ಮನೆಯಲ್ಲಿಯೆ ಮಾಡಬಹುದು ಪನ್ನೀರ್ ಕ್ಯಾಪ್ಸಿಕಂ ಸ್ಟ್ರಾಟರ್ಸ್‌

Snacks

oi-Reena

By Hema S

Published: Monday, April 30, 2012, 10:55 [IST]

ರೆಸ್ಟೋರೆಂಟ್‌ಗಳಿಗೆ ಹೋದ ತಕ್ಷಣ ಸ್ಟ್ರಾಟರ್ಸ್‌ ತರಿಸಿಕೊಳ್ಳುತ್ತೇವೆ. ಆದರೆ ಆ ರೀತಿಯ ಸ್ಟ್ರಾಟ್ಸ್ ತಯಾರಿಸುವುದು ಕಷ್ಟದ ಕೆಲಸವೆಂದು ಹೆಚ್ಚಿನ ಜನರು ನಂಬಿರುತ್ತಾರೆ. ಆದರೆ ಈ ರೀತಿಯ ಸ್ಟ್ರಾಟರ್ಸ್‌ಗಳನ್ನು ಮನೆಯಲ್ಲಿಯೆ ಸುಲಭವಾಗಿ ತಯಾರಿಸಬಹುದು. ಇವತ್ತು ನಾವು ಪನ್ನೀರ್ ಮತ್ತು ಕ್ಯಾಪ್ಸಿಕಂ ಹಾಕಿ ತಯಾರಿಸುವ ರುಚಿಕರವಾದ ತಿಂಡಿ (ಸ್ಟ್ರಾಟರ್ಸ್‌) ತಯಾರಿಸುವ ವಿಧಾನದ ಬಗ್ಗೆ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

*ಚೌಕಾಕಾರದಲ್ಲಿ ಕತ್ತರಿಸಿದ ಪನ್ನೀರ್ 400 ಗ್ರಾಂ
* ಕತ್ತರಿಸಿದ ದೊಡ್ಡ ಮೆಣಸಿನ ಕಾಯಿ 50 ಗ್ರಾಂ
* ಮೊಸರು 200 ಗ್ರಾಂ
* 2 ಚಮಚ ಉಪ್ಪು
* 1 ಚಮಚ ಗರಂ ಮಸಾಲ
* ಒಂದು ಕಟ್ಟು ಕೊತ್ತಂಬರಿ ಸೊಪ್ಪು
* 15 ಗ್ರಾಂ ಪುದೀನಾ
* 6 ಎಸಳು ಬೆಳ್ಳುಳ್ಳಿ
* ರುಚಿಗೆ ತಕ್ಕ ಉಪ್ಪು
ಅಲಂಕಾರಕ್ಕೆ:
* ಕೆಂಪು ಎಲೆಕೋಸು
* ಕತ್ತರಿಸಿದ 1 ನಿಂಬೆ ಹಣ್ಣು

ತಯಾರಿಸುವ ವಿಧಾನ:

1. ಕತ್ತರಿಸಿದ ದೊಡ್ಡ ಮೆಣಸಿನ ಕಾಯಿ, ಮೊಸರು, ಉಪ್ಪು, ಗರಂ ಮಸಾಲ ಪುಡಿ, ಕೊತ್ತಂಬರಿ ಪುಡಿ, ಕೊತ್ತಂಬರಿ ಸೊಪ್ಪು ಮತ್ತು ಬೆಳ್ಳುಳ್ಳಿಯನ್ನು ಜೊತೆಗೆ ಹಾಕಿ ಮಿಕ್ಸಿಯಲ್ಲಿ ಅರೆಯಬೇಕು.

2. ಪನ್ನೀರ್ ಅನ್ನು ಕತ್ತರಿಸಿ ಈ ಮಿಶ್ರಣದಲ್ಲಿ ಹಾಕಿಡಬೇಕು.

3. ನಂತರ ಪನ್ನೀರ್ ಅನ್ನು ಮೈಕ್ರೋವೇವ್‌ನಲ್ಲಿ ಗ್ರಿಲ್ಡ್ ಮಾಡಬೇಕು.

4. ಈಗ ಸ್ಟ್ರಾಟರ್ಸ್‌ ಅನ್ನು ತಟ್ಟೆಯಲ್ಲಿ ಹಾಕಿ ಕೆಂಪು ಎಲೆಕೋಸು ಮತ್ತು ನಿಂಬೆ ಹಣ್ಣು ಕತ್ತರಿಸಿ ಅಲಂಕರಿಸಿದರೆ ರುಚಿಕರವಾದ ಪನ್ನೀರ್ ಸ್ಟ್ರಾಟರ್ಸ್ ರೆಡಿ.