ಮಾಮೂಲಿ ಇಡ್ಲಿ ಬೇಡವೇ ಬೇಡ! ಕೇವಲ ಕುಂಬಳಕಾಯಿ ಬಳಸಿ ಮಾಡಿ ಸೂಪರ್ ಇಡ್ಲಿ

ಖಾರ ಪ್ರಿಯರಿಗೆ ಸ್ಪೈಸಿ ಪಂಪ್ಕಿನ್ ಇಡ್ಲಿ! ಈ ಸೀಕ್ರೆಟ್ ಟ್ವಿಸ್ಟ್ ನಿಮಗೆ ಇಷ್ಟವಾಗುತ್ತದೆ. ಹೌದು, ದಕ್ಷಿಣ ಭಾರತದ ಖಾದ್ಯಗಳು ಜಾಗತಿಕವಾಗಿ ಜನಪ್ರಿಯವಾಗಿವೆ. ಆದರೆ, ಕರ್ನಾಟಕದ ಸ್ಪೈಸಿ ಪಂಪ್ಕಿನ್ ಇಡ್ಲಿ ಅಥವಾ ಕುಂಬಳಕಾಯಿ ಇಡ್ಲಿ (Spicy Pumpkin Idli) ತನ್ನ ವಿಭಿನ್ನ ರುಚಿಯಿಂದ ಗಮನ ಸೆಳೆಯುತ್ತದೆ. ಕುಂಬಳಕಾಯಿಯ ನೈಸರ್ಗಿಕ ಸಿಹಿ, ಲಘು ಮಸಾಲೆಗಳ ಖಾರ ಹಾಗೂ ತೆಂಗಿನ ಎಣ್ಣೆಯ ಸುವಾಸನೆಯು ಈ ಇಡ್ಲಿಯ ಪ್ರಮುಖ ಆಕರ್ಷಣೆ.

ಕುಂಬಳಕಾಯಿಯ ಸೇರ್ಪಡೆಯು ಇಡ್ಲಿಯನ್ನು ಮೃದು ಹಾಗೂ ಸ್ಪಾಂಜಿಯಾಗಿ ಮಾಡಿ, ಅದರ ಸ್ವಾದವನ್ನು ಹೆಚ್ಚಿಸುತ್ತದೆ. ಚಟ್ಪಟಾ ರುಚಿಗಳನ್ನು ಇಷ್ಟಪಡುವವರಿಗೆ ಈ ಟ್ವಿಸ್ಟ್ ಹೊಸ ಅನುಭವ ನೀಡುತ್ತದೆ. ಆರೋಗ್ಯಕರ ಹಾಗೂ ಸಾಂಪ್ರದಾಯಿಕ ರುಚಿಯ ಈ ಇಡ್ಲಿಯನ್ನು ಸುಲಭವಾಗಿ ತಯಾರಿಸುವ ವಿಧಾನ (Spicy Pumpkin Idli Recipe) ಇಲ್ಲಿದೆ.

Photo Credit: ಸಂಗ್ರಹ ಚಿತ್ರ

ಸ್ಪೈಸಿ ಕುಂಬಳಕಾಯಿ ಇಡ್ಲಿಗೆ ಬೇಕಾದ ಸಾಮಗ್ರಿಗಳು

• ತುರಿದ ಕುಂಬಳಕಾಯಿ - 2 ಕಪ್
• ರವೆ (ಸೂಜಿ) - 1 ಕಪ್
• ಮೊಸರು - ½ ಕಪ್
• ಹಸಿ ಮೆಣಸಿನಕಾಯಿ ಪೇಸ್ಟ್ -1 ಚಮಚ
• ಶುಂಠಿ ಪೇಸ್ಟ್ - 1 ಚಮಚ
• ಅರಿಶಿನ ಪುಡಿ - ¼ ಚಮಚ
• ಸಾಸಿವೆ - ½ ಚಮಚ
• ಕರಿಬೇವಿನ ಎಲೆಗಳು - 6-8
• ತೆಂಗಿನ ಎಣ್ಣೆ (ಒಗ್ಗರಣೆಗೆ) - 1 ಚಮಚ
• ಉಪ್ಪು - ರುಚಿಗೆ ತಕ್ಕಷ್ಟು
• ಇನೋ ಅಥವಾ ಬೇಕಿಂಗ್ ಸೋಡಾ - ½ ಚಮಚ (ತಕ್ಷಣ ತಯಾರಿಸುವುದಾದರೆ ಮಾತ್ರ)

ಸ್ಪೈಸಿ ಪಂಪ್ಕಿನ್ ಇಡ್ಲಿ ತಯಾರಿಸುವ ವಿಧಾನ

ಆರೋಗ್ಯಕರ ಮತ್ತು ರುಚಿಕರ ಸ್ಪೈಸಿ ಪಂಪ್ಕಿನ್ ಇಡ್ಲಿ (Spicy Pumpkin Idli) ಉತ್ತಮ ಉಪಾಹಾರ. ಪೌಷ್ಟಿಕಾಂಶ ಭರಿತ ಕುಂಬಳಕಾಯಿಯೊಂದಿಗೆ ಕರ್ನಾಟಕದ ದೇಸಿ ಶೈಲಿಯಲ್ಲಿ ಇದನ್ನು ತಯಾರಿಸುವ ವಿಧಾನ ಇಲ್ಲಿದೆ.

- ಮೊದಲಿಗೆ, ಬಾಣಲೆಯಲ್ಲಿ ತೆಂಗಿನ ಎಣ್ಣೆ ಬಿಸಿ ಮಾಡಿ. ಸಾಸಿವೆ ಹಾಗೂ ಕರಿಬೇವಿನ ಎಲೆಗಳ ಒಗ್ಗರಣೆ ತಯಾರಿಸಿ.

- ನಂತರ ತುರಿದ ಕುಂಬಳಕಾಯಿ ಸೇರಿಸಿ 2 ರಿಂದ 3 ನಿಮಿಷ ಹುರಿಯಿರಿ. ಇದು ಕುಂಬಳಕಾಯಿಯ ಹಸಿ ವಾಸನೆ ದೂರ ಮಾಡುತ್ತದೆ.

- ಈಗ ಬ್ಯಾಟರ್‌ಗೆ, ದೊಡ್ಡ ಪಾತ್ರದಲ್ಲಿ ರವೆ (ಸೂಜಿ), ಮೊಸರು, ಅರಿಶಿನ, ಶುಂಠಿ-ಹಸಿ ಮೆಣಸಿನಕಾಯಿ ಪೇಸ್ಟ್, ಮತ್ತು ಉಪ್ಪು ಮಿಕ್ಸ್ ಮಾಡಿ.

- ಹುರಿದ ಕುಂಬಳಕಾಯಿ ಸೇರಿಸಿ ಇಡ್ಲಿ ಬ್ಯಾಟರ್ ತಯಾರಿಸಿ. ಹಿಟ್ಟನ್ನು 10 ನಿಮಿಷ ವಿಶ್ರಾಂತಿಗೆ ಬಿಡಿ, ರವೆ ನೀರನ್ನು ಹೀರಿಕೊಳ್ಳುತ್ತದೆ.

- ಈಗ ಇಡ್ಲಿ ಪ್ಲೇಟ್‌ಗಳಿಗೆ ಎಣ್ಣೆ ಅಥವಾ ತುಪ್ಪ ಸವರಿ ಜಿಗುಟಾಗದಂತೆ ಸಿದ್ಧಪಡಿಸಿ. ಇಡ್ಲಿ ಸ್ಟೀಮರ್‌ನಲ್ಲಿ ನೀರನ್ನು ಬಿಸಿ ಮಾಡಿರಿ.

- ಬಳಿಕ ಬೇಯಿಸುವ ಮೊದಲು, ಬ್ಯಾಟರ್‌ಗೆ ಇನೋ (Eno) ಸೇರಿಸಿ ತಕ್ಷಣ ನಿಧಾನವಾಗಿ ಮಿಕ್ಸ್ ಮಾಡಿ. ಇನೋ ಹಾಕಿದ ಬಳಿಕ ಹೆಚ್ಚು ಹೊತ್ತು ಕಾಯಿಸದೆ, ಕೂಡಲೇ ಇಡ್ಲಿ ಹಾಕಬೇಕು.

- ನಂತರ ಮೌಲ್ಡ್‌ಗಳಿಗೆ ಹಿಟ್ಟು ತುಂಬಿ, ಬಿಸಿ ಸ್ಟೀಮರ್‌ನಲ್ಲಿ 12 ರಿಂದ 15 ನಿಮಿಷ ಬೇಯಿಸಿ.

- ಇಡ್ಲಿ ಬೆಂದ ನಂತರ, ಹೊರತೆಗೆಯುವ ಮೊದಲು ಸ್ವಲ್ಪ ತಣ್ಣಗಾಗಲು ಬಿಡಿ.

- ಈ ಸ್ಪೈಸಿ ಪಂಪ್ಕಿನ್ ಇಡ್ಲಿ ತೆಂಗಿನಕಾಯಿ ಅಥವಾ ಟೊಮೆಟೊ ಚಟ್ನಿಯೊಂದಿಗೆ ಹೆಚ್ಚು ರುಚಿಕರ.

- ಕುಂಬಳಕಾಯಿಯ ಪೌಷ್ಟಿಕಾಂಶ ಸೇರಿ ಈ ದೇಸಿ ಖಾದ್ಯ ಉಪಾಹಾರಕ್ಕೆ ಹೊಸ ಮೆರುಗು ನೀಡುತ್ತದೆ.

ಸೀಕ್ರೆಟ್ ಟಿಪ್ ಬಳಸಿ

ಕುಂಬಳಕಾಯಿ ಇಡ್ಲಿ ಬಡಿಸುವಾಗ, ಕರಿಬೇವಿನ ಎಲೆ ಮತ್ತು ಸಾಸಿವೆಯಿಂದ ತಯಾರಿಸಿದ ಮತ್ತೊಂದು ಸಣ್ಣ ಒಗ್ಗರಣೆಯನ್ನು ಅದರ ಮೇಲೆ ಹಾಕಿ. ಇದರಿಂದ, ಇಡ್ಲಿಯ ರುಚಿ ಮತ್ತು ಪರಿಮಳ ಇನ್ನಷ್ಟು ಹೆಚ್ಚುತ್ತದೆ.