ನಡುಗುವ ಚಳಿಗೆ ಬಿಸಿ ಬಿಸಿ ಬ್ರೊಕೊಲಿ ಸೂಪ್

Rasam

oi-Sumalatha

By Sumalatha

Published: Friday, December 16, 2011, 18:08 [IST]

ಪೋಷಕಾಂಶ ತುಂಬಿರುವ ಆಹಾರವನ್ನು ಹುಡುಕುತ್ತಿದ್ದೀರಾ? ಹಾಗಾದರೆ ಈ ಹಸಿರು ಸೂಪ್ ನಿಮ್ಮ ನಿರೀಕ್ಷೆಯನ್ನು ನಿಜ ಮಾಡುತ್ತೆ. ಹಲವು ಪೋಷಕಾಂಶಗಳ ಗೂಡಾಗಿರುವ ಬ್ರೊಕೋಲಿಯಿಂದ ಸೂಪ್ ಮಾಡಿ ಕುಡಿದರೆ ಆರೋಗ್ಯಕ್ಕೆ ಹೆಚ್ಚು ಉಪಯೋಗ. ಚಳಿಗಾಲದಲ್ಲಿ ರುಚಿಯೊಂದಿಗೆ ನಿಮ್ಮ ದೇಹವನ್ನು ಸದೃಢವಾಗಿಟ್ಟುಕೊಳ್ಳಲು ಬ್ರೊಕೋಲಿ ಸೂಪ್ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬ್ರೊಕೊಲಿ ಸೂಪ್ ಗೆ ಬೇಕಾಗುವ ಪದಾರ್ಥಗಳು:
* 500 ಗ್ರಾಂ ಬ್ರೊಕೊಲಿ
* 1 ಈರುಳ್ಳಿ (ಕತ್ತರಿಸಿದ್ದು)
* 4 ಬೆಳ್ಳುಳ್ಳಿ ಎಸಳು
* 1 ಕಪ್ ಕಡಿಮೆ ಕೊಬ್ಬಿನಂಶದ ಹಾಲು
* ನೀರು ಅಥವಾ ತರಕಾರಿ ಬೇಯಿಸಿದ ನೀರು (ಬೇಕಿದ್ದರೆ)
* ಉಪ್ಪು, ಮೆಣಸಿನ ಪುಡಿ, ಸ್ವಲ್ಪ ಬೆಣ್ಣೆ

ಬ್ರೊಕೊಲಿ ಸೂಪ್ ತಯಾರಿಸುವ ವಿಧಾನ:
* ಬ್ರೊಕೊಲಿಯನ್ನು ಚೆನ್ನಾಗಿ ತೊಳೆದು ಚಿಕ್ಕ ಚಿಕ್ಕದಾಗಿ ಕತ್ತರಿಸಿಕೊಳ್ಳಬೇಕು. ಉಪ್ಪು ಬೆರೆಸಿದ ನೀರಿನಲ್ಲಿ 15-20 ನಿಮಿಷ ನೆನೆಸಿ ನೀರು ಬಸಿಯಬೇಕು.

* ಚಿಕ್ಕ ಬಾಣಲೆಯನ್ನು ಬಿಸಿ ಮಾಡಿ ಅದರಲ್ಲಿ ಬೆಣ್ಣೆ ಹಾಕಬೇಕು. ಬೆಣ್ಣೆ ಕಾದ ನಂತರ ಬ್ರೊಕೊಲಿ ಹಾಕಿ ಬೆಳ್ಳುಳ್ಳಿ ಎಸಳು ಮತ್ತು ಕತ್ತರಿಸಿದ ಈರುಳ್ಳಿಯನ್ನು ಹಾಕಬೇಕು. ಉಪ್ಪು ಮತ್ತು ಮೆಣಸಿನ ಪುಡಿ ಬೆರೆಸಿ 6-8 ನಿಮಿಷ ಈರುಳ್ಳಿ ಕೆಂಪು ಬಣ್ಣಕ್ಕೆ ತಿರುಗುವವರೆಗು ತಿರುಗಿಸಬೇಕು.

* ನಂತರ ನೀರು ಅಥವಾ ತರಕಾರಿ ಬೇಯಿಸಿದ ನೀರು ಹಾಕಿ ಚೆನ್ನಾಗಿ ತಿರುಗಿಸಬೇಕು. ಬೇಯಲು ಬಿಟ್ಟು 5-10 ನಿಮಿಷ ಕುದಿಸಿದ ನಂತರ ಹಾಲನ್ನು ಬೆರೆಸಬೇಕು. ಈ ಮಿಶ್ರಣ ಗಟ್ಟಿಯಾಗುವವರೆಗೂ ಬೇಯಿಸಿದರೆ ಬ್ರೊಕೊಲಿ ಸೂಪ್ ಕುಡಿಯಲು ಸಿದ್ಧ.