Name: ಸಂಕ್ರಾಂತಿ : ಎಳ್ಳು-ಬೆಲ್ಲದ ಲಡ್ಡು ರೆಸಿಪಿ
Prep time: 30 min
Cook time: 10 min
Total time: 40 min
Yield: 8

ಸಂಕ್ರಾಂತಿಗೆ ಎಳ್ಳು-ಬೆಲ್ಲ ತಯಾರಿಸಲಾಗುವುದು, ಇದರ ಜೊತೆಗೆ ನೀವು ಅನೇಕ ಬಗೆಯ ಸಿಹಿ ತಿಂಡಿ ಕೂಡ ಮಾಡಬಹುದು. ನಾವಿಲ್ಲಿ ಸಂಕ್ರಾಂತಿಗೆ ಎಳ್ಳು-ಬೆಲ್ಲದ ಲಡ್ಡು ಮಾಡುವ ರೆಸಿಪಿ ನೀಡಿದ್ದೇವೆ. ಚಳಿಗಾಲದಲ್ಲಿ ಆರೋಗ್ಯಕ್ಕೆ ಹೇಳಿ ಮಾಡಿಸಿದ ರೆಸಿಪಿ ಇದಾಗಿದೆ. ಈ ಎಳ್ಳು-ಬೆಲ್ಲದ ಉಂಡೆ ಮಾಡಿಟ್ಟು ದಿನಾ ಒಂದು ಸವಿದರೆ ಆರೋಗ್ಯಕ್ಕೆ, ತ್ವಚೆಗೆ ತುಂಬಾನೇ ಒಳ್ಳೆಯದು. ನೆಲಗಡಲೆ, ಎಳ್ಳಿನಲ್ಲಿರುವ ಎಣ್ಣೆಯಂಶ ತ್ವಚೆ ರಕ್ಷಣೆ ಮಾಡಿದರೆ ಬೆಲ್ಲ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು.

ಈ ಎಳ್ಳು-ಬೆಲ್ಲದ ರೆಸಿಪಿ ಮಾಡುವುದು ದೊಡ್ಡ ಕಷ್ಟವೇನಿಲ್ಲ, ತುಂಬಾ ಸುಲಭವಾಗಿ ಮಾಡಬಹುದು ನೋಡಿ:

Til Jaggery Ladoo, ಎಳ್ಳು-ಬೆಲ್ಲದ ಲಡ್ಡು

Prep Time

30 Mins

Cook Time

10M

Total Time

40 Mins

Recipe By: Reena TK

Recipe Type: snacks

Serves: 5

Ingredients

ಬೇಕಾಗುವ ಸಾಮಗ್ರಿ

*145ಗ್ರಾಂ ಅಥವಾ 1 ಕಪ್‌ ಬಿಳಿ ಎಳ್ಳು

* 40 ಗ್ರಾಂ ನೆಲಗಡಲೆ

* 1/2 ಕಪ್ ತೆಂಗಿನ ತುರಿ

* 100ಗ್ರಾಂ ಅಥವಾ ಮುಕ್ಕಾಲು ಕಪ್‌ ತುರಿದ ಬೆಲ್ಲ

* 1/2 ಚಮಚ ಏಲಕ್ಕಿ ಪುಡಿ

How to Prepare

ಮಾಡುವುದು ಹೇಗೆ?

1. ಎಳ್ಳನ್ನು ಹುರಿಯಿರಿ

* ಎಳ್ಳನ್ನು ಸ್ವಚ್ಛ ಮಾಡಿ, ಕಲ್ಲು ಇದ್ದರೆ ತೆಗೆಯಿರಿ. ಪ್ಯಾನ್‌ ಬಿಸಿ ಮಾಡಿ ಕಡಿಮೆ ಉರಿಯಲ್ಲಿ ಹುರಿಯಿರಿ.

* ಎಳ್ಳು ಚೆನ್ನಾಗಿ ರೋಸ್ಟ್ ಮಾಡಬೇಕು, ಎಳ್ಳನ್ನು ಹುರಿದಾಗ ಚಟ್‌ಪಟ್ ಅಂತ ಶಬ್ದ ಬರುತ್ತದೆ ಅಷ್ಟು ಹೊತ್ತು ಹುರಿಯಬೇಕು, ನಂತರ ಅದನ್ನು ಒಂದು ಪ್ಲೇಟ್‌ನಲ್ಲಿ ಹಾಕಿಡಿ.

2. ನೆಲಗಡಲೆ ಹುಡಿಯಿರಿ

* ನೆಲಗಡಲೆಯನ್ನು ಕೂಡ ಕಡಿಮೆ ಉರಿಯಲ್ಲಿ ಚೆನ್ನಾಗಿ ಹುರಿಯಿರಿ. ನಂತರ ತಣ್ಣಗಾಗಲು ಪ್ಲೇಟ್‌ನಲ್ಲಿ ಹಾಕಿ.

3. ತೆಂಗಿನ ತುರಿಯನ್ನು ಕಡಿಮೆ ಉರಿಯಲ್ಲಿ ಹುರಿಯಿರಿ. ತೆಂಗಿನ ತುರಿ ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗುವಾಗ ತಣ್ಣಗಾಗಲು ತಟ್ಟೆಯಲ್ಲಿ ಹಾಕಿಡಿ.

4. ವಿಧಾನ

* ಈಗ ಎಳ್ಳು, ನೆಲಗಡಲೆ, ತೆಮಗಿನ ತುರಿ ತರಿ-ತರಿಯಾಗಿ ರುಬ್ಬಿ, ನಂತರ ಬೆಲ್ಲವನ್ನು ಪುಡಿ ಮಾಡಿ.

* ಈಗ ಒಂದು ಬೌಲ್‌ಗೆ ಬೆಲ್ಲ, ರುಬ್ಬಿದ ಮಿಶ್ರಣ ಹಾಕಿ, ಏಲಕ್ಕಿ ಪುಡಿ ಮಿಕ್ಸ್ ಮಾಡಿ, ಚಿಕ್ಕ-ಚಿಕ್ಕ ಉಂಡೆ ಕಟ್ಟಿದರೆ ಎಳ್ಳು-ಬೆಲ್ಲದ ಲಡ್ಡು ರೆಡಿ.