ಸೀಗೆಕಾಯಿ ಈ ರೀತಿ ಬಳಸಿದರೆ ಹೆಚ್ಚು ಪರಿಣಾಮಕಾರಿ

Hair Care

oi-Reena

By Hema S

Updated: Wednesday, May 15, 2013, 12:51 [IST]

ಸೀಗೆಕಾಯಿಯನ್ನು ತಲೆ ತೊಳೆಯಲು ಬಳಸುವುದರಿಂದ ತಲೆ ಹೊಟ್ಟಿನ ಸಮಸ್ಯೆ ಇರುವುದಿಲ್ಲ, ಕೂದಲು ಉದುರುವ ಸಮಸ್ಯೆ ಕಡಿಮೆಯಾಗಿ, ಕೂದಲು ಸೊಂಪಾಗಿ ಬೆಳೆಯುತ್ತದೆ ಅನ್ನುವುದರಲ್ಲಿ ಎರಡು ಮಾತಿಲ್ಲ.

ಸೀಗೆಕಾಯಿಯನ್ನು ಒಣಗಿಸಿ ಅದರ ಪುಡಿಯನ್ನು ತಲೆ ಶುಚಿಗೆ ಬಳಸಲಾಗುವುದು ಎಂದು ಎಲ್ಲರಿಗೂ ಗೊತ್ತು. ಆದರೆ ಸೀಗೆಕಾಯಿ ಪುಡಿಯನ್ನು ಈ ಕೆಳಗಿನಂತೆ ಬಳಸಿದರೆ ಹೆಚ್ಚು ಪರಿಣಾಮಕಾರಿ ಅನ್ನುವುದು ಬೋಲ್ಡ್ ಸ್ಕೈಯ ಆಪ್ತ ಸಲಹೆ:

* ಒಂದು ಲೀಟರ್ ತೆಂಗಿನ ಎಣ್ಣೆಯನ್ನು ಕುದಿಸಿ ಉರಿಯಿಂದ ಇಳಿಸಿ 1 ಕಪ್ ಸೀಗೆಕಾಯಿ ಪುಡಿ, ಅರ್ಧ ಕಪ್ ನೆಲ್ಲಿಕಾಯಿ ಪುಡಿ ಹಾಕಿ ಚೆನ್ನಾಗಿ ಕಲೆಸಿ 24 ಗಂಟೆಗಳ ಕಾಲ ಇಡಿ. ನಂತರ ಎಣ್ಣೆಯನ್ನು ಚೆನ್ನಾಗಿ ಮಿಕ್ಸ್ ಮಾಡಿ ಮತ್ತೆ ಕುದಿಸಿ. ನಂತರ ಈ ಎಣ್ಣೆಯ ಮಿಶ್ರಣವನ್ನು ತಲೆಗೆ ಹಚ್ಚಿ 15 ನಿಮಿಷದ ಬಳಿಕ ತಲೆ ತೊಳೆಯಿರಿ.

* ಸೀಗೆಕಾಯಿ ಪುಡಿಯನ್ನು ಮೊಟ್ಟೆಯ ಬಿಳಿ ಜೊತೆ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಲೆ ತೊಳೆದು ನಂತರ ಕೂದಲನ್ನು ಒಣಗಿಸಿದರೆ ಕೂದಲು ತುಂಬಾ ಮೃದುವಾಗಿರುವುದು ನಿಮ್ಮ ಗಮನಕ್ಕೆ ಬರುವುದು.

* ದಾಸವಾಳ ಎಲೆಯನ್ನು ಪೇಸ್ಟ್ ಮಾಡಿ ಅದಕ್ಕೆ 3 ಚಮಚ ಸೀಗೆ ಕಾಯಿ ಪುಡಿ, 3 ಚಮಚ ಮದರಂಗಿ ಪುಡಿ (ಮದರಂಗಿ ಎಲೆಯನ್ನು ಒಣಗಿಸಿ ಮಾಡಿದ ಪುಡಿ) ಹಾಕಿ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಮೃದು ಶ್ಯಾಂಪೂ ಹಾಕಿ ತಲೆ ತೊಳೆದರೆ ಕೂದಲಿಗೆ ತುಂಬಾ ಒಳ್ಳೆಯದು.

* ಮೆಂತೆಯನ್ನು ನೆನೆ ಹಾಕಿ ಅದನ್ನು ಪೇಸ್ಟ್ ರೀತಿ ಮಾಡಿ, ಅದಕ್ಕೆ ಸೀಗೆಕಾಯಿ ಮತ್ತು ಆಮ್ಲ ಪುಡಿ ಹಾಕಿ ಮಿಕ್ಸ್ ಮಾಡಿ, ಬೇಕಿದ್ದರೆ ಒಂದು ಮೊಟ್ಟೆಯ ಬಿಳಿ ಹಾಕಿ ತಲೆಗೆ ಹಚ್ಚಬಹುದು.

* ಸೀಗೆಕಾಯಿ, ಅಂಟ್ವಾಳ, ಅಗಸದೆ ಬೀಜ, ದಾಸಾವಾಳ ಎಲೆ ಇವುಗಳನ್ನು ಅರ್ಧ ಲೀಟರ್ ನೀರಿಗೆ ಹಾಕಿ ಚೆನ್ನಾಗಿ ಕುದಿಸಿ, ಶ್ಯಾಂಪೂ ರೀತಿ ಕೂಡ ಬಳಸಬಹುದು.