ಸಂಗಾತಿಯಲ್ಲಿ ಲೈಂಗಿಕ ನಿರಾಸಕ್ತಿ, ಈ ಕಾರಣಗಳಿರಬಹುದು

ನೀವು ಎಂದಿಗೂ ಲೈಂಗಿಕ ಕ್ರಿಯೆ ಬಯಸದೇ ಇದ್ದರೆ

ನಾನು ಸಂನ್ಯಾಸಿಯಂತೆ ಬದುಕುತ್ತೇನೆ, ನನಗೆ ಲೈಂಗಿಕ ಕ್ರಿಯೆಯಲ್ಲಿ ಆಸಕ್ತಿ ಇಲ್ಲ ಎಂದರೆ ತಪ್ಪಿಲ್ಲ, ಆದರೆ ಮದುವೆಯಾದ ಮೇಲೆ ನನಗೆ ಲೈಂಗಿಕ ಕ್ರಿಯೆಯಲ್ಲಿ ಆಸಕ್ತಿ ಇಲ್ಲ ಎಂದರೆ ಅದು ದೊಡ್ಡ ತಪ್ಪು.

ಮದುವೆ ಎಂಬುವುದು ದೈಹಿಕ ಆಸೆಗಳನ್ನು ಈಡೇರಿಸಿಕೊಳ್ಳಲು ಸಮಾಜ ಹಾಕಿಕೊಟ್ಟ ಉತ್ತಮವಾದ ಚೌಕಷ್ಟು, ಆದರೆ ಮದುವೆಯಾದ ಮೇಲೆ ನನಗೆ ಆಸಕ್ತಿ ಇಲ್ಲ ಎಂದರೆ ಅದು ಸಂಗಾತಿಗೆ ಮಾಡುವ ಮಹಾದ್ರೋಹವಾಗುತ್ತದೆ. ಕೆಲವರಲ್ಲಿ ಲೈಂಗಿಕ ಸಾಮಾರ್ಥ್ಯ ಕಡಿಮೆ ಇರುತ್ತದೆ, ಇನ್ನು ಕೆಲವರು ಸಲಿಂಗಿಗಳಾಗಿರುತ್ತಾರೆ, ಇಂಥವರು ಸಮಾಜದ ಕಣ್ಣಿಗೆ ಮಣ್ಣೆರೆಚಲು ಮದುವೆಯಾಗುತ್ತಾರೆ. ಆದರೆ ಸಂಗಾತಿಗೆ ಸುಖ ನೀಡಲು ಸಾಧ್ಯವಾಗುವುದಿಲ್ಲ ಹಾಗಾಗಿ ಆಸಕ್ತಿ ಇಲ್ಲ ಎಂದು ಹೇಳುತ್ತಾರೆ.

ಮದುವೆಯಾದ ಮೇಲೆ ನಿಮ್ಮ ಸಂಗಾತಿ ನಿಮ್ಮಿಂದ ದೈಹಿಕ ಅಂತರ ಕಾಯ್ದುಕೊಳ್ಳುತ್ತಿದ್ದರೆ ಆ ಸಂಗಾತಿ ಜೊತೆ ನೀವು ಬಯಸಿದ ವೈವಾಹಿಕ ಜೀವನ ಸಿಗುವುದಿಲ್ಲ ಎಂದು ಹೇಳಬಹುದು.

ಅನಾರೋಗ್ಯದ ಕಾರಣ

ಚೆನ್ನಾಗಿ ಸಾಗುತ್ತಿದ್ದ ಸಂಸಾರದಲ್ಲಿ ಇದ್ದಕ್ಕಿದ್ದಂತೆ ಸಂಗಾತಿಗೆ ಅಪಘಾತ ಅಥವಾ ಮತ್ಯಾವುದೋ ಕಾಯಿಲೆ ಬರಬಹುದು, ಈ ಕಾರಣದಿಂದಾಗಿ ಅವರಿಗೆ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿಕೊಳ್ಳಲು ಸಾಧ್ಯವಾಗದೇ ಇರಬಹುದು ಅಥವಾ ಆಸಕ್ತಿ ಕುಂದಬಹುದು. ಈ ಸಂದರ್ಭದಲ್ಲಿ ದೈಹಿಕ ಆಸೆಗಿಂತ ಇಬ್ಬರಲ್ಲಿ ಮಾನಸಿಕ ಬಂಧ ಮುಖ್ಯವಾಗಿರುತ್ತದೆ. ಇಬ್ಬರಲ್ಲಿ ಪ್ರೀತಿ, ಹೊಂದಾಣಿಕೆಯಿದ್ದರೆ ಅಲ್ಲಿ ದೈಹಿಕ ಆಸೆಗಿಂತ ಪ್ರೀತಿಗೆ ಹೆಚ್ಚು ಮಹತ್ವವಿರುತ್ತದೆ. ಅಂಥ ದಂಪತಿಗಳು ಜೀವನ ಮೊದಲಿನ ಸ್ಥಿತಿಗೆ ಬರುವವರೆಗೆ ದೈಹಿಕವಾಗಿ ಸೇರುವುದಿಲ್ಲ, ಸಂಗಾತಿಯಿಂದ ದೈಹಿಕ ಸುಖ ಸಿಗುತ್ತಿಲ್ಲ ಎಂಬ ನಿರಾಸೆಯೂ ಅವನು/ಅವಳಿಗೆ ಕಾಡುವುದಿಲ್ಲ, ಆ ದಂಪತಿಯಲ್ಲಿ ಪವಿತ್ರ ಪ್ರೇಮವನ್ನಷ್ಟೇ ಕಾಣಬಹುದು.

ಇತ್ತೀಚೆಗೆ ಸಂಗಾತಿ ನಿರಾಸಕ್ತಿ ತೋರುತ್ತಿದ್ದರೆ

ಮೇಲೆ ಹೇಳಿದ ಕಾರಣ ಯಾವುದೂ ಇಲ್ಲ, ಇತ್ತೀಚೆಗೆ ಯಾಕೋ ಸಂಗಾತಿ ತನ್ನತ್ತ ಆಸಕ್ತಿ ತೋರಿಸುತ್ತಿಲ್ಲ, ಸದಾ ಮೊಬೈಲ್ ಅಥವಾ ತನ್ನದೇ ಲೋಕದಲ್ಲಿ ಇರುತ್ತಾರೆ ಎಂದಾದರೆ ನೀವು ಅವರ ನಡುವಳಿಕೆ ಬಗ್ಗೆ ಗಮನ ಹರಿಸಿದರೆ ಒಳ್ಳೆಯದು. ಕೆಲವೊಮ್ಮೆ ಅನೈತಿಕ ಸಂಬಂಧಕ್ಕೆ ಬಿದ್ದಾಗ ಸಂಗಾತಿಯಿಂದ ಈ ರೀತಿ ದೈಹಿಕ ಅಂತರ ಕಾಯ್ದುಕೊಳ್ಳುತ್ತಾರೆ. ನೀವು ಆಸೆಯಿಂದ ಸಮೀಪ ಹೋದಾಗ ಅವರು ನಿರಾಕರಿಸಿದರೆ ಖಂಡಿತ ಅದು ಒಳ್ಳೆಯ ಸೂಚನೆ ಅಲ್ಲ.

ಸಂಗಾತಿ ಬೇರೆ ಸಂಬಂಧದಲ್ಲಿ ಇದ್ದಾನೆ/ಳೆ ಎಂದು ಸೂಚಿಸುವ ಲಕ್ಷಣಗಳು

• ನಿಮ್ಮ ಮಾತುಗಳನ್ನು ಕೇಳಲು ನಿರಾಸಕ್ತಿ ತೋರುವುದು
• ಅವರು ಮಾತು ಮತ್ತು ಪ್ರವೃತ್ತಿಗೆ ಸಂಬಂಧವೇ ಇರಲ್ಲ
• ನೀವು ಏನು ಹೇಳುತ್ತೀರೋ ಅವರು ನಿರ್ಲಕ್ಷ್ಯಸುತ್ತಾರೆ.



ತುಂಬಾ ಸಮಯದಿಂದ ಲೈಂಗಿಕ ತೃಪ್ತಿ ಇಲ್ಲದಿದ್ದರೆ ಏನಾಗುತ್ತೆ?

• ನೀವು ಬಯಸಿದ ಪ್ರೀತಿ, ಲೈಂಗಿಕ ಸುಖ ಸಂಗಾತಿಯಿಂದ ದೊರೆಯದಿದ್ದರೆ ಅತೃಪ್ತಿ ಉಂಟಾಗುವುದು, ಇದರಿಂದ ಮಾನಸಿಕ ಒತ್ತಡ ಉಂಟಾಗುವುದು.
• ಸಂಬಂಧದಲ್ಲಿ ಬಂಧವು ಕ್ಷೀಣಿಸುವುದು.

ಸಂಗಾತಿಯಿಂದ ಲೈಂಗಿಕ ಸುಖ ದೊರೆಯದಿದ್ದರೆ ಅದಕ್ಕೆ ಕಾರಣ ತಿಳಿದುಕೊಳ್ಳಿ. ಆಗ ನೀವು ಅವರ ಜೊತೆ ಬಾಳಬೇಕೆ ಇಲ್ಲ ನಿಮ್ಮನ್ನು ಪ್ರೀತಿಸುವ ವ್ಯಕ್ತಿಗಾಗಿ ಹುಡುಕಬೇಕೆ ಎಂಬುವುದು ಸ್ಪಷ್ಟವಾಗುವುದು.