For Quick Alerts
ALLOW NOTIFICATIONS  
For Daily Alerts

ಹಲ್ಲುಗಳು ಬೆಳ್ಳಗೆ ಕಾಣಲು ಮತ್ತು ಪಳಪಳನೆ ಹೊಳೆಯಲು ಇಲ್ಲಿವೆ 7 ನೈಸರ್ಗಿಕ ಆಹಾರಗಳು

|

ಮುಖದ ಅಂದ ಚೆನ್ನಾಗಿ ಕಾಣುವುದೇ ಬಾಯೊಳಗಿನ ಹಲ್ಲುಗಳಿಂದ. ಹಲ್ಲುಗಳು ಬಿದ್ದು ಹೋದರೆ ಬಾಯಿ ಬೊಚ್ಚ ಬಾಯಿ ಯಂತೆ ಕಾಣುತ್ತದೆ . ಇದರಿಂದ ಮುಖವನ್ನು ಕೂಡ ನೋಡುವುದಕ್ಕೆ ಆಗುವುದಿಲ್ಲ. ಮುಖದ ಅಂದ ಕೆಟ್ಟು ಹೋಗುತ್ತದೆ . 6 ತಿಂಗಳ ಮಗುವಿನಿಂದ ಶುರುವಾದ ನಮ್ಮ ಹಲ್ಲುಗಳು ನಾವು ಸಾಯುವವರೆಗೂ ನಮ್ಮ ಜೊತೆ ಇರುತ್ತವೆ. ನಮ್ಮ ಆಹಾರ ಗಳನ್ನು ಜಿಗಿದು ಹೊಟ್ಟೆಗೆ ಹಾಕುವುದಕ್ಕೆ

ಸಹಾಯ ಮಾಡುತ್ತವೆ . ಮಕ್ಕಳ ಹಲ್ಲುಗಳನ್ನು ದಾಳಿಂಬೆ ಹಣ್ಣಿನ ಬೀಜಗಳಿಗೆ ಹೋಲಿಸಲಾಗಿದೆ . ಏಕೆಂದರೆ ಅದು ಚೆನ್ನಾಗಿ ಅವರ ಬಾಯಿಯ ವಸಡಿನ ಜೊತೆಗೆ ಜೋಡಿಸಲ್ಪಟ್ಟಿರುತ್ತವೆ. ಮತ್ತು ಬೆಳ್ಳಗೆ ಹೊಳೆಯುತ್ತಿರುತ್ತವೆ ಕೂಡ . ಅವುಗಳನ್ನು ನೋಡಿ ಕೆಲವರು ಹಾಲಿನಂತ ಹಲ್ಲುಗಳು ಎಂದು ಖುಷಿ ಪಡುತ್ತಾರೆ. ಹಾಗಾದರೆ ದೊಡ್ಡವರಾಗುತ್ತಾ ಹೋದಂತೆ ಹಲ್ಲುಗಳು ಏಕೆ ವಕ್ರವಾಗುತ್ತವೆ? ಅವುಗಳ ಬಣ್ಣ ಮಕ್ಕಳಾಗಿದ್ದಾಗ ಇದ್ದ ಬಣ್ಣಕ್ಕಿಂತ ಏಕೆ ಮಾಸಿ ಹೋಗಿರುತ್ತದೆ? ಆ ಹೊಳಪು ಇಂದೇಕೆ ನಮ್ಮ ಹಲ್ಲಿಗಿಲ್ಲ ಎಂದು ಆಶ್ಚರ್ಯ ವ್ಯಕ್ತಪಡಿಸುತ್ತೇವೆ. ಅಲ್ಲವೇ ? ಅದಕ್ಕೆ ಕಾರಣ ನಾವುಗಳೇ . ಮಗುವಾಗಿದ್ದಾಗ ಕೇವಲ ಹಾಲು ಕುಡಿಯುತ್ತಿದ್ದ ನಮ್ಮ ಬಾಯಿ ಮತ್ತು ನಮ್ಮ ಹಲ್ಲುಗಳು ದಿನ ಕಳೆದಂತೆ ಗಟ್ಟಿ ಪದಾರ್ಥಗಳನ್ನು ಜಿಗಿಯಲು ಪ್ರಾರಂಭ ಮಾಡುತ್ತವೆ .

ಜೊತೆಗೆ ದಿನ ಕಳೆದಂತೆ ತರಾವರಿ ಆಹಾರಗಳನ್ನು ತಿನ್ನಲು ಇಷ್ಟ ಪಡುತ್ತೇವೆ . ಕೆಲವೊಂದು ಬಾರಿ ಆಹಾರ ಸೇವಿಸಿದ ಮೇಲೆ ಹಲ್ಲುಜ್ಜುವುದನ್ನು ಮರೆತು ಬಿಡುತ್ತೇವೆ . ಎಣ್ಣೆಯಲ್ಲಿ ಕರಿದ ತಿಂಡಿ , ಜಿಡ್ಡು ಪದಾರ್ಥ ಹಲ್ಲುಗಳ ಮೇಲೆ ಒಂದು ರೀತಿಯ ಪದರವನ್ನು ಉಂಟು ಮಾಡುತ್ತವೆ . ಆಗ ನಮ್ಮ ಹಲ್ಲುಗಳು ಕರೆಗಟ್ಟುತ್ತವೆ . ಹೇಗೆ ನಾವು ಅಡುಗೆ ಮಾಡಿದ ಪಾತ್ರೆಯನ್ನು ಅಡುಗೆ ಖಾಲಿಯಾದ ಬಳಿಕ ಸಾಬೂನಿನಲ್ಲಿ ಸ್ವಚ್ಛವಾಗಿ ತೊಳೆದು ಇಡುತ್ತೇವೆಯೋ , ಅದೇ ತರಹ ನಮ್ಮ ಹಲ್ಲುಗಳನ್ನು ಅಷ್ಟೇ ಸ್ವಚ್ಛವಾಗಿ ಇಟ್ಟುಕೊಳ್ಳುವುದು ನಮ್ಮ ಕರ್ತವ್ಯ . ಹಲ್ಲುಗಳ ಸ್ವಚ್ಛತೆಯನ್ನು ಕಾಪಾಡಿದಷ್ಟು ನಮಗೆ ಅನುಕೂಲ. ಬಾಯಿಗೆ ಸಂಬಂಧ ಪಟ್ಟ ಯಾವುದೇ ರೋಗ ರುಜಿನಗಳು ನಮಗೆ ಅಂಟಿಕೊಳ್ಳುವುದಿಲ್ಲ . ಹಲ್ಲುಗಳು ನೋಡಲು ಅಂದವಾಗಿ ಕಾಣುತ್ತವೆ .

ನಾವು ಯಾರ ಬಳಿಯಾದರೂ ಮಾತನಾಡಿದರೆ ನಗುನಗುತ್ತಾ ಮಾತನಾಡುತ್ತೇವೆ . ಆಗ ಎದುರಿಗಿರುವವರು ಮೊದಲು ಗಮನಿಸುವುದೇ ನಮ್ಮ ಹಲ್ಲುಗಳನ್ನು . ಅಪ್ಪಿ ತಪ್ಪಿ ನಮ್ಮ ಹಲ್ಲುಗಳು ಹಳದಿಯಾಗಿದ್ದರೆ ಅಥವಾ ಮಾತನಾಡುವಾಗ ಬಾಯಿಂದ ದುರ್ವಾಸನೆ ಬಂದರೆ ಅವರು ಮಾಡುವ ಕಾಮೆಂಟ್ಸ್ ಗೆ ಕಿವಿ ಗೊಡುವುದೇ ನಮ್ಮ ಕೆಲಸ ಆಗಿಬಿಡುತ್ತದೆ . ಏಕೆಂದರೆ ಹಲ್ಲುಗಳ ಸ್ವಚ್ಛತೆ ನಮ್ಮ ಇಡೀ ದೇಹದ ಸ್ವಚ್ಛತೆಯನ್ನು ಒಂದೇ ಸಾರಿ ಹೇಳಿ ಬಿಡುತ್ತದೆ . ಬಾಯಿಯನ್ನು ಸ್ವಚ್ಛವಾಗಿಡಲು ಕೇವಲ ದಿನಕ್ಕೆ ಎರಡು ಬಾರಿ ಹಲ್ಲುಜ್ಜಿದರೆ ಸಾಲದು , ಹಲ್ಲುಗಳು ಮತ್ತು ವಸಡು ಆರೋಗ್ಯದಿಂದ ಇರಬೇಕು ಎಂದರೆ ಕೆಲವು ಆಹಾರ ಪದ್ದತಿಗಳನ್ನು ರೂಢಿ ಮಾಡಿಕೊಳ್ಳಬೇಕು . ಅದರಲ್ಲಿ ಮೊದಲಿಗೆ ,

ರೆಡ್ ಬೆಲ್ ಪೆಪ್ಪರ್ ಅಂದರೆ ಕೆಂಪು ದೊಣ್ಣೆ ಮೆಣಸಿನಕಾಯಿ

ರೆಡ್ ಬೆಲ್ ಪೆಪ್ಪರ್ ಅಂದರೆ ಕೆಂಪು ದೊಣ್ಣೆ ಮೆಣಸಿನಕಾಯಿ

ಕೆಂಪು ದೊಣ್ಣೆ ಮೆಣಸಿನಕಾಯಿಯಲ್ಲಿ ವಿಟಮಿನ್ ' ಸಿ ' ಹೇರಳವಾಗಿದೆ . ಇದು ಹಲ್ಲುಗಳು ಮತ್ತು ವಸಡು ಗಟ್ಟಿ ಮುಟ್ಟಾಗುವುದಕ್ಕೆ ಸಹಾಯ ಮಾಡುತ್ತದೆ . ವಿಟಮಿನ್ ' ಸಿ ' ಕೊಲ್ಲಾಜೆನ್ ಎಂಬ ಅಂಶವನ್ನು ಉತ್ಪಾದನೆ ಮಾಡುತ್ತದೆ . ಇದು ಹಲ್ಲುಗಳ ಸುತ್ತ ವಸಡನ್ನು ಭದ್ರ ಪಡಿಸುತ್ತದೆ . ಕೆಲವೊಂದು ವರದಿಗಳ ಪ್ರಕಾರ ವಿಟಮಿನ್ ' ಸಿ ' ದೇಹಕ್ಕೆ ಕಡಿಮೆ ಸೇರಿದರೆ ಆಗಾಗ ಬಾಯಿಯ ದುರ್ವಾಸನೆ ಮತ್ತು ವಸಡಿನ ಸಮಸ್ಯೆಗಳಿಗೆ ಕಾರಣವಾಗುತ್ತದೆ . ಆದ್ದರಿಂದ ಹಲ್ಲುಗಳ ಆರೋಗ್ಯ ಕಾಪಾಡಿಕೊಳ್ಳಬೇಕೆಂದರೆ ವಿಟಮಿನ್ ' ಸಿ ' ಇರುವ ಆಹಾರಗಳನ್ನು ಸೇವಿಸುವುದು ಬಹಳ ಒಳ್ಳೆಯದು .

Most Read: ಹಲ್ಲುಗಳು ಹಳದಿಯಾಗಿವೆ ಎಂದು ಕೊರಗಬೇಡಿ,ಬೆಳ್ಳಗಾಗಲು ಹೀಗೆ ಮಾಡಿ...

ಡೈರಿ ಉತ್ಪನ್ನಗಳು

ಡೈರಿ ಉತ್ಪನ್ನಗಳು

ಹಾಲು , ಮೊಸರು , ಬೆಣ್ಣೆ , ತುಪ್ಪ ಎಲ್ಲವೂ ಕ್ಯಾಲ್ಸಿಯಂ , ಫೋಸ್ಫೋರಸ್ಸ್ ಮತ್ತು ಕ್ಯಾಸೆಯಿನ್ ಪ್ರೋಟೀನ್ ಅಂಶಗಳಲ್ಲಿ ಮೇರು ಗೈ . ಇವೆಲ್ಲಾ ಅಂಶಗಳು ಹಲ್ಲುಗಳ ಎನಾಮೆಲ್ ಅನ್ನು ಗಟ್ಟಿ ಗೊಳಿಸಿ ಹಲ್ಲುಗಳನ್ನು ಒಳಗಿಂದಲೇ ಬಲಪಡಿಸುತ್ತವೆ . ಆದ್ದರಿಂದ ಡೈರಿ ಉತ್ಪನ್ನಗಳನ್ನು ಕಡೆ ಗಣಿಸಬೇಡಿ .

ಸ್ಟ್ರಾಬೆರಿ ಹಣ್ಣುಗಳು

ಸ್ಟ್ರಾಬೆರಿ ಹಣ್ಣುಗಳು

ಸ್ಟ್ರಾಬೆರಿ ಹಣ್ಣುಗಳ ರಸ ಬಟ್ಟೆಗಳ ಮೇಲೆ ಬಿದ್ದರೆ ಕೆಂಪಾದ ಕರೆ ಹಿಡಿದುಕೊಳ್ಳುತ್ತದೆ . ಆದರೆ ಹಲ್ಲುಗಳ ಮೇಲೆ ಅದೇ ರಸ ಬಿದ್ದರೆ ಹಲ್ಲುಗಳು ಸ್ವಚ್ಛವಾಗಿ ಬೆಳ್ಳಗೆ ಪಳಪಳನೆ ಹೊಳೆಯುವಂತೆ ಕಾಣುತ್ತವೆ . ಇದಕ್ಕೆ ಕಾರಣ ಅವುಗಳಲ್ಲಿರುವ " ಮ್ಯಾಲಿಕ್ ಆಸಿಡ್ " ನ ಅಂಶ . ಇದು ಕೇವಲ ಹಲ್ಲುಗಳ ಹೊಳಪನ್ನು ವಾಪಾಸ್ ತಂದು ಕೊಡುವುದಲ್ಲದೆ ಹಲ್ಲುಗಳ ಆರೋಗ್ಯ ಕಾಪಾಡುತ್ತದೆ .

ಕಿತ್ತಳೆ ಹಣ್ಣು ಮತ್ತು ಪೈನ್ ಆಪಲ್ ಹಣ್ಣು

ಕಿತ್ತಳೆ ಹಣ್ಣು ಮತ್ತು ಪೈನ್ ಆಪಲ್ ಹಣ್ಣು

ಸಿಟ್ರಿಕ್ ಆಸಿಡ್ ಅಂಶ ಕರೆಗಟ್ಟಿದ ಕಲೆಗಳನ್ನು ತೆಗೆಯುವುದರಲ್ಲಿ ಸದಾ ಮುಂದಿದೆ ಎಂದು ನಮಗೆಲ್ಲಾ ಗೊತ್ತೇ ಇದೆ . ಇದು ನಮ್ಮ ಹಳದಿ ಕರೆಯ ಹಲ್ಲುಗಳಿಗೂ ಅನ್ವಯಿಸುತ್ತದೆ ಎಂದರೆ ಆಶ್ಚರ್ಯ ಪಡಬೇಕಾಗಿಲ್ಲ. ನೈಸರ್ಗಿಕವಾಗಿ ಈ ಹಣ್ಣುಗಳಿಗೆ ಈ ರೀತಿಯ ಗುಣ ಲಕ್ಷಣಗಳಿದ್ದು ಹಲ್ಲುಗಳ ಮದ್ಯೆಯಲ್ಲಿ ಮತ್ತು ಹಲ್ಲುಗಳ ಮೇಲೆ ಕುಳಿತಿರುವ ಪ್ಲೇಕ್ ಅನ್ನು ಸಹ ಕ್ಲೀನ್ ಮಾಡುತ್ತದೆ .

ಆಪಲ್ ಅಥವಾ ಸೇಬು ಹಣ್ಣು

ಆಪಲ್ ಅಥವಾ ಸೇಬು ಹಣ್ಣು

ದಿನಕ್ಕೊಂದು ಸೇಬು ನಮ್ಮ ದೇಹವನ್ನು ವೈದ್ಯರ ಆಸ್ಪತ್ರೆಯಿಂದ ದೂರವಿಡುವುದರಲ್ಲಿ ಯಾವುದೇ ಅನುಮಾನವಿಲ್ಲ . ನಮ್ಮ ಹೃದಯದಿಂದ ಹಿಡಿದು ಸಂಪೂರ್ಣ ದೇಹದ ಆರೋಗ್ಯದ ಜವಾಬ್ದಾರಿಯನ್ನು ಸೇಬು ವಹಿಸುತ್ತದೆ . ಸಂಪೂರ್ಣ ದೇಹದ ಆರೋಗ್ಯದಲ್ಲಿ ನಮ್ಮ ಹಲ್ಲುಗಳ ರಕ್ಷಣೆಯೂ ಸೇರಿದೆ . ಸೇಬು ಹಣ್ಣು ತಿನ್ನುವುದರಿಂದ ನಮ್ಮ ಬಾಯಿಯ ದುರ್ಗಂಧ ದೂರಾವಾಗಿ , ಹಲ್ಲುಗಳ ಮದ್ಯೆ ಸಿಕ್ಕಿ ಹಾಕಿ ಕೊಂಡಿರುವ ಕೆಲವೊಂದು ಇತರ ಆಹಾರ ಪದಾರ್ಥಗಳನ್ನು ಯಶಸ್ವಿಯಾಗಿ ತೆಗೆಯುತ್ತದೆ . ಇದರಿಂದ ನಮ್ಮ ಹಲ್ಲುಗಳ ಮದ್ಯೆ ಸಂಧುಗಳು ಏರ್ಪಾಡಾಗುವುದು ನಿವಾರಣೆಯಾಗುತ್ತದೆ . ಹಲ್ಲುಗಳು ಮತ್ತು ವಸಡುಗಳು ಗಟ್ಟಿಗೊಳ್ಳುತ್ತವೆ .

ಅಡುಗೆ ಸೋಡಾ

ಅಡುಗೆ ಸೋಡಾ

ಅಡುಗೆ ಸೋಡಾ ಪ್ರತಿಯೊಬ್ಬರ ಮನೆಯಲ್ಲೂ ಇದ್ದೇ ಇರುತ್ತದೆ . ಅಡುಗೆ ಸೋಡಾ ಹಲ್ಲುಗಳ ಪಾಲಿಗೆ ಬ್ಲೀಚಿಂಗ್ ಏಜೆಂಟ್ ಆಗಿ ಕೆಲಸ ಮಾಡುತ್ತದೆ . ಇದು ಹಲ್ಲುಗಳ ಮೇಲೆ ಮೂಡಿರುವ ಕಲೆಗಳನ್ನು ತೆಗೆದು ಹಲ್ಲುಗಳ ಹೊಳಪನ್ನು ಮರಳಿ ಕೊಡುತ್ತದೆ . ನೀವು ಪ್ರತಿ ದಿನ ಬೆಳಗ್ಗೆ ಹಲ್ಲುಜ್ಜುವಾಗ ಸ್ವಲ್ಪ ಟೂತ್ ಪೇಸ್ಟ್ ನ ಜೊತೆಗೆ ಅಡುಗೆ ಸೋಡಾ ಸೇರಿಸಿ ಹಲ್ಲುಜ್ಜಿದರೆ ಮುಂದೆ ಎದುರಾಗುವ ಹಲ್ಲುಗಳ ಸಮಸ್ಯೆಯಿಂದ ಸಹ ದೂರಾಗಬಹುದು .

Most Read:ತೆಂಗಿನ ಎಣ್ಣೆಯಿಂದ ಹಲ್ಲು ಉಜ್ಜಿದರೆ- ಹಲ್ಲುಗಳು ಇನ್ನಷ್ಟು ಬೆಳ್ಳಗೆ ಆಗುತ್ತೆ!

ಬ್ರೊಕೋಲಿ

ಬ್ರೊಕೋಲಿ

ಬ್ರೊಕೋಲಿಯಲ್ಲಿ ಹೆಚ್ಚು ಫೈಬರ್ ನ ಅಂಶ ಇದ್ದು ಅನೇಕ ಪೋಷಕಾಂಶಗಳನ್ನು ಹೊಂದಿದೆ . ಬ್ರೊಕೋಲಿ ಉರಿಯೂತ ಅಂದರೆ ಇಂಪ್ಲಾ ಮೇಷನ್ ಅನ್ನು ಕಡಿಮೆ ಮಾಡುತ್ತದೆ . ಬ್ರೊಕೋಲಿ ತಿನ್ನುವುದರಿಂದ ನಮ್ಮ ಹಲ್ಲುಗಳಿಗೆ ಪೋಲಿಷ್ ಮಾಡುತ್ತದೆ ಮತ್ತು ಬಾಯಿಯಲ್ಲಿ ಬ್ಯಾಕ್ಟೀರಿಯಾ ಗಳನ್ನು ಬೆಳೆಯದಂತೆ ತಡೆಯುತ್ತದೆ .

ವಿಶೇಷ ಸೂಚನೆ ಈ ಲೇಖನ ನಮಗೆ ತಿಳಿದ ಮಟ್ಟಿಗೆ ಸಲಹೆಗಳಲ್ಲಿ ಸರಿಯಿದ್ದು ಯಾವುದೇ ಅನುಮಾನಗಳಿದ್ದರೆ ತಕ್ಷಣ ತಜ್ಞರನ್ನು ಸಂಪರ್ಕಿಸಲು ಕೋರಿದೆ.

English summary

Try these 7 food items to whiten your teeth naturally!

Your teeth are the first thing most people notice about you. When you talk, laugh or smile, your teeth are always in the spotlight. It can give an insight into your personal hygiene and can have a major impact in others forming an opinion about you. In such a situation, yellow teeth and bad breath can be very embarrassing. Most of us scrub and floss our teeth twice daily, but it is not enough to maintain good oral health.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more