ಪ್ರಿಯತಮನಿಂದ ಆ ಒಂದು ವಿಷಯದಲ್ಲಿ ನಿಮಗೆ ಮೋಸ ಆಗುತ್ತಿದೆಯೇ?

ಇದರ ಬಗ್ಗೆ ಆತನೊಂದಿಗೆ ಮಾತನಾಡಿದರೆ ತಪ್ಪಿಲ್ಲ

ನೀವು ಸುಖದ ಪರಾಕಾಷ್ಠೆಯನ್ನು ತಲುಪಲು ಸಾಧ್ಯವಾಗುತ್ತಿಲ್ಲವೆನ್ನುವ ಬಗ್ಗೆ ನೀವು ಆತನಿಗೆ ಹೇಳಿದರೆ ಒಳ್ಳೆಯದು. ಆತ ಇದಕ್ಕೆ ಏನಾದರೂ ಮಾಡಬಹುದು. ನೀವು ಇದರ ಬಗ್ಗೆ ತಿಳಿಸದೆ ಇದ್ದರೆ ಹಾಸಿಗೆಯಲ್ಲಿ ಎಲ್ಲವೂ ಸರಿಯಾಗಿಯೇ ಇದೆ ಎಂದು ಆತನಿಗೆ ಅನಿಸುವುದು.

ಇದು ನಿಮ್ಮ ಸಂಬಂಧದ ಮೇಲೆ ಪರಿಣಾಮ ಬೀರುವುದೇ?

ನಿಮಗೆ ಸರಿಯಾಗಿ ಲೈಂಗಿಕ ಸುಖ ನೀಡಲು ಸಾಧ್ಯವಾಗದೆ ಇರುವಂತಹ ಹುಡುಗನೊಂದಿಗೆ ನೀವು ಭವಿಷ್ಯದಲ್ಲಿ ಬದುಕಬಲ್ಲೀರಾ ಎನ್ನುವುದನ್ನು ನೀವು ಮೊದಲು ಯೋಚಿಸಿ. ಲೈಂಗಿಕ ಪರಾಕಾಷ್ಠೆ ತಲುಪುವುದು ದೊಡ್ಡ ವಿಷಯವಲ್ಲವೆಂದು ಮತ್ತು ಸಂಬಂಧದಲ್ಲಿ ಇತರ ಎಲ್ಲವೂ ಸರಿಯಾಗಿದೆ ಎಂದು ನಿಮಗನಿಸಿದರೆ ಆಗ ನೀವು ಮುಖದಲ್ಲಿ ಕಳ್ಳ ನಗು ಬೀರಿ ಸಂಬಂಧ ಮುಂದುವರಿಸಬಹುದು.

ಆತ ಪ್ರಯತ್ನಿಸಬಹುದೇ?

ನಿಮಗೆ ಲೈಂಗಿಕ ಪರಾಕಾಷ್ಠೆ ತಲುಪಲು ಸಾಧ್ಯವಿಲ್ಲವೆಂದು ಆತನಿಗೆ ನೀವು ಹೇಳಿದ ಬಳಿಕ ಆತ ಏನಾದರೂ ಮಾಡಿದ್ದಾನೆಯಾ? ನಿಮ್ಮ ತೃಪ್ತಿ ಉಂಟು ಮಾಡಲು ಅತ ಹೊಸತನ ಪ್ರಯೋಗ ಮಾಡಿದ್ದಾನೆಯಾ? ಫಲಿತಾಂಶಕ್ಕಿಂತ ಆತನ ಪ್ರಯತ್ನಗಳು ತುಂಬಾ ಮುಖ್ಯವಾಗಿರುವುದು. ನಿಮ್ಮ ಬಗ್ಗೆ ಚಿಂತೆ ಮತ್ತು ಕಾಳಜಿ ಇರುವಂತಹ ಹುಡುಗ ಬಹುಬೇಗ ಅಲ್ಲದೇ ಇದ್ದರೂ ಸ್ವಲ್ಪ ವಿಳಂಬವಾಗಿಯಾದರೂ ತನ್ನ ಗುರಿ ತಲುಪಬಲ್ಲ. ಆತ ಪ್ರಯತ್ನವನ್ನೇ ಮಾಡದೆ ಇದ್ದರೆ ಆಗ ನೀವು ಇದರ ಬಗ್ಗೆ ಗಂಭೀರವಾಗಿ ಯೋಚನೆ ಮಾಡುವ ಅಗತ್ಯವಿದೆ.

ಲೈಂಗಿಕ ಆಟದಲ್ಲಿ ಹೆಚ್ಚು ತೊಡಗಿಕೊಳ್ಳಿ

ನಿಮ್ಮ ಸಂಬಂಧವು ತುಂಬಾ ಒಳ್ಳೆಯದಿದೆ ಮತ್ತು ಆತ ನಿಮಗಾಗಿಯೇ ಭೂಮಿ ಮೇಲೆ ಬಂದಂತಹ ಹುಡುಗ ಎಂದು ನಿಮಗೆ ಅನಿಸುತ್ತಾ ಇದ್ದರೆ ಆಗ ನೀವು ಲೈಂಗಿಕ ಆಟದಲ್ಲಿ ಹೆಚ್ಚು ತೊಡಗಿಕೊಂಡು ನಿಮ್ಮ ಲೈಂಗಿಕ ಪರಾಕಾಷ್ಠೆ ತಲುಪುವಂತಹ ಸಮಸ್ಯೆಯನ್ನು ದೂರ ಮಾಡಿಕೊಳ್ಳಬಹುದು.

ಸುಳ್ಳು ಹೇಳುತ್ತಿದ್ದೀರಾ?

ಒಂದು ಒಂದು ಅಥವಾ ಎರಡು ದಿನ ಲೈಂಗಿಕ ಪರಾಕಾಷ್ಠೆ ತಲುಪಿದ ಬಗ್ಗೆ ಸುಳ್ಳು ಹೇಳಬಹುದು. ಅದರೆ ಇದರ ಬಳಿಕ ನಿಮಗೆ ತುಂಬಾ ಬೋರ್ ಆಗುತ್ತದೆ.

ಆತನಿಗೆ ಸಮಯ ನೀಡಲು ನಿರ್ಧರಿಸಿದ್ದೀರಾ?

ನಿಮ್ಮ ದೇಹದ ಯಾವ ಭಾಗದಿಂದ ಸುಖ ಸಿಗುತ್ತದೆ ಎಂದು ಆತನಿಗೆ ಹೇಳಿ ಮತ್ತು ನಿಮ್ಮ ದೇಹವನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಲು ಆತನಿಗೆ ಹೆಚ್ಚಿನ ಸಮಯ ನೀಡಿ. ಸ್ವಲ್ಪ ಸಮಯದ ಬಳಿಕ ಆತ ಒಳ್ಳೆಯ ಪ್ರದರ್ಶನ ನೀಡಬಹುದು. ನೀವು ಕಾಯಬೇಕಷ್ಟೆ.

ನೀವು ಸ್ನೇಹಿತರಾಗಿದ್ದೀರಾ?

ಪ್ರಿಯತಮ ಮತ್ತು ಸ್ನೇಹಿತನ ಮಧ್ಯೆ ಇರುವ ವ್ಯತ್ಯಾಸವೇ ರೋಮ್ಯಾನ್ಸ್. ನಿಮ್ಮ ಪ್ರಿಯತಮನ ಜತೆಗೆ ನೀವು ಎಲ್ಲಾ ರೀತಿಯ ಲೈಂಗಿಕ ಸುಖ ಅನುಭವಿಸಬಹುದು. ಆದರೆ ಸ್ನೇಹಿತನೊಂದಿಗಲ್ಲ. ನಿಮಗೆ ಪ್ರಿಯತಮ ಲೈಂಗಿಕ ಪರಾಕಾಷ್ಠೆ ನೀಡಲು ಸಾಧ್ಯವಿಲ್ಲದೆ ಇದ್ದರೆ ಆತನೊಂದಿಗೆ ಇರಲು ಬಯಸುತ್ತೀರಾ ಅಥವಾ ಆತನನ್ನು ಸ್ನೇಹಿತನಾಗಿ ನೋಡುತ್ತೀರಾ ಎಂದು ಮೊದಲು ನಿರ್ಧರಿಸಿ. ಆ ಸುಖವಿಲ್ಲದೆ ಬದುಕುವುದು ತುಂಬಾ ನಿರಾಶೆ ಉಂಟು ಮಾಡಬಹುದು. ಆದರೆ ನಿಮಗೆ ಅದನ್ನು ನಿಭಾಯಿಸಲು ಸಾಧ್ಯವೆಂದಾದರೆ ನೀವು ಆತನೊಂದಿಗೆ ಇರಬಹುದು.