ಹಲ್ಲುಗಳು ಬೆಳ್ಳಗೆ ಕಾಣಲು ಮತ್ತು ಪಳಪಳನೆ ಹೊಳೆಯಲು ಇಲ್ಲಿವೆ 7 ನೈಸರ್ಗಿಕ ಆಹಾರಗಳು

ರೆಡ್ ಬೆಲ್ ಪೆಪ್ಪರ್ ಅಂದರೆ ಕೆಂಪು ದೊಣ್ಣೆ ಮೆಣಸಿನಕಾಯಿ

ಕೆಂಪು ದೊಣ್ಣೆ ಮೆಣಸಿನಕಾಯಿಯಲ್ಲಿ ವಿಟಮಿನ್ ' ಸಿ ' ಹೇರಳವಾಗಿದೆ . ಇದು ಹಲ್ಲುಗಳು ಮತ್ತು ವಸಡು ಗಟ್ಟಿ ಮುಟ್ಟಾಗುವುದಕ್ಕೆ ಸಹಾಯ ಮಾಡುತ್ತದೆ . ವಿಟಮಿನ್ ' ಸಿ ' ಕೊಲ್ಲಾಜೆನ್ ಎಂಬ ಅಂಶವನ್ನು ಉತ್ಪಾದನೆ ಮಾಡುತ್ತದೆ . ಇದು ಹಲ್ಲುಗಳ ಸುತ್ತ ವಸಡನ್ನು ಭದ್ರ ಪಡಿಸುತ್ತದೆ . ಕೆಲವೊಂದು ವರದಿಗಳ ಪ್ರಕಾರ ವಿಟಮಿನ್ ' ಸಿ ' ದೇಹಕ್ಕೆ ಕಡಿಮೆ ಸೇರಿದರೆ ಆಗಾಗ ಬಾಯಿಯ ದುರ್ವಾಸನೆ ಮತ್ತು ವಸಡಿನ ಸಮಸ್ಯೆಗಳಿಗೆ ಕಾರಣವಾಗುತ್ತದೆ . ಆದ್ದರಿಂದ ಹಲ್ಲುಗಳ ಆರೋಗ್ಯ ಕಾಪಾಡಿಕೊಳ್ಳಬೇಕೆಂದರೆ ವಿಟಮಿನ್ ' ಸಿ ' ಇರುವ ಆಹಾರಗಳನ್ನು ಸೇವಿಸುವುದು ಬಹಳ ಒಳ್ಳೆಯದು .

ಡೈರಿ ಉತ್ಪನ್ನಗಳು

ಹಾಲು , ಮೊಸರು , ಬೆಣ್ಣೆ , ತುಪ್ಪ ಎಲ್ಲವೂ ಕ್ಯಾಲ್ಸಿಯಂ , ಫೋಸ್ಫೋರಸ್ಸ್ ಮತ್ತು ಕ್ಯಾಸೆಯಿನ್ ಪ್ರೋಟೀನ್ ಅಂಶಗಳಲ್ಲಿ ಮೇರು ಗೈ . ಇವೆಲ್ಲಾ ಅಂಶಗಳು ಹಲ್ಲುಗಳ ಎನಾಮೆಲ್ ಅನ್ನು ಗಟ್ಟಿ ಗೊಳಿಸಿ ಹಲ್ಲುಗಳನ್ನು ಒಳಗಿಂದಲೇ ಬಲಪಡಿಸುತ್ತವೆ . ಆದ್ದರಿಂದ ಡೈರಿ ಉತ್ಪನ್ನಗಳನ್ನು ಕಡೆ ಗಣಿಸಬೇಡಿ .

ಸ್ಟ್ರಾಬೆರಿ ಹಣ್ಣುಗಳು

ಸ್ಟ್ರಾಬೆರಿ ಹಣ್ಣುಗಳ ರಸ ಬಟ್ಟೆಗಳ ಮೇಲೆ ಬಿದ್ದರೆ ಕೆಂಪಾದ ಕರೆ ಹಿಡಿದುಕೊಳ್ಳುತ್ತದೆ . ಆದರೆ ಹಲ್ಲುಗಳ ಮೇಲೆ ಅದೇ ರಸ ಬಿದ್ದರೆ ಹಲ್ಲುಗಳು ಸ್ವಚ್ಛವಾಗಿ ಬೆಳ್ಳಗೆ ಪಳಪಳನೆ ಹೊಳೆಯುವಂತೆ ಕಾಣುತ್ತವೆ . ಇದಕ್ಕೆ ಕಾರಣ ಅವುಗಳಲ್ಲಿರುವ " ಮ್ಯಾಲಿಕ್ ಆಸಿಡ್ " ನ ಅಂಶ . ಇದು ಕೇವಲ ಹಲ್ಲುಗಳ ಹೊಳಪನ್ನು ವಾಪಾಸ್ ತಂದು ಕೊಡುವುದಲ್ಲದೆ ಹಲ್ಲುಗಳ ಆರೋಗ್ಯ ಕಾಪಾಡುತ್ತದೆ .

ಕಿತ್ತಳೆ ಹಣ್ಣು ಮತ್ತು ಪೈನ್ ಆಪಲ್ ಹಣ್ಣು

ಸಿಟ್ರಿಕ್ ಆಸಿಡ್ ಅಂಶ ಕರೆಗಟ್ಟಿದ ಕಲೆಗಳನ್ನು ತೆಗೆಯುವುದರಲ್ಲಿ ಸದಾ ಮುಂದಿದೆ ಎಂದು ನಮಗೆಲ್ಲಾ ಗೊತ್ತೇ ಇದೆ . ಇದು ನಮ್ಮ ಹಳದಿ ಕರೆಯ ಹಲ್ಲುಗಳಿಗೂ ಅನ್ವಯಿಸುತ್ತದೆ ಎಂದರೆ ಆಶ್ಚರ್ಯ ಪಡಬೇಕಾಗಿಲ್ಲ. ನೈಸರ್ಗಿಕವಾಗಿ ಈ ಹಣ್ಣುಗಳಿಗೆ ಈ ರೀತಿಯ ಗುಣ ಲಕ್ಷಣಗಳಿದ್ದು ಹಲ್ಲುಗಳ ಮದ್ಯೆಯಲ್ಲಿ ಮತ್ತು ಹಲ್ಲುಗಳ ಮೇಲೆ ಕುಳಿತಿರುವ ಪ್ಲೇಕ್ ಅನ್ನು ಸಹ ಕ್ಲೀನ್ ಮಾಡುತ್ತದೆ .

ಆಪಲ್ ಅಥವಾ ಸೇಬು ಹಣ್ಣು

ದಿನಕ್ಕೊಂದು ಸೇಬು ನಮ್ಮ ದೇಹವನ್ನು ವೈದ್ಯರ ಆಸ್ಪತ್ರೆಯಿಂದ ದೂರವಿಡುವುದರಲ್ಲಿ ಯಾವುದೇ ಅನುಮಾನವಿಲ್ಲ . ನಮ್ಮ ಹೃದಯದಿಂದ ಹಿಡಿದು ಸಂಪೂರ್ಣ ದೇಹದ ಆರೋಗ್ಯದ ಜವಾಬ್ದಾರಿಯನ್ನು ಸೇಬು ವಹಿಸುತ್ತದೆ . ಸಂಪೂರ್ಣ ದೇಹದ ಆರೋಗ್ಯದಲ್ಲಿ ನಮ್ಮ ಹಲ್ಲುಗಳ ರಕ್ಷಣೆಯೂ ಸೇರಿದೆ . ಸೇಬು ಹಣ್ಣು ತಿನ್ನುವುದರಿಂದ ನಮ್ಮ ಬಾಯಿಯ ದುರ್ಗಂಧ ದೂರಾವಾಗಿ , ಹಲ್ಲುಗಳ ಮದ್ಯೆ ಸಿಕ್ಕಿ ಹಾಕಿ ಕೊಂಡಿರುವ ಕೆಲವೊಂದು ಇತರ ಆಹಾರ ಪದಾರ್ಥಗಳನ್ನು ಯಶಸ್ವಿಯಾಗಿ ತೆಗೆಯುತ್ತದೆ . ಇದರಿಂದ ನಮ್ಮ ಹಲ್ಲುಗಳ ಮದ್ಯೆ ಸಂಧುಗಳು ಏರ್ಪಾಡಾಗುವುದು ನಿವಾರಣೆಯಾಗುತ್ತದೆ . ಹಲ್ಲುಗಳು ಮತ್ತು ವಸಡುಗಳು ಗಟ್ಟಿಗೊಳ್ಳುತ್ತವೆ .

ಅಡುಗೆ ಸೋಡಾ

ಅಡುಗೆ ಸೋಡಾ ಪ್ರತಿಯೊಬ್ಬರ ಮನೆಯಲ್ಲೂ ಇದ್ದೇ ಇರುತ್ತದೆ . ಅಡುಗೆ ಸೋಡಾ ಹಲ್ಲುಗಳ ಪಾಲಿಗೆ ಬ್ಲೀಚಿಂಗ್ ಏಜೆಂಟ್ ಆಗಿ ಕೆಲಸ ಮಾಡುತ್ತದೆ . ಇದು ಹಲ್ಲುಗಳ ಮೇಲೆ ಮೂಡಿರುವ ಕಲೆಗಳನ್ನು ತೆಗೆದು ಹಲ್ಲುಗಳ ಹೊಳಪನ್ನು ಮರಳಿ ಕೊಡುತ್ತದೆ . ನೀವು ಪ್ರತಿ ದಿನ ಬೆಳಗ್ಗೆ ಹಲ್ಲುಜ್ಜುವಾಗ ಸ್ವಲ್ಪ ಟೂತ್ ಪೇಸ್ಟ್ ನ ಜೊತೆಗೆ ಅಡುಗೆ ಸೋಡಾ ಸೇರಿಸಿ ಹಲ್ಲುಜ್ಜಿದರೆ ಮುಂದೆ ಎದುರಾಗುವ ಹಲ್ಲುಗಳ ಸಮಸ್ಯೆಯಿಂದ ಸಹ ದೂರಾಗಬಹುದು .

ಬ್ರೊಕೋಲಿ

ಬ್ರೊಕೋಲಿಯಲ್ಲಿ ಹೆಚ್ಚು ಫೈಬರ್ ನ ಅಂಶ ಇದ್ದು ಅನೇಕ ಪೋಷಕಾಂಶಗಳನ್ನು ಹೊಂದಿದೆ . ಬ್ರೊಕೋಲಿ ಉರಿಯೂತ ಅಂದರೆ ಇಂಪ್ಲಾ ಮೇಷನ್ ಅನ್ನು ಕಡಿಮೆ ಮಾಡುತ್ತದೆ . ಬ್ರೊಕೋಲಿ ತಿನ್ನುವುದರಿಂದ ನಮ್ಮ ಹಲ್ಲುಗಳಿಗೆ ಪೋಲಿಷ್ ಮಾಡುತ್ತದೆ ಮತ್ತು ಬಾಯಿಯಲ್ಲಿ ಬ್ಯಾಕ್ಟೀರಿಯಾ ಗಳನ್ನು ಬೆಳೆಯದಂತೆ ತಡೆಯುತ್ತದೆ .

ವಿಶೇಷ ಸೂಚನೆ ಈ ಲೇಖನ ನಮಗೆ ತಿಳಿದ ಮಟ್ಟಿಗೆ ಸಲಹೆಗಳಲ್ಲಿ ಸರಿಯಿದ್ದು ಯಾವುದೇ ಅನುಮಾನಗಳಿದ್ದರೆ ತಕ್ಷಣ ತಜ್ಞರನ್ನು ಸಂಪರ್ಕಿಸಲು ಕೋರಿದೆ.