ರೈನ್ ಬೋ ಸ್ಯಾಂಡ್ ವಿಚ್- ಸುಲಭದ ರೆಸಿಪಿ

Updated: Monday, September 24, 2012, 9:38 [IST]

ಸ್ಯಾಂಡ್ ವಿಚ್ ಮಕ್ಕಳಿಗೆ ಮಾತ್ರವಲ್ಲ, ದೊಡ್ಡವರಿಗೂ ಮೆಚ್ಚಿನ ತಿಂಡಿಯಾಗಿದೆ. ಒಂದು ಸ್ಯಾಂಡ್ ವಿಚ್ ಅನ್ನು ಅಂಗಡಿಯಿಂದ ಕೊಂಡು ತಿನ್ನುವುದಾದರೆ ಕಮ್ಮಿಯೆಂದರೂ 20-25ರೂ ಕೊಡಬೇಕು. ಆದರೆ ಅದೇ ಸ್ಯಾಂಡ್ ವಿಚ್ ಅನ್ನು ಮನೆಯಲ್ಲಿ ಮಾಡಿದರೆ ನಿಮಗೆ ಬೇಕಾದಷ್ಟು ತಯಾರಿಸಬಹುದು ಖರ್ಚು ಕಡಿಮೆ ಮತ್ತು ಇದನ್ನು ಸುಲಭವಾಗಿ ತಯಾರಿಸಬಹುದಾಗಿರುವುದರಿಂದ ಹೆಚ್ಚಿನ ಶ್ರಮ ಪಡಬೇಕಾಗಿಲ್ಲ.

ಬೇಕಾಗುವ ಸಾಮಾಗ್ರಿಗಳು:
* ಬ್ರೆಡ್ ಪೀಸ್ 4
* ಬೆಣ್ಣೆ
* ಚೀಸ್ 1/4 ಕಪ್
* ಟೊಮೆಟೊ ಸಾಸ್
* ಸ್ಯಾಂಡ್ ವಿಚ್ ಚಟ್ನಿ(ಸ್ಯಾಂಡ್ ವಿಚ್ ಚಟ್ನಿ ರೆಸಿಪಿ ಇಲ್ಲಿದೆ)
* ರುಚಿಗೆ ತಕ್ಕ ಉಪ್ಪು
* ಕರಿಮೆಣಸಿನ ಪುಡಿ

ತಯಾರಿಸುವ ವಿಧಾನ:

1. ಬ್ರೆಡ್ ನ ತುದಿಗಳನ್ನು ಚಾಕುವಿನಿಂದ ಕತ್ತರಿಸಬೇಕು.

2. ಈಗ ಬ್ರೆಡ್ ಮೇಲೆ ಬೆಣ್ಣೆ ಸವರಿ ಅದರ ಮೇಲೆ ಉಪ್ಪನ್ನು ಉದುರಿಸಬೇಕು, ನಂತರ ಕರಿಮೆಣಸಿನ ಪುಡಿಯನ್ನು ಉದುರಿಸಬೇಕು. ನಂತರ ಚೀಸ್ ನ ತುಂಡನ್ನು ಇಟ್ಟು ಅದರ ಮೇಲೆ ಒಂದು ಬ್ರೆಡ್ ಪೀಸ್ ಇಡಬೇಕು. ನಂತರ ಆ ಬ್ರೆಡ್ ಪೀಸ್ ಮೇಲೆ ಟೊಮೆಟೊ ಸಾಸ್ ಅನ್ನು ಸವರಬೇಕು, ನಂತರ ಅದರ ಮೇಲೆ ಮತ್ತೊಂದು ಬ್ರೆಡ್ ಇಟ್ಟು, ಸ್ಯಾಂಡ್ ವಿಚ್ ಚಟ್ನಿ ಸವರಿ ಈಗ ನಾಲ್ಕನೇ ಬ್ರೆಡ್ ಪೀಸ್ ಅನ್ನು ಅದರ ಮೇಲೆ ಇಟ್ಟು ಎಲ್ಲಾ ಬ್ರೆಡ್ ಪೀಸ್ ಗಳನ್ನು ಸೇರಿಸಿ ಒಮ್ಮೆ ಪ್ರೆಸ್ ಮಾಡಿ ನಂತರ ಬ್ರೆಡ್ ನ ಎರಡೂ ಬದಿಗೆ ಸ್ವಲ್ಪ ಬೆಣ್ಣೆ ಸವರಿ ರೋಸ್ಟ್ ಮಾಡಿದರೆ ರುಚಿಕರವಾದ ರೈನ್ ಬೋ ಸ್ಯಾಂಡ್ ವಿಚ್ ರೆಡಿ.

ಆರೋಗ್ಯಕರವಾದ ಬ್ರೇಕ್ ಫಾಸ್ಟ್ ಸ್ಯಾಂಡ್ ವಿಚ್ ರೆಸಿಪಿ ತಿಳಿಯಲು ಮುಂದೆ ನೋಡಿ.