Just In
Don't Miss
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Finance ಆದಾಯ ತೆರಿಗೆ ಇಲಾಖೆಯಿಂದ ಕಾಂಗ್ರೆಸ್ಗೆ 1,823 ಕೋಟಿ ರೂ. ನೋಟಿಸ್: ತೆರಿಗೆ ಭಯೋತ್ಪಾದನೆ ನಿಲ್ಲಲೇಬೇಕು ಎಂದ ಪಕ್ಷ
- News Namma Metro Purple Line: ದೈನಂದಿನ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಇಳಿಕೆ, ಕಾರಣಗಳೇನು?
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Movies ಲಂಡನ್ನಲ್ಲಿ ಬಾಡಿಗೆಗೆ ಪಡೆದಿದ್ದ ಬಂಗಲೆಯನ್ನೇ ಖರೀದಿಸಿದ್ರಾ ಪ್ರಭಾಸ್?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೆಳುವಾದ ಕೂದಲನ್ನು ಮತ್ತೆ ದಪ್ಪಗಾಗಿಸುವುದು ಹೇಗೆ?
ಕೂದಲು ಉದುರುವುದು ಹೆಚ್ಚಿನವರ ಸಮಸ್ಯೆಯಾಗಿದೆ. ಅದರಲ್ಲೂ ತಲೆ ಬಾಚುವಾಗ ಬಾಚಣಿಕೆ ತುಂಬಾ ಕೂದಲು ಇದ್ದರೆ ಮನಸ್ಸಿಗೆ ತುಂಬಾನೇ ಬೇಸರವಾಗುವುದು. ಕೂದಲು ಉದುರುವುದನ್ನು ನಿಯಂತ್ರಣ ಮಾಡದಿದ್ದರೆ ಕೂದಲು ಸಂಪೂರ್ಣವಾಗಿ ಉದುರುವುದು.
ಆದ್ದರಿಂದ ಕೂದಲು ಸ್ವಲ್ಪ ಅಧಿಕ ಉದುರುತ್ತಿದೆ ಎಂದು ಗೊತ್ತಾದ ಕೂಡಲೇ ಕೂದಲಿನ ಆರೈಕೆ ಕಡೆ ತುಂಬಾ ಗಮನ ನೀಡಬೇಕಾಗುತ್ತದೆ. ಇಲ್ಲಿ ನಾವು ಕೆಲವೊಂದು ಟಿಪ್ಸ್ ನೀಡಿದ್ದೇವೆ. ಈ ಟಿಪ್ಸ್ ಪಾಲಿಸಿದರೆ ಕೂದಲು ಉದುರುವುದು ಕಡಿಮೆಯಾಗುವುದು ಹಾಗೂ ಕೂದಲು ಮರು ಹುಟ್ಟಲು ಸಹಕಾರಿಯಾಗಿದೆ.
1. ಮಸಾಜ್
ಕೂದಲಿಗೆ ಮಸಾಜ್ ಮಾಡುವುದರಿಂದ ತಲೆ ಬುಡದಲ್ಲಿ ರಕ್ತ ಸಂಚಶರ ಹೆಚ್ಚಾಗಿ ಕೂದಲು ಉದುರುವುದನ್ನು ತಡೆಯಲು ಸಹಕಾರಿಯಾಗಿದೆ. ತಲೆಗೆ ಎಣ್ಣೆಯಿಂದ ಮಸಾಜ್ ಮಾಡಿ ಒಮದು ಟವಲ್ ಅನ್ನು ಬಿಸಿ ನೀರಿನಲ್ಲಿ ಅದ್ದ, ಅದನ್ನು ಹಿಂಡಿ ತಲೆಗೆ ಸುತ್ತಿ ಒಂದು ಗಂಟೆಯ ಬಳಿಕ ತಲೆಸ್ನಾನ ಮಾಡಬೇಕು. ತಲೆಗೆ ಮಸಾಜ್ ಮಾಡುವುದರಿಂದ ರಿಲ್ಯಾಕ್ಸ್ ಕೂಡ ಅನಿಸುವುದು.
2. ಲೋಳೆಸರ
ಲೋಳೆಸರವನ್ನು ಕೂದಲು ಉದುರುವುದನ್ನು ತಡೆಗಟ್ಟಲು ಬಳಸಬಹುದು. ತಲೆಯಲ್ಲಿ ಅತ್ಯಧಿಕ ಎಣ್ಣೆಯಂಶ ಇದ್ದರೆ ಕೂದಲಿನ ಬುಡದ ರಂಧ್ರಗಳು ಮುಚ್ಚಿ ಹೋಗುವುದರಿಂದ ಕೂದಲಿನ ಬುಡ ದುರ್ಬಲವಾಗುತ್ತದೆ, ಈ ಕಾರಣದಿಂದಾಗಿ ಕೂಡ ಕೂದಲು ಉದುರುವ ಸಮಸ್ಯೆ ಉಂಟಾಗುವುದು. ಲೋಳೆಸರವನ್ನು ವಾರದಲ್ಲಿ ಎರಡು ಬಾರಿ ತಲೆಗೆ ಹಚ್ಚಿ ನಂತರ ತಲೆಸ್ನಾನ ಮಾಡಿದರೆ ಕೂದಲಿನ ಬುಡ ಸ್ವಚ್ಛವಾಗಿರುತ್ತದೆ, ತಲೆಹೊಟ್ಟಿನ ಸಮಸ್ಯೆ ಕೂಡ ಕಾಡುವುದಿಲ್ಲ.
3. ಫಿಶ್ ಆಯಿಲ್
ಫಿಶ್ ಆಯಿಲ್ ಸೇವಿಸುವುದರಿಂದ ಕೂದಲನ್ನು ಆಂತರಿಕವಾಗಿ ಪೋಷಣೆ ಮಾಡಿದಂತಾಗುವುದು. ಫಿಶ್ಆಯಿಲ್ನಲ್ಲಿ ಪೋಷಕಾಂಶ ಹಾಗೂ ಪ್ರೊಟೀನ್ಸ್ ಇರುತ್ತದೆ. ಇದರಲ್ಲಿರುವ ಒಮೆಗಾ 3 ಕೊಬ್ಬಿನಂಶ .ಆರೋಗ್ಯಕ್ಕೂ ಒಳ್ಳೆಯದು. ಕೂದಲಿನ ಪೋಷಣೆಗಾಗಿ ಪ್ರತಿದಿನ ಒಂದು ಫಿಶ್ ಆಯಿಲ್ ಮಾತ್ರೆ ಸೇವನೆ ಒಳ್ಳೆಯದು.
4. ಈರುಳ್ಳಿ ರಸ
ಕೂದಲು ಉದುರುವುದನ್ನು ತಡೆಗಟ್ಟುವಲ್ಲಿ ಈರುಳ್ಳಿ ರಸ ತುಂಬಾನೇ ಪರಿಣಾಮಕಾರಿಯಾಗಿದೆ. ಬ್ಯಾಕ್ಟಿರಿಯಾ ಸೋಂಕಿನಿಂದ ಕೂದಲು ಕಿತ್ತು ಹೋಗಿರುವ ಜಾಗಕ್ಕೆ ಈರುಳ್ಳಿ ರಸ ಹಚ್ಚಿದರೆ ಸಾಕು ಅಲ್ಲಿ ಕೂದಲು ಮರು ಹುಟ್ಟುತ್ತದೆ. ಈರುಳ್ಳಿಯನ್ನು ರುಬ್ಬಿ ಅದರ ರಸ ತೆಗೆದು ಅದನ್ನು ತಲೆಗೆ ಹಚ್ಚಿ 15 ನಿಮಿಷ ಬಿಡಬೇಕು. ನಂತರ ಶ್ಯಾಂಪೂ ಹಚ್ಚಿ ತಲೆ ತೊಳೆಯಬೇಕು. ಈ ರೀತಿ ಮಾಡುತ್ತಿದ್ದರೆ ಕೂದಲು ಉದುರುವುದು ಕಡಿಮೆಯಾಗಿರುವುದು ಕೆಲವೇ ವಾರಗಳಲ್ಲಿ ನಿಮ್ಮ ಗಮನಕ್ಕೆ ಬರುವುದು.
5. ಗೆರಾನಿಯಮ್ ಎಣ್ಣೆ
ಗೆರಾನಿಯಮ್ ಎಣ್ಣೆ ಕೂದ ಕೂದಲಿನ ಬೆಳವಣಿಗೆಗೆ ಸಹಕಾರಿ. ನೀವು ತಲೆಗೆ ಬಳಸುವ ಎಣ್ಣೆಗೆ 4-5 ಹನಿ ಗೆರಾನಿಯಮ್ ಎಣ್ಣೆ ಹಾಕಿ ಮಿಶ್ರ ಮಾಡಿ, ಇದರಿಂದ ತಲೆಗೆ ಮಸಾಜ್ ಮಾಡಿ. ಗೆರಾನಿಯಮ್ ಕೂದಲನ್ನು ಬಲ ಪಡಿಸುತ್ತದೆ ಹಾಗೂ ಹೊಸ ಕೂದಲು ಹುಟ್ಟಲು ಸಹಕರಿಯಾಗಿದೆ.
6. ನಿಂಬೆ ಹಣ್ಣು ಅಥವಾ ಲೆಮನ್ ಆಯಿಲ್
ನೀವೂ ಕೂದಲಿನ ಪೋಷಣೆಗೆ ತಾಜಾ ನಿಂಬೆ ಹಣ್ಣು ಬಳಸಬಹುದು ಅಥವಾ ಲೆಮನ್ ಆಯಿಲ್ ಕೂಡ ಬಳಸಬಹುದು. ನಿಂಬೆ ಹಣ್ಣಿನ ರಸವನ್ನು ತಲೆಸ್ನಾನ 15 ನಿಮಿಷ ಮುಂಚೆ ತಲೆಗೆ ಹಚ್ಚಿ ನಂತರ ತಲೆ ಸ್ನಾನ ಮಾಡಿ. ಈ ರೀತಿ ಮಾಡುವುದರಿಂದ ಕೂದಲಿನ ಬುಡ ಸ್ವಚ್ಛವಾಗಿರುತ್ತದೆ ಹಾಗೂ ತಲೆಹೊಟ್ಟಿನ ಸಮಸ್ಯೆಯೂ ಇರುವುದಿಲ್ಲ. ಅಲ್ಲದೆ ನಿಂಬೆರಸ ಹಚ್ಚಿ ತಲೆಸ್ನಾನ ಮಾಡಿದರೆ ಕೂದಲು ಕೂಡ ಮಂದವಾಗಿ ಕಾಣುವುದು.
7. ರೋಸೆಮರಿ ಆಯಿಲ್
ರೋಸೆಮೆರಿ ಎಣ್ಣೆ ಕೂಡ ಕೂದಲಿನ ಪೋಷಣೆಗೆ ತುಂಬಾನೇ ಸಹಕಾರಿ. ಆದರೆ ಇದನ್ನು ನೇರವಾಗಿ ಬಳಸಬಾರದು. ಬದಲಿಗೆ ತಲೆಗೆ ಹಚ್ಚುವ ಎಣ್ಣೆಗೆ ಇದರ ಕೆಲವು ಹನಿ ಹಾಕಿ ಮಿಶ್ರ ಮಾಡಿ ಬಳಸಬೇಕು. ಈ ಎಣ್ಣೆಯ ಮಿಶ್ರವನ್ನು ವಾರದಲ್ಲಿ 2-3 ಬಾರಿ ಹಚ್ಚಬೇಕು. ಅಲ್ಲದೆ ತಲೆಗೆ ಹಚ್ಚುವ ಶ್ಯಾಂಪೂ ಹಾಗೂ ಕಂಡೀಷನರ್ ಜೊತೆಯೂ ಈ ಎಣ್ಣೆ ಮಿಶ್ರ ಮಾಡಿದರೆ ಕೂದಲು ಉದುರುವುದು ಕಡಿಮೆಯಾಗುವುದು ಅಲ್ಲದೆ ಹೊಸ ಕೂದಲು ಹುಟ್ಟಿ ಕೂದಲು ತುಂಬಾ ಮಂದವಾಗುವುದು.
ಸಲಹೆ:
ಕೂದಲು ಉದುರುತ್ತಿದ್ದರೆ ಎಲ್ಲಾ ಬಗೆಯ ವಿಧಾನಗಳನ್ನು ಟ್ರೈ ಮಾಡಲು ಹೋಗಬೇಡಿ, ಇದರಿಂದ ಪ್ರಯೋಜನವಿಲ್ಲ. ಯಾವುದಾದರು ಒಂದು ವಿಧಾನ ಪ್ರಯತ್ನಿಸಿ. ಅದನ್ನು ನಿಯಮಿತವಾಗಿ ಮಾಡುತ್ತಾ ಬನ್ನಿ, ಕೆಲವು ತಿಂಗಳಿನಲ್ಲಿ ಫಲಿತಾಂಶ ದೊರೆಯುವುದು.
ಇನ್ನು ಕೂದಲು ಉದುರುವುದನ್ನು ತಡೆಗಟ್ಟಲು ಬಾಹ್ಯ ಪೋಷಣೆ ಮಾತ್ರ ಸಾಲದು, ಕೂದಲನ್ನು ಆಂತರಿಕವಾಗಿಯೂ ಪೋಷಣೆ ಮಾಡಬೇಕು. ಅದಕ್ಕೆ ಆರೋಗ್ಯಕರ ಆಹಾರ ಸೇವನೆ ಮಾಡಬೇಕು.
ಏನು ಮಾಡಿದರೂ ಕೂದಲು ಉದುರುವುದು ಕಡಿಮೆಯಾಗದಿದ್ದರೆ ಹಾರ್ಮೋನ್ ಅಥವಾ ಮತ್ತಿತರ ದೈಹಿಕ ಸಮಸ್ಯೆ ಇರಬಹುದು, ವೈದ್ಯರನ್ನು ಭೇಟಿಯಾಗಿ ಚಿಕಿತ್ಸೆ ಪಡೆಯಿರಿ.