ಮೆಂತ್ಯೆ ಸೊಪ್ಪಿನ ಭಾತ್‌ನಲ್ಲಿ ರುಚಿ ಮತ್ತು ಶಕ್ತಿ!

ಮನೆಗೆ ಅತಿಥಿಗಳು ಬಂದಾಗ, ಈ ತಿಂಡಿಯನ್ನು ಟ್ರೆೃಮಾಡಿ... ಒಂದು ಪ್ರಶಂಸೆಯನ್ನು ದಕ್ಕಿಸಿಕೊಳ್ಳಿ...

ಬೇಕಾಗುವ ಸಾಮಾಗ್ರಿಗಳು :

• ಮೆಂತ್ಯೆ ಸೊಪ್ಪು- ಒಂದು ಕಟ್ಟು
• ಈರುಳ್ಳಿ -2
• ಟೊಮೆಟೊ-2
• ಬೆಳ್ಳುಳ್ಳಿ- 6ಎಸಳು
• ಚೆಕ್ಕೆ ಸ್ವಲ್ಪ
• ಲವಂಗ-2
• ಬಟಾಣಿ -ಒಂದು ಮುಷ್ಟಿ
• ಅಕ್ಕಿ- ಒಂದು ಪಾವು
• ಕಾಯಿತುರಿ - ಒಂದು ಮುಷ್ಟಿ
• ಸಾರಿನ ಪುಡಿ - 1 ಚಮಚ
• ಹುಳಿ ಪುಡಿ - 1 ಚಮಚ
• ಎಣ್ಣೆ - 5ರಿಂದ 6 ಚಮಚ
• ನಿಂಬೆಹಣ್ಣಿನ ರಸ ಸ್ವಲ್ಪ

ಮಾಡುವ ವಿಧಾನ :
ಮೊದಲು ಮಿಕ್ಸಿಯಲ್ಲಿ ಬೆಳ್ಳುಳ್ಳಿ, ಚೆಕ್ಕೆ, ಲವಂಗ, ಕಾಯಿ ತುರಿ, ಸಾರಿನ ಪುಡಿ, ಹುಳಿ ಪುಡಿ ಹಾಕಿ ನೀರು ಹಾಕದೆ ಪುಡಿ ಮಾಡಿಕೊಳ್ಳಿ.

ನಂತರ ಬಾಣಲೆಗೆ ಎಣ್ಣೆ ಹಾಕಿ ಒಗ್ಗರಣೆ ಮಾಡಿ. ನಂತರ ಈರುಳ್ಳಿ, ಮೆಂತ್ಯೆ ಸೊಪ್ಪು ಎರಡನ್ನು ಎಣ್ಣೆಗೆ ಹಾಕಿ ಬಾಡಿಸಿರಿ. ಇವೆರಡು ಬೆಂದ ಮೇಲೆ ಟೊಮೆಟೊ ಹಾಕಿ ಬಾಡಿಸಿರಿ.

ನಂತರ ಮಿಕ್ಸಿಯಲ್ಲಿ ಪುಡಿ ಮಾಡಿಕೊಂಡ ಮಿಶ್ರಣವನ್ನು ಹಾಕಿ ಸೇರಿಸಿ. ಆಮೇಲೆ ಅನ್ನ, ಬಟಾಣಿ, ಉಪ್ಪು ಎಲ್ಲ ಹಾಕಿ ಕಲೆಸಿ. 5 ನಿಮಿಷದವರೆಗೂ ಹಾಗೆ ಬಿಡಿ. ಒಲೆ ಆರಿಸಿ ಕೆಳಗಿಳಿಸಿದ ಮೇಲೆ ಕೊನೆಯಲ್ಲಿ ನಿಂಬೆರಸವನ್ನು ಬೆರೆಸಿರಿ.

ಆಮೇಲೆ ಅನ್ನುವಿರಾ? ಅಲ್ಲಿಗೆ ಮೆಂತ್ಯೆ ಭಾತ್‌ ರೆಡಿ... ರುಚಿ ನೋಡೋದೊಂದು ಬಾಕಿ...