ಧೂಮಪಾನ ಬಿಡಬೇಕಾ? ಈ ಡ್ರಿಂಕ್ ಕುಡಿದ್ರೆ ಸಾಕು.. ಸಿಗರೇಟ್ ಚಟ 100% ಕಂಟ್ರೋಲ್ ಆಗುತ್ತೆ!

ಧೂಮಪಾನ ತ್ಯಜಿಸಲು ಮ್ಯಾಜಿಕ್ ಡ್ರಿಂಕ್! ಸಿಗರೇಟ್ ಬಯಕೆ, ಆತಂಕ ಕಡಿಮೆ ಮಾಡುವ ಆಯುರ್ವೇದ ಪಾನೀಯ ಇದು. ಹೌದು, ಧೂಮಪಾನ (smoking) ತ್ಯಜಿಸುವುದು ಕೇವಲ ಒಂದು ನಿರ್ಧಾರವಲ್ಲ. ಇದು ಜೀವನದ ಒಂದು ದೊಡ್ಡ ಸವಾಲು. ಆದರೆ, ಇದು ಅಷ್ಟೇ ಮುಖ್ಯವಾದ ನಿರ್ಧಾರ. ಕಠಿಣ ಹೋರಾಟವಾಗಿದೆ. ನಿಕೋಟಿನ್‌ನ ದೈಹಿಕ ವ್ಯಸನವು ತೀವ್ರವಾದ ಬಯಕೆ, ಆತಂಕ ಮತ್ತು ಚಡಪಡಿಕೆಗೆ ಕಾರಣವಾಗುತ್ತದೆ. ದೇಹದಲ್ಲಿ ಶೇಖರವಾದ ವಿಷಕಾರಿ ಕಫ ಮತ್ತು ಟಾರ್ ಶ್ವಾಸಕೋಶವನ್ನು ದುರ್ಬಲಗೊಳಿಸುತ್ತವೆ. ಈ ಸವಾಲನ್ನು ಎದುರಿಸಲು ಇಚ್ಛಾಶಕ್ತಿಯ ಜೊತೆಗೆ, ದೇಹಕ್ಕೆ ಆಂತರಿಕ ಬೆಂಬಲವೂ ಅತ್ಯಗತ್ಯ.

ನೀವು ಸಹ ಧೂಮಪಾನ ಬಿಡಲು ಪ್ರಯತ್ನಿಸುತ್ತಿದ್ದೀರಾ? ಈ 'ಗಿಡಮೂಲಿಕೆಗಳ ಮಿಶ್ರಿತ ನೀರು' (Infused Water) ಸಿಗರೇಟ್ ಸೇದುವ ಬಯಕೆಯನ್ನು ಕಡಿಮೆ ಮಾಡುತ್ತದೆ. ನಿಮ್ಮ ಮನೆಯ ಅಡುಗೆಮನೆ ಮತ್ತು ಆಯುರ್ವೇದ ಮಳಿಗೆಗಳಲ್ಲಿ ಸುಲಭವಾಗಿ ದೊರೆಯುವ ಕೆಲವು ಗಿಡಮೂಲಿಕೆಗಳಿಂದ ಆಯುರ್ವೇದ ಇನ್ಫ್ಯೂಸ್ಡ್ ವಾಟರ್ (ಕುದಿಸಿ ಸಿದ್ಧಪಡಿಸಿದ ನೀರು) ಅನ್ನು ತಯಾರಿಸಬಹುದು. ಇದು ಧೂಮಪಾನ ತ್ಯಜಿಸುವ ನಿಮ್ಮ ಪ್ರಯತ್ನದಲ್ಲಿ ಪ್ರಬಲ ಮಿತ್ರನಾಗಿ ಕಾರ್ಯನಿರ್ವಹಿಸುತ್ತದೆ. ಇದು ನರಗಳನ್ನು ಶಾಂತಗೊಳಿಸಿ, ಬಯಕೆಯನ್ನು ಕಡಿಮೆ ಮಾಡಿ, ಮತ್ತು ಶ್ವಾಸಕೋಶವನ್ನು ನೈಸರ್ಗಿಕವಾಗಿ ಬಲಪಡಿಸಲು ಸಹಕಾರಿಯಾಗಿದೆ.

ಈ ಪಾನೀಯದ (Infused Water) ತಯಾರಿಕೆಯಲ್ಲಿ ಬಳಸುವ ಪ್ರತಿ ಪದಾರ್ಥವೂ ಒಂದು ನಿರ್ದಿಷ್ಟ ಆರೋಗ್ಯ ಸಮಸ್ಯೆಯನ್ನು ನಿವಾರಿಸುವ ಉದ್ದೇಶವನ್ನು ಹೊಂದಿದೆ. ಈ ಮಿಶ್ರಣದ ನೀರನ್ನು ಫ್ಲಾಸ್ಕ್‌ನಲ್ಲಿ ಹಾಕಿ ದಿನವಿಡೀ ನಿಧಾನವಾಗಿ ಸೇವಿಸುವುದರಿಂದ, ಔಷಧೀಯ ಗುಣಗಳು ನಿರಂತರವಾಗಿ ನಿಮ್ಮ ದೇಹವನ್ನು ಸೇರುತ್ತವೆ. ಇದು ಆಂತರಿಕ ಶುದ್ಧೀಕರಣ ಮತ್ತು ಶಾಂತಿಗೆ ನೆರವಾಗುತ್ತವೆ.

ಈ ಪಾನೀಯ ತಯಾರಿಕೆಗೆ ಬೇಕಾಗುವ ಪದಾರ್ಥಗಳು

• ತುಳಸಿ ಎಲೆಗಳು - 5 ರಿಂದ 7 ಎಲೆಗಳು
• ಓಮ (ಅಜ್ವೈನ್) - 1/2 ಚಮಚ
• ಜೇಷ್ಠಮಧು (ಅತಿಮಧುರ) ಕಡ್ಡಿ - 1 ಸಣ್ಣ ತುಂಡು
• ಲವಂಗ - 2 ರಿಂದ 3 (ಸಿಗರೇಟ್ ಬಯಕೆ ನಿಯಂತ್ರಿಸುತ್ತದೆ)
• ಬ್ರಾಹ್ಮಿ ಎಲೆಗಳು / ಪುಡಿ - 1 ಚಮಚ
• ಶಂಖಪುಷ್ಪಿ ಹೂವು / ಪುಡಿ - 1 ಚಮಚ

ಈ ಪಾನೀಯ ತಯಾರಿಸುವ ಸರಳ ವಿಧಾನ ಹೀಗಿದೆ

ಒಂದು ಪಾತ್ರೆಯಲ್ಲಿ ಸುಮಾರು 1 ರಿಂದ 1.5 ಲೀಟರ್ ಶುದ್ಧ ನೀರನ್ನು ತೆಗೆದುಕೊಂಡು ಕುದಿಸಿ. ನೀರು ಕುದಿಯಲು ಪ್ರಾರಂಭಿಸಿದಾಗ ಮೇಲೆ ತಿಳಿಸಿದ ಎಲ್ಲಾ ಪದಾರ್ಥಗಳನ್ನು ಹಾಕಿ. ಸುಮಾರು 5 ರಿಂದ 7 ನಿಮಿಷಗಳ ಕಾಲ ಸಣ್ಣ ಉರಿಯಲ್ಲಿ ಕುದಿಸಿ, ನಂತರ ಉರಿಯನ್ನು ಆರಿಸಿ. ಈ ಮಿಶ್ರಣವನ್ನು ತಣ್ಣಗಾಗಲು ಬಿಟ್ಟು, ತಣ್ಣಗಾದ ನಂತರ ಶೋಧಿಸಿ ಥರ್ಮಸ್ ಫ್ಲಾಸ್ಕ್‌ಗೆ ವರ್ಗಾಯಿಸಿ. ದಿನವಿಡೀ ಸಾಮಾನ್ಯ ನೀರಿನ ಬದಲಾಗಿ ಇದನ್ನೇ ಸ್ವಲ್ಪ ಸ್ವಲ್ಪವಾಗಿ ಕುಡಿಯಿರಿ.

ಈ ಗಿಡಮೂಲಿಕೆಗಳು ಕಾರ್ಯನಿರ್ವಹಿಸುವ ವಿಧಾನ

• ತುಳಸಿ ಎಲೆ: ತುಳಸಿಯು 'ಅಡಾಪ್ಟೋಜೆನ್' ಗುಣಗಳನ್ನು ಹೊಂದಿದ್ದು, ಮೆದುಳಿನ ನರಗಳನ್ನು ಶಾಂತಗೊಳಿಸಿ, ಒತ್ತಡದ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಒತ್ತಡ ಕಡಿಮೆಯಾದಂತೆ ಸಿಗರೇಟ್ ಸೇವಿಸುವ ತೀವ್ರ ಬಯಕೆಯೂ ಕಡಿಮೆಯಾಗುತ್ತದೆ.

• ಅಜ್ವೈನ್: ಓಮವು ಧೂಮಪಾನದ ದೀರ್ಘಕಾಲದ ಪರಿಣಾಮವಾಗಿ ಶ್ವಾಸಕೋಶದಲ್ಲಿ ಶೇಖರಗೊಂಡಿರುವ ವಿಷಕಾರಿ ಕಫ ಮತ್ತು ದ್ರವಗಳನ್ನು ಹೊರಹಾಕಲು ಅತ್ಯುತ್ತಮವಾಗಿದೆ. ಇದು ದೇಹದ ಶುದ್ಧೀಕರಣ ಮತ್ತು ಶ್ವಾಸಕೋಶದ ಮಾರ್ಗಗಳನ್ನು ತೆರವುಗೊಳಿಸುವ ಮೂಲಕ ಉಸಿರಾಟವನ್ನು ಸುಗಮಗೊಳಿಸಿ, ಚಡಪಡಿಕೆ ಕಡಿಮೆಯಾಗಲು ಸಹಾಯ ಮಾಡುತ್ತದೆ.

• ಜೇಷ್ಠಮಧು: ಜೇಷ್ಠಮಧುವಿನ (ಮೂಲೆಥಿ)ನೈಸರ್ಗಿಕ ಸಿಹಿ ರುಚಿ ಸಿಗರೇಟ್ ಸೇದುವಾಗ ಬಾಯಿಗೆ ಸಿಗುವ ಅನುಭವ ಮತ್ತು ರುಚಿ ತೃಪ್ತಿಯನ್ನು ಪೂರೈಸುತ್ತದೆ. ಅಲ್ಲದೆ, ಇದು ಧೂಮಪಾನದಿಂದ ಒಣಗಿದ ಮತ್ತು ಕೆರಳಿದ ಗಂಟಲು ಹಾಗೂ ಶ್ವಾಸನಾಳಕ್ಕೆ ಆರಾಮ ನೀಡುತ್ತದೆ.

• ಬ್ರಾಹ್ಮಿ ಎಲೆ: ಬ್ರಾಹ್ಮಿ ಮತ್ತು ಶಂಖಪುಷ್ಪಿಯು ಆಯುರ್ವೇದದಲ್ಲಿ ಪ್ರಮುಖ ಮಸ್ತಿಷ್ಕ ಟಾನಿಕ್‌ಗಳಾಗಿವೆ. ಧೂಮಪಾನ ತ್ಯಜಿಸುವಾಗ ಉಂಟಾಗುವ ತೀವ್ರ ಆತಂಕ, ಕಿರಿಕಿರಿ ಮತ್ತು ಮಾನಸಿಕ ಅಸ್ಥಿರತೆಯನ್ನು ಇವು ನಿವಾರಿಸುತ್ತವೆ. ಈ ಗಿಡಮೂಲಿಕೆಗಳು ಮಾನಸಿಕ ಸಮತೋಲನ ಕಾಯ್ದುಕೊಳ್ಳಲು ಸಹಾಯ ಮಾಡಿ, ಮನಸ್ಸನ್ನು ಶಾಂತವಾಗಿ ಇಡುತ್ತವೆ.

• ಲವಂಗ: ಲವಂಗದ ತೀಕ್ಷ್ಣವಾದ ಮತ್ತು ತಾಜಾ ಪರಿಮಳವು ನಾಲಿಗೆಯ ನಿಕೋಟಿನ್ ಬಯಕೆಯನ್ನು ತಕ್ಷಣವೇ ತಿರಸ್ಕರಿಸುವ ಶಕ್ತಿ ಹೊಂದಿದೆ. ಲವಂಗವನ್ನು ಅಗಿಯುವುದು ಧೂಮಪಾನದ ಅಭ್ಯಾಸಕ್ಕೆ ಪರ್ಯಾಯವಾಗಿ ಕೆಲಸ ಮಾಡುತ್ತದೆ.

ಧೂಮಪಾನ ತ್ಯಜಿಸಲು ಆಯುರ್ವೇದ ಸಲಹೆಗಳು ಇಲ್ಲಿವೆ

- ಸಿಗರೇಟ್ (cigarette) ಸೇದುವ ಚಟ ಬಂದಾಗ, ತಕ್ಷಣ ಬಾಯಿ ತೆರೆಯದೆ, ನಿಮ್ಮ ಜೇಬಿನಲ್ಲಿ ಇರಿಸಿರುವ ಲವಂಗ, ಏಲಕ್ಕಿ ಅಥವಾ ಸೋಂಪು ಕಾಳುಗಳನ್ನು ಅಗಿಯಿರಿ. ಇದು ಬಾಯಿಯ ಚಲನೆಯ ಬಯಕೆಯನ್ನು (Oral Fixation) ಪೂರೈಸುತ್ತದೆ.

- ಪ್ರತಿದಿನ ಬೆಳಗ್ಗೆ, ಹಸುವಿನ ಶುದ್ಧ ತುಪ್ಪ ಅಥವಾ ಅಣು ತೈಲವನ್ನು ಒಂದೆರಡು ಹನಿ ಮೂಗಿನ ಹೊಳ್ಳೆಗಳಿಗೆ ಹಾಕಿಕೊಳ್ಳುವ ನಸ್ಯ ಪದ್ಧತಿಯು ಶ್ವಾಸಕೋಶದ ಮಾರ್ಗಗಳನ್ನು ಬಲಪಡಿಸುತ್ತದೆ. ಒಣಗಿದ ಲೋಳೆಯ ಪೊರೆಗಳಿಗೆ ಚಿಕಿತ್ಸೆ ನೀಡುತ್ತದೆ ಮತ್ತು ಉಸಿರಾಟದ ವ್ಯವಸ್ಥೆಯನ್ನು ಬಲಗೊಳಿಸುತ್ತದೆ.

- ಪ್ರತಿದಿನ ಕನಿಷ್ಠ 10-15 ನಿಮಿಷಗಳ ಕಾಲ ಅನುಲೋಮ ವಿಲೋಮ ಪ್ರಾಣಾಯಾಮ (ಪರ್ಯಾಯ ಮೂಗಿನ ಉಸಿರಾಟ) ಅಭ್ಯಾಸ ಮಾಡಿ. ಈ ಪ್ರಾಣಾಯಾಮವು ದೇಹದಲ್ಲಿನ ಆಮ್ಲಜನಕದ ಹರಿವನ್ನು ಹೆಚ್ಚಿಸುತ್ತದೆ ಮತ್ತು ಧೂಮಪಾನ ತ್ಯಜಿಸುವುದರಿಂದ ಉಂಟಾಗುವ ಆತಂಕ ಹಾಗೂ ಒತ್ತಡವನ್ನು ಪರಿಣಾಮಕಾರಿಯಾಗಿ ಕಡಿಮೆ ಮಾಡುತ್ತದೆ.

ಒಟ್ಟಾರೆಯಾಗಿ, ಈ ಆಯುರ್ವೇದ ಪಾನೀಯ (infused water for quitting smoking) ಮತ್ತು ಸರಳ ಸಲಹೆಗಳ ಮೂಲಕ, ನೀವು ಧೂಮಪಾನದ ಕೆಟ್ಟ ಚಟದಿಂದ ಸುಲಭವಾಗಿ ಹೊರಬರಲು ಸಾಧ್ಯ. ಸ್ಥಿರತೆ ಮತ್ತು ವಿಶ್ವಾಸದಿಂದ ಈ ಪಾನೀಯವನ್ನು ಸೇವಿಸಿ, ನಿಮ್ಮ ದೇಹದ ನೈಸರ್ಗಿಕ ಗುಣಪಡಿಸುವ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಿ.