ಹೊಳೆವ ದೇಹ ಪಡೆಯಲು ಹೀಗೆ ಸ್ನಾನ ಮಾಡಿದರೆ ಸಾಕು

Skin Care

oi-Sumalatha

By Sumalatha

Published: Wednesday, November 2, 2011, 23:38 [IST]

ಕೇವಲ ಮುಖಕ್ಕೆ ಮಾತ್ರ ಆರೈಕೆ ಸಾಕೆ? ದೇಹದ ಚರ್ಮವೂ ರಿಲ್ಯಾಕ್ಸ್ ಬಯಸುತ್ತೆ. ಹೀಗೆಂದು ಪಾರ್ಲರ್ ಗೆ ಹೋಗುವ ಅವಶ್ಯಕತೆಯಿಲ್ಲ. ಮನೆಯಲ್ಲೇ ಒಂದಿಷ್ಟು ಸಮಯ ಮೀಸಲಿಟ್ಟರೆ ಸಾಕು, ದೇಹದ ಚರ್ಮಕ್ಕೆ ಅಗತ್ಯ ಆರೈಕೆ ನೀಡಬಹುದು.

15 ದಿನಕ್ಕೊಮ್ಮೆ ಈ ವಿಧಾನವನ್ನು ಅನುಸರಿಸಿದರೆ ಸಾಕು, ನಿಮ್ಮ ತ್ವಚೆಯನ್ನು ಮಾಲಿನ್ಯದಿಂದ, ಸೂರ್ಯನ ಕಿರಣಗಳಿಂದುಂಟಾಗುವ ಪರಿಣಾಮದ ವಿರುದ್ಧ ಹೋರಾಡಬಹುದು.

ಬಾಡಿ ಪಾಲಿಶ್ ವಿಧಾನ ಹೇಗೆ?

* ಬೆಚ್ಚಗಿನ ನೀರಿನಿಂದ ದೇಹವನ್ನು ತೇವ ಮಾಡಿಕೊಂಡು ನಿಮ್ಮಿಷ್ಟದ ಸ್ಕ್ರಬ್ ಹಚ್ಚಿಕೊಳ್ಳಬಹುದು (ಮನೆಯಲ್ಲೇ ತಯಾರಿಸಿದ ಓಟ್ ಮೀಲ್ ಅಥವಾ ಶ್ರೀಗಂಧದ ಸ್ಕ್ರಬ್ ಅನ್ನು ಬಳಸಿದರೆ ಒಳಿತು) ವೃತ್ತಾಕಾರವಾಗಿ ಮಸಾಜ್ ಮಾಡಿಕೊಳ್ಳಬೇಕು.

* ಸಿಟ್ರಸ್ ಅಂಶ ಹೊಂದಿರುವ ಹಣ್ಣುಗಳ ಸಿಪ್ಪೆಯನ್ನು ಸಹ ದೇಹಕ್ಕೆ ಹಚ್ಚಿಕೊಳ್ಳಬಹುದು.

* 20-25 ನಿಮಿಷದ ನಂತರ ಸ್ವಲ್ಪ ಬೆಚ್ಚಗಿನ ನೀರಿನಲ್ಲಿ ಮೈಯ್ಯನ್ನು ತೊಳೆದುಕೊಂಡು ಆಲಿವ್ ಅಥವಾ ಕೊಬ್ಬರಿ ಎಣ್ಣೆಯಿಂದ ಮಸಾಜ್ ಮಾಡಿಕೊಳ್ಳಬೇಕು. ಬೆಚ್ಚಗಿನ ನೀರಿನಲ್ಲಿ ಟವಲ್ ಅದ್ದಿ ಅದರಿಂದ ದೇಹಕ್ಕೆ ಆವಿ ನೀಡಬೇಕು.

* ಇದೇ ಸಮಯದಲ್ಲಿ ಉಪ್ಪು ಅಥವಾ ಸಕ್ಕರೆಯಿಂದ ಮಸಾಜ್ ಮಾಡಿಕೊಳ್ಳಬೇಕು.

* ನಂತರ ಬೆಚ್ಚಿಗಿನ ನೀರಿನಲ್ಲಿ ತೊಳೆದುಕೊಳ್ಳಬೇಕು. ತ್ವಚೆಗೆ ಹೊಳಪು ನೀಡುವಂತೆ ಮಾಡಲು ತುಂಬಾ ಪರಿಣಾಮಕಾರಿ ವಿಧಾನವೊಂದಿದೆ. ವಿಟಮಿನ್ ಇ ಎಣ್ಣೆಯೊಂದಿಗೆ ಸ್ಟ್ರಾಬೆರಿಯನ್ನು ಬೆರೆಸಿ ಕಿವುಚಿಕೊಂಡು ಅದನ್ನು ಮಸಾಜ್ ಮಾಡಿಕೊಳ್ಳುವುದು.

* ಸ್ಟ್ರಾಬೆರಿ ಲಭ್ಯವಿಲ್ಲ ಎಂದರೆ ಒಣಗಿನ ಕಿತ್ತಳೆ ಪುಡಿ, ಬಾದಾಮಿ ಎಣ್ಣೆಯೂ ಸಹ ದೇಹಕ್ಕೆ ಒಳ್ಳೆ ಹೊಳಪು ನೀಡುತ್ತದೆ.

* ಎಲ್ಲಾ ಮುಗಿದ ಮೇಲೆ ಸ್ವಲ್ಪ ಬಿಸಿ ನೀರಿನಿಂದ ಸ್ನಾನ ಮಾಡಿಕೊಂಡರೆ ಚರ್ಮವೂ ರಿಲ್ಯಾಕ್ಸ್ ಆಗುತ್ತೆ, ಮನಸ್ಸೂ ರಿಲ್ಯಾಕ್ಸ್ ಆಗುತ್ತೆ.