಖಕ್ಕೆ ಅಂಟಿಕೊಂಡರೆ ಚಿಂತಿಸಬೇಡಿ.

* ಅನ್ವಯಿಸಿದ ಲೇಪನ 15 ನಿಮಿಷಗಳ ಕಾಲ ಆರಲು ಬಿಡಿ. ನಂತರ ತೊಳೆಯಿರಿ.

ದಾಲ್ಚಿನ್ನಿ

ದಾಲ್ಚಿನ್ನಿ ಮೊಡವೆಗಳ ನಿವಾರಣೆಗೆ, ಸತ್ತ ಚರ್ಮಗಳ ತೆಗೆಯಲು ಹಾಗೂ ತ್ವಚೆಯ ಆರೋಗ್ಯ ಕಾಪಾಡಲು ಅತ್ಯುತ್ತಮ ಉತ್ಪನ್ನವಾಗಿದೆ.

ಸಾಮಾಗ್ರಿ:

* 1 ಮೊಟ್ಟೆ

* 1/2 ಚಮಚ ದಾಲ್ಚಿನ್ನಿ ಪೌಡರ್

* ಒಂದು ಚಿಕ್ಕ ಬೌಲ್

ವಿಧಾನ

* ಬೌಲ್‍ನಲ್ಲಿ ಮೊಟ್ಟೆಯ ರಸವನ್ನು ಹಾಕಿ, ಸರಿಯಾಗಿ ಕಲುಕ ಬೇಕು.

* ನಂತರ ದಾಲ್ಚಿನ್ನಿ ಪೌಡರ್‍ಅನ್ನು ಸೇರಿಸಿ. ಅದು ಸರಿಯಾಗಿ ಕಲುಕಿದ ಮೇಲೆ ಕಂದು ಬಣ್ಣಕ್ಕೆ ತಿರುಗುತ್ತದೆ.

* ಮುಖದ ಎಲ್ಲಾ ಭಾಗಕ್ಕೂ ಇದನ್ನು ಅನ್ವಯಿಸಬೇಕು.

* ನಂತರ 15-20 ನಿಮಿಷಗಳಕಾಲ ಆರಲು ಬಿಟ್ಟು ನಂತರ ತಣ್ಣೀರಿನಲ್ಲಿ ತೊಳೆಯಬೇಕು.

ಜಾಯಿಕಾಯಿ

ಜಾಯಿಕಾಯಿಯು ಅತ್ಯುತ್ತಮ ಔಷಧ ಉತ್ಪನ್ನ. ಇದರ ಪುಡಿಯಿಂದ ಸುಟ್ಟಕಲೆಗಳು ಹಾಗೂ ಚರ್ಮಗಳ ಆರೈಕೆ ಮಾಡಬಹುದು.

ಸಾಮಾಗ್ರಿ:

1. 1/2 ಚಮಚ ಜಾಯಕಾಯಿ ಪುಡಿ.

2. 1-2 ಕೇಸರಿ ಎಳೆ.

3. 2 ಚಮಚ ಹಾಲು.

ವಿಧಾನ:

* ಎಲ್ಲಾ ಸಾಮಾಗ್ರಿಯನ್ನು ಸೇರಿಸಿ ಪೇಸ್ಟ್ ತಯಾರಿಸಿ.

* ನಂತರ ಇದನ್ನು ಮುಖ ಹಾಗೂ ಕತ್ತಿನ ಭಾಗದಲ್ಲೂ ಲೇಪಿಸಿ.

* 20-30 ನಿಮಿಷದ ಬಳಿಕ ತಣ್ಣೀರಿನಿಂದ ತೊಳೆಯಿರಿ.

ಅರಿಶಿನ

ರೋಗ ನಿರೋಧಕ ಶಕ್ತಿಯನ್ನು ಒಳಗೊಂಡಿರುವ ಅತ್ಯುತ್ತಮ ಔಷಧೀಯ ಗುಣ ಹೊಂದಿರುವ ನೈಸರ್ಗಿಕ ಉತ್ಪನ್ನ. ಇದು ಚರ್ಮದಲ್ಲಿರುವ ನಂಜಿನಂಶ ಮತ್ತು ಕಲೆಗಳನ್ನು ನಿವಾರಿಸುತ್ತದೆ. ಮೊಡವೆ, ಉರಿಯೂತ ಹಾಗೂ ಇನ್ನಿತರ ಗಾಯಗಳನ್ನು ಇದು ನಿವಾರಿಸುತ್ತದೆ.

ಸಾಮಾಗ್ರಿ:

1. 3 ಚಮಚ ಹಾಲು

2. 3 ಬಾದಾಮಿ

3. 1/2 ಚಮಚ ಹರಿಶಿನ ಪುಡಿ.

ವಿಧಾನ:

* ಈ ಎಲ್ಲಾ ಸಾಮಾಗ್ರಿಯನ್ನು ಸೇರಿಸಿ ರುಬ್ಬಿಕೊಂಡು ಒಂದು ಮಿಶ್ರಣ ತಯಾರಿಸಿ.

* ನುಣುಪಾದ ಹಳದಿ ಪೇಸ್ಟ್‍ನಂತೆ ಆಗುತ್ತದೆ. ಇದನ್ನು ಮುಖಕ್ಕೆ ಅನ್ವಯಿಸಬೇಕು.

* ನಂತರ 15 ನಿಮಿಷ ಆರಲು ಬಿಟ್ಟು, ನಂತರ ತಣ್ಣೀರಿನಲ್ಲಿ ತೊಳೆಯಬೇಕು.

ಏಲಕ್ಕಿ

ಅತ್ಯಂತ ದುಬಾರಿ ಮಾಸಾಲೆ ಪದಾರ್ಥದಲ್ಲಿ ಇದು ಒಂದು. ಇದರಿಂದ ಸೌಂದರ್ಯವರ್ಧಕ ಪೇಸ್ಟ್ ತಯಾರಿಸಲು ಸ್ವಲ್ಪ ಸಮಯ ತೆಗೆದುಕೊಳ್ಳಬಹುದು. ಆದರೆ ಪರಿಣಾಮ ಅಷ್ಟೇ ಉತ್ತಮವಾಗಿರುತ್ತದೆ.

ಸಾಮಾಗ್ರಿ:

1. 1 ಚಮಚ ಏಲಕ್ಕಿ ಪುಡಿ.

2. 2 ಚಮಚ ಕಾಫಿ ಪುಡಿ.

3. 1 ಚಮಚ ಬ್ರೌನ್ ಶುಗರ್

4. 1 ಬೌಲ್

ವಿಧಾನ

* ಬೌಲ್‍ನಲ್ಲಿ ಮೊದಲು ಕಾಫಿ ಪೌಡರ್ ಮತ್ತು ಬ್ರೌನ್ ಶುಗರ್ ಸೇರಿಸಿ.

* ನಂತರ ಏಲಕ್ಕಿ ಪುಡಿಯನ್ನು ಸೇರಿಸಿ. ಸೇರಿಸುವಾಗ ಕಾಳಜಿ ಇರಲಿ. ಇದು ಹೆಚ್ಚು ಪ್ರಬಲವಾಗಿರುತ್ತದೆ.

* ನಂತರ ಶೀಯಾ ಬೆಣ್ಣೆ ಮತ್ತು ಕೋಕೋ ಬೆಣ್ಣೆಯನ್ನು ಸೇರಿಸಿ.

* ಗಾಢವಾದ ಕಂದು ಬಣ್ಣದ ದಪ್ಪದಾದ ಪೇಸ್ಟ್ ಆಗಿ ಬದಲಾಗುವವೆಗೂ ಮಿಶ್ರಣವನ್ನು ಕಲುಕಬೇಕು.

* ಇದನ್ನು ಮುಖಕ್ಕೆ ಅನ್ವಯಿಸಿ ಒಣಗುವತನಕ ಬಿಡಬೇಕು. ನಂತರ ತಣ್ಣೀರಿನಲ್ಲಿ ತೊಳೆಯಬೇಕು.

* ಇದನ್ನು ಗಾಳಿಯಾಡದ ಒಂದು ಕರಡಿಗೆಯಲ್ಲಿ ಶೇಖರಿಸಿಟ್ಟುಕೊಳ್ಳಬಹುದು.