ತಲೆ ತುರಿಕೆಗೆ ಕಾರಣವಾಗುವ ತಲೆಹೊಟ್ಟಿಗೆ ಫಲಪ್ರದ ಮನೆಮದ್ದು

ಲೋಳೆಸರ (Aloe Vera)

ಲೋಳೆಸರದ ಈಗತಾನೇ ಮುರಿದ ಕೋಡೊಂದನ್ನು ಜಜ್ಜಿ ರಸ ಹಿಂಡಿಕೊಳ್ಳಿ. ಈ ರಸವನ್ನು ನೇರವಾಗಿ ತಲೆಗೆ ಹಚ್ಚಿಕೊಂಡು ನಯವಾಗಿ ಮಸಾಜ್ ಮಾಡುತ್ತಾ ಇಡಿಯ ತಲೆಯನ್ನು ಆವರಿಸಿ. ನಂತರ ಇದನ್ನು ಒಣಗಲು ಬಿಡಿ (ಈ ಹೊತ್ತಿನಲ್ಲಿ ಬಿಸಿಲಿಗೆ ಹೋಗಬಾರದು). ಹದಿನೈದು ನಿಮಿಷಗಳ ಬಳಿಕ ತಣ್ಣನೆಯ ಅಥವಾ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ತಲೆಬಾಗಿಸಿ ಸುರಿಯುವ ನೀರು ಕುತ್ತಿಗೆಯ ಹಿಂಬದಿಯಿಂದ ನೆತ್ತಿಯ ಮೂಲಕ ಇಳಿಯುವಂತೆ ಮಾಡಿದರೆ ಉತ್ತಮ (ಮೂಗಿನಲ್ಲಿ ನೀರು ಹೋಗದಂತೆ ಜಾಗ್ರತೆ ವಹಿಸಿ). ಸೋಪು, ಶಾಂಪೂ ಉಪಯೋಗ ಬೇಡ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಲೋಳೆಸರ (Aloe Vera)

ನಂತರ ದಪ್ಪ ಟವೆಲ್ಲಿನಿಂದ ಒತ್ತಿ ಒರೆಸಿಕೊಳ್ಳಿ. ಪೂರ್ಣವಾಗಿ ಒಣಗಿದ ಬಳಿಕವೇ ತಲೆಬಾಚಿ. ತಲೆಹೊಟ್ಟು ಸಡಿಲವಾಗಿ ಬಾಚಣಿಗೆಯಲ್ಲಿ ಬರುತ್ತದೆ. ಪೂರ್ಣವಾಗಿ ಬರದಿದ್ದರೆ ಚಿಂತೆ ಬೇಡ, ಮುಂದಿನ ದಿನಗಳ ಸ್ನಾನದಲ್ಲಿ ತನ್ನಿಂತಾನೇ ಹೋಗುತ್ತದೆ. ಈ ವಿಧಾನವನ್ನು ತಿಂಗಳಿಗೊಂದು ಬಾರಿ ಮಾತ್ರ ಅನುಸರಿಸಿ.

ಸೇಬಿನ ಶಿರ್ಕಾ (Apple Cider Vinegar) ಬಳಸಿ

ನಿಮ್ಮ ಕೂದಲನ್ನು ಮೊದಲು ತಣ್ಣೀರಿನಿಂದ ಒದ್ದೆಮಾಡಿ ಆ ಬಳಿಕ ಕೊಂಚ ಸೇಬಿನ ಶಿರ್ಕಾವನ್ನು ಶಾಂಪೂವಿನಂತೆ ಬಳಸಿ ಮಸಾಜ್ ಮಾಡಿ ಸುಮಾರು ಐದರಿಂದ ಹತ್ತು ನಿಮಿಷದ ಬಳಿಕ ಸೌಮ್ಯ ಶಾಂಪೂವಿನಿಂದ ತೊಳೆದುಕೊಳ್ಳಿ.

ಸೀಗೆಪುಡಿ ಬಳಸಿ

ಸೀಗೆ ಅಥವಾ ಶಿಕಾಕಾಯಿ ಪೌಡರ್ ಎಂದು ದೊರಕುವ ಪುಡಿಯನ್ನು ನೀರಿನೊಂದಿಗೆ ಮಿಶ್ರಣ ಮಾಡಿ ಲೇಪನ ತಯಾರಿಸಿ. ಈ ಲೇಪನವನ್ನು ತಲೆಗೆ ಹಚ್ಚಿ ಒಣಗಿದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಸೀಗೆಪುಡಿ ತಲೆಹೊಟ್ಟನ್ನು ನಿವರಿಸುವ ಜೊತೆ ಕೂದಲಿಗೆ ಕಾಂತಿಯನ್ನೂ ನೀಡುತ್ತದೆ.

ಮೊಟ್ಟೆಯ ಬಿಳಿಭಾಗ ಮತ್ತು ಲಿಂಬೆ ಸೇರಿಸಿ

ಎರಡು ಮೊಟ್ಟೆಗಳ ಬಿಳಿಭಾಗ ಮತ್ತು ಒಂದು ಚಿಕ್ಕ ಲಿಂಬೆ (ದೊಡ್ಡದಾದರೆ ಅರ್ಧ) ರಸ ಸೇರಿಸಿ ಲೇಪನ ತಯಾರಿಸಿ. ಮೊದಲು ಕೂದಲನ್ನು ತಣ್ಣ್ರೀರಿನಿಂದ ನೆನೆಸಿ ಒದ್ದೆಯಾಗಿಸಿ. ಬಳಿಕ ಈ ಲೇಪನವನ್ನು ಹಚ್ಚಿ ಅರ್ಧ ಗಂಟೆ ಕಾಲ ಹವೆಗೆ ಒಣಗುವಂತೆ ಮಾಡಿ. ಫ್ಯಾನ್ ಗಾಳಿಗೆ ಒಡ್ಡುವುದು ಉತ್ತಮ ಅರ್ಧ ಗಂಟೆಯ ಬಳಿಕ ಇದು ಗಟ್ಟಿಯಾದ ಅಟ್ಟೆಯಂತಾಗಿರುತ್ತದೆ.

ಮೊಟ್ಟೆಯ ಬಿಳಿಭಾಗ ಮತ್ತು ಲಿಂಬೆ ಸೇರಿಸಿ

ನಂತರ ಸುರಿಯುವ ತಣ್ಣೀರಿಗೆ ಒಡ್ಡಿ ನಿಧಾನವಾಗಿ ಸುಕ್ಕು ಬಿಡಿಸುತ್ತಾ ಬನ್ನಿ. ತಲೆಹೊಟ್ಟು ಒಂದೇ ತೊಳೆಯುವಿಕೆಯಲ್ಲಿ ಬಹಳಷ್ಟು ಮಾಯವಾಗಿರುತ್ತದೆ. ಈ ವಿಧಾನವನ್ನೂ ತಿಂಗಳಿಗೆ ಒಂದು ಬಾರಿ ಮಾತ್ರ ಅನುಸರಿಸಿ.