ಮುಖದ ಅಂದಕ್ಕೆ ಮುಲ್ತಾನಿ ಮಿಟ್ಟಿ ಫೇಸ್ ಪ್ಯಾಕ್

ಹಂತ 1

ಎರಡು ಚಮಚಗಳಷ್ಟು ಮುಲ್ತಾನಿ ಮಿಟ್ಟಿಯನ್ನು ತೆಗೆದುಕೊಂಡು ಅದನ್ನು ಬೌಲ್‌ಗೆ ಹಾಕಿ. ಮುಖದಿಂದ ಹೆಚ್ಚುವರಿ ಜಿಡ್ಡನ್ನು ತೆಗೆಯುವ ಸಾಮರ್ಥ್ಯವನ್ನು ಇದು ಪಡೆದುಕೊಂಡಿದೆ. ಆದ್ದರಿಂದಲೇ ಜಿಡ್ಡಿನ ಮುಖಕ್ಕೆ ಇದು ಸೂಕ್ತ ಫೇಸ್ ಪ್ಯಾಕ್ ಆಗಿದೆ.

ಹಂತ 2

ನೀರಿನೊಂದಿಗೆ ಇದನ್ನು ಮಿಶ್ರ ಮಾಡಿಕೊಂಡು ಇದಕ್ಕೆ ಸ್ವಲ್ಪ ರೋಸ್ ವಾಟರ್ ಸೇರಿಸಿ ಮತ್ತು ಪೇಸ್ಟ್ ತಯಾರಿಸಿ. ನಿಮ್ಮ ತ್ವಚೆಯನ್ನು ತಾಜಾ ಇರಿಸುವಲ್ಲಿ ರೋಸ್ ವಾಟರ್ ಸಹಕಾರಿಯಾಗಿದೆ.

ಹಂತ 3

ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ, ಮಿಶ್ರಣದಲ್ಲಿ ಗಂಟುಗಳು ಏಳದಂತೆ ನೋಡಿಕೊಳ್ಳಿ.

ಹಂತ 4

ನಿಮಗೆ ಬೇಕಾದಲ್ಲಿ ಗಂಧ ಅಥವಾ ಅರಶಿನವನ್ನು ಇದಕ್ಕೆ ಸೇರಿಸಿಕೊಳ್ಳಬಹುದಾಗಿದೆ. ಮುಖದ ಕಾಂತಿಯನ್ನು ವೃದ್ಧಿಸುವಲ್ಲಿ ಎರಡೂ ಪ್ರಯೋಜನಕಾರಿಯಾಗಿದೆ.

ಹಂತ 5

ಜಿಡ್ಡನ್ನು ಹೋಗಲಾಡಿಸಲು ಈ ಮುಲ್ತಾನಿ ಮಿಟ್ಟಿ ಫೇಸ್ ಪ್ಯಾಕ್ ಅನ್ನು ಮುಖಕ್ಕೆ ಹಚ್ಚಿಕೊಳ್ಳಿ. ಇದು ಒಣಗುವವರೆಗೂ 15-20 ನಿಮಿಷಗಳ ಕಾಲ ಹಾಗೆಯೇ ಬಿಡಿ.

ಹಂತ 6

ಇದು ಸಂಪೂರ್ಣ ಒಣಗಿದ ನಂತರ, ತಣ್ಣೀರಿನಿಂದ ಫೇಸ್ ಪ್ಯಾಕ್ ಅನ್ನು ತೊಳೆದುಕೊಳ್ಳಿ ಮತ್ತು ಮೃದು ಮಾಯಿಶ್ಚರೈಸರ್ ಅನ್ನು ಹಚ್ಚಿಕೊಳ್ಳಿ.