ರುಚಿಕರವಾದ ಕೋಟೇಜ್ ಪುಡ್ಡಿಂಗ್ ರೆಸಿಪಿ

Published: Thursday, April 5, 2012, 10:26 [IST]

ಪುಡ್ಡಿಂಗ್ ವಿದೇಶಿ ಶೈಲಿಯ ಆಹಾರ. ಆದರೆ ಈ ತಿಂಡಿ ಭಾರತದಲ್ಲಿ ಚೈನೀಸ್ ಅಡುಗೆಯ ರೀತಿ ಜನಪ್ರಿಯತೆಯನ್ನು ಗಳಿಸುತ್ತಿದೆ. ಪೇಡಾದಲ್ಲಿ ನಾನಾ ಬಗೆ ಇರುವಂತೆ ಪುಡ್ಡಿಂಗ್‌‌ಯನ್ನು ಕೂಡ ನಾನಾ ಬಗೆಯಲ್ಲಿ ತಯಾರಿಸಬಹುದು. ಈ ತಿಂಡಿಯನ್ನು ಬಲು ಸುಲಭವಾಗಿ ತಯಾರಿಸಬಹುದಾಗಿದ್ದು, ಇವತ್ತು ನಾವು ಕೋಟೇಜ್ ಪುಡ್ಡಿಂಗ್ ರೆಸಿಪಿ ಮಾಡುವ ವಿಧಾನದ ಬಗ್ಗೆ ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:

1. ಬೇಯಿಸಿದ ಆಲೂಗೆಡ್ಡೆ 4
2. ಒಂದು ಕಪ್ ಹಾಲು
3. ಎರಡು ಮೊಟ್ಟೆ
4. 1/4 ಕಪ್ ಸಕ್ಕರೆ

ತಯಾರಿಸುವ ವಿಧಾನ:

1. ಬೇಯಿಸಿದ ಆಲೂಗೆಡ್ಡೆಯನ್ನು ಚೆನ್ನಾಗಿ ಹಿಸುಕಬೇಕು. ನಂತರ ಸಕ್ಕರೆ ಮತ್ತು ಮೊಟ್ಟೆಯನ್ನು ಹಾಕಿ ಮಿಶ್ರ ಮಾಡಿ ನಂತರ ಹಾಲು ಹಾಕಿ ಚೆನ್ನಾಗಿ ಬೆರೆಸಬೇಕು.

2. ಈಗ ಪುಡ್ಡಿಂಗ್ ಮಾಡುವ ಪಾತ್ರೆಗೆ ಸ್ವಲ್ಪ ಎಣ್ಣೆ ಸವರಿ ಈ ಮಿಶ್ರಣವನ್ನು ಅದರಲ್ಲಿ ಹಾಕಿ ಮೈಕ್ರೋವೇವ್ ಅನ್ನು ಸಾಧಾರಣ ಉಷ್ಣತೆಯಲ್ಲಿ ಇಟ್ಟು 3/4 ಗಂಟೆ ಬೇಯಿಸಿದರೆ ಕೋಟೇಜ್ ಪುಡ್ಡಿಂಗ್ ರೆಡಿ.

ಇದನ್ನು ಸುಲಭವಾಗಿ ತಯಾರಿಸಬಹುದು, ತಿನ್ನಲೂ ಕೂಡ ತುಂಬಾ ರುಚಿಯಾಗಿರುತ್ತದೆ ಟ್ರೈ ಮಾಡಿ ನೋಡಿ.