ನೈಸರ್ಗಿಕವಾಗಿ ಕಾಣುವಂತೆ ಮಾಡುವ ಮೇಕಪ್ ಮೋಡಿ ನೋಡಿ...

ಚರ್ಮದ ಸಿದ್ಧತೆ

ಮೇಕಪ್ ದೀರ್ಘಕಾಲ ಉಳಿಯುವಂತೆ ಮಾಡಲು ಮೊದಲು ನಮ್ಮ ಚರ್ಮವನ್ನು ಸಿದ್ಧಗೊಳಿಸಿಕೊಳ್ಳಬೇಕು. ಹಾಗಾಗಿ ಮೊದಲು ಕ್ಲೀನರ್ಸ್ ನಿಂದ ಮೊದಲು ಮುಖದ ಕೊಳೆಯನ್ನು ಸ್ವಚ್ಛಗೊಳಿಸಿ. ನಂತರ ಲೈಟ್ ಸ್ಕಿನ್ ಟೋನರ್ ಅನ್ವಯಿಸಿ. ಇದರಿಂದ ಚರ್ಮವು ದೀರ್ಘ ಸಮಯದವರೆಗೆ ತಾಜಾ ಹಾಗೂ ತೇವಾಂಶದಿಂದ ಕೂಡಿರುತ್ತದೆ.

ಚರ್ಮವನ್ನು ತೇವಗೊಳಿಸಿ

ಮೇಕಪ್ ಮಾಡುವ ಮೊದಲು ಮುಖದ ಚರ್ಮವನ್ನು ತೇವಾಂಶದಿಂದ ಕೂಡಿರುವಂತೆ ಮಾಡಬೇಕು. ಇದರಿಂದ ಮೇಕಪ್ ಸಾಮಾಗ್ರಿಯಲ್ಲಿರುವ ರಾಸಾಯನಿಕ ಪದಾರ್ಥಗಳು ಚರ್ಮದ ಮೇಲೆ ಉಂಟುಮಾಡುವ ಹಾನಿಯನ್ನು ತಡೆಯಬಹುದು. ಹಾಗಾಗಿ ಮಾಯ್ಚುರೈಸ್ ಕ್ರೀಮ್ ಅನ್ವಯಿಸಿಕೊಳ್ಳಬೇಕು.

ಕನ್ಸೆಲರ್ ಬಳಸಿ

ಕನ್ಸೆಲರ್ ಬಳಸುವುದರಿಂದ ಕಪ್ಪಾದ ಪ್ರದೇಶ ಮತ್ತು ಮೊಡವೆಯನ್ನು ಮರೆ ಮಾಚಬಹುದು. ಆದರೆ ಇದನ್ನು ಮಿತಿಮೀರಿ ಅನ್ವಯಿಸಬಾರದು. ಮುಖದ ತುಂಬ ಬಳಿಯುವ ಬದಲು ಪೀಡಿತ ಪ್ರದೇಶಗಳಿಗೆ ಮಾತ್ರ ಅನ್ವಯಿಸಿ.

ಪೀಡಿತ ಪ್ರದೇಶದಲ್ಲಿ ಪೌಡರ್ ಅಥವಾ ಫೌಂಡೇಶನ್ ಕ್ರೀಮ್

ಪೀಡಿತ ಪ್ರದೇಶದಲ್ಲಿ ಪೌಡರ್ ಅಥವಾ ಫೌಂಡೇಶನ್ ಕ್ರೀಮ್ ಅನ್ವಯಿಸುವುದರಿಂದ ಚರ್ಮದ ಮೇಲಿರುವ ಕುಳಿಯನ್ನು ತುಂಬುವುದು ಮತ್ತು ಚರ್ಮವು ನಯವಾಗಿ ಕಾಣುವಂತೆ ಮಾಡುವುದು.

ನ್ಯಾಚುರಲ್ ಶೇಡ್ ಆಯ್ಕೆ ಮಾಡಿ

ಮಾಡಿರುವ ಮೇಕಪ್‍ಅನ್ನು ನೈಸರ್ಗಿಕವಾಗಿ ಕಾಣುವಂತೆ ಮಾಡಲು ಫಿನಿಶಿಂಗ್ ಟಚ್ ಬಹಳ ಮುಖ್ಯವಾಗಿರುತ್ತದೆ. ಗಾಢ ಬಣ್ಣದ ಬಳಸಿದರೆ ಮೇಕಪ್ ದಪ್ಪವಾಗಿ ಗೋಚರಿಸುವುದು. ಹಾಗಾಗಿ ಆದಷ್ಟು ತೆಳುವಾದ ಮತ್ತು ನಿಮ್ಮ ಚರ್ಮಕ್ಕೆ ಹೊಂದಿಕೆಯಾಗುವ ಛಾಯೆಗಳನ್ನು ಆಯ್ಕೆ ಮಾಡಿ, ಅನ್ವಯಿಸಿ.

ಕಡಿಮೆ ಬ್ರಶ್ ಬಳಸಿ

ಬ್ರಶ್ ಮಾಡುವುದರಿಂದ ಮೇಕಪ್ ಮತ್ತು ರೋಸಿ ಗ್ಲೋ ಬರುವುದು. ಹಾಗಂತ ಅತಿಯಾಗಿ ಬ್ರೆಶ್ ಮಾಡುವುದರಿಂದ ಅನ್ವಯಿಸಿದ ಕ್ರೀಮ್‍ಗಳು ಕಡಿಮೆಯಾಗುವುದು.

ಐ ಲ್ಯಾಷಸ್ ಅನ್ವಯಿಸಿ

ಕಣ್ಣು ಅತ್ಯಂತ ಆಕರ್ಷಣೆಯ ಅಂಗ. ನೈಸರ್ಗಿಕ ನೋಟವನ್ನು ಹೆಚ್ಚಿಸಲು ಕಣ್ಣಿಗೆ ಐ ಲ್ಯಾಶಸ್ ಅನ್ವಯಿಸಬೇಕು. ಇದರಿಂದ ಕಣ್ಣು ಎದ್ದು ಕಾಣುವುದು. ಮುಖದ ಸೌಂದರ್ಯವನ್ನು ದ್ವಿಗುಣಗೊಳಿಸುವುದು.

ಐ ಲೈನರ್ ಬಿಟ್ಟುಬಿಡಿ

ಐ ಲೈನರ್ ನಿಮ್ಮ ಕಣ್ಣನ್ನು ಹೈಲೆಟ್ ಮಾಡುವುದು. ಐ ಲ್ಯಾಶಸ್ ಬಳಸಿದಾಗ ಐ ಲೈನರ್ ಬಿಡಬಹುದು. ಇಲ್ಲವಾದರೆ ಕೃತಕವಾಗಿ ಗೋಚರವಾಗುವುದು. ಐ ಲೈನರ್ ಮೊರೆ ಹೋಗುತ್ತೀರಿ ಎಂದಾದರೆ ದಪ್ಪದಾದ ಕಾಮನಬಿಲ್ಲಿನ ರೀತಿಯಲ್ಲಿ ಕಣ್ಣಿನ ಪ್ರದೇಶವನ್ನು ಹೈಲೆಟ್ ಮಾಡಿ.

ಐಬ್ರೋ ಪೆನ್ಸಿಲ್ ಬಳಸಿ

ನೈಸರ್ಗಿಕವಾಗಿ ಕಾಣಲು ಐಬ್ರೋ ಪೆನ್ಸಿಲ್ ಬಳಸುವುದು ಸೂಕ್ತ. ಹುಬ್ಬುಗಳು ಮುಖದ ಸೌಂದರ್ಯ ಹೆಚ್ಚಿಸುವಲ್ಲಿ ಸಹಾಯ ಮಾಡುತ್ತದೆ. ಹುಬ್ಬುಗಳು ಸುಂದರವಾಗಿ ಕಾಣಲು ಮತ್ತು ಸೂಕ್ತ ಆಕಾರದಲ್ಲಿ ಕಾಣುವಂತೆ ಮಾಡಲು ಪೆನ್ಸಿಲ್ ಬಳಕೆಯಿಂದ ತಿದ್ದಿ.