ಹೆಸರು ಬೇಳೆ ಹಲ್ವಾ ರೆಸಿಪಿ

Recipes

lekhaka-Lekhaka

Posted By: Divya Pandit

Updated: Friday, June 15, 2018, 11:16 [IST]

ಮೂಂಗ್‍ದಾಲ್/ಹೆಸರು ಬೇಳೆ ಹಲ್ವಾ ಮೂಲತಹ ರಾಜಸ್ಥಾನದ ವಿಶೇಷವಾದ ತಿಂಡಿ. ಉತ್ತರ ಭಾರತದ ಊಟದ ತಟ್ಟೆಯಲ್ಲಿ ಇದೊಂದು ವಿಶೇಷವಾದ ಸಿಹಿ ತಿಂಡಿಯಾಗಿರುವುದನ್ನು ನಾವು ಕಾಣಬಹುದು. ಇಲ್ಲಿಯ ಜನರು ಚಳಿಗಾಲದಲ್ಲಿ ಇದನ್ನು ಸವಿಯಲು ಹೆಚ್ಚು ಇಷ್ಟಪಡುತ್ತಾರೆ. ಇದರಲ್ಲಿ ತುಪ್ಪ, ಸಕ್ಕರೆ, ಒಣ ಹಣ್ಣುಗಳ ಮಿಶ್ರಣ ಇರುವುದರಿಂದ ಇದನ್ನು ಸವಿಯಲು ಖುಷಿ ನೀಡುತ್ತದೆ.

ಇದನ್ನು ಕರ್ನಾಟಕದಲ್ಲಿ ಹಿಸಾರ್ ಬೀಲ್ ಹಲ್ವಾ ಎಂದು ಕರೆಯುತ್ತಾರೆ. ಉತ್ಸವ ಹಾಗೂ ವಿಶೇಷ ಸಂದರ್ಭಗಳಲ್ಲಿ ಇದನ್ನು ತಯಾರಿಸುತ್ತಾರೆ. ಹೆಸರು ಬೇಳೆ ನೈಸರ್ಗಿಕವಾಗಿ ಸಮೃದ್ಧವಾದ ಪ್ರೋಟೀನ್ ಹೊಂದಿರುವುದರಿಂದ ಇದೊಂದು ಆರೋಗ್ಯ ಪೂರ್ಣ ತಿಂಡಿ ಎಂದು ಪರಿಗಣಿಸಲಾಗುವುದು. ಇದರ ಪಾಕ ವಿಧಾನದಲ್ಲಿ ಹಾಲನ್ನು ಸೇರಿಸಿ ತಯಾರಿಸಬಹುದು.

ಇಲ್ಲವೇ ಹಾಲನ್ನು ಬಳಸದೆಯೂ ತಯಾರಿಸಬಹುದು. ನಮ್ಮ ಅಗತ್ಯಕ್ಕೆ ತಕ್ಕಂತೆ ತಯಾರಿಸಬಹುದಾದ ಈ ಸಿಹಿ ತಿಂಡಿಯ ಪಾಕವಿಧಾನಕ್ಕೆ ಸ್ವಲ್ಪ ಸಮಯ ತಗಲುವುದು. ಆದರೆ ಸಿಹಿತಿಂಡಿ ತಯಾರಾದ ನಂತರ ಸಮಯ ಹಾಗೂ ಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯುವುದು.

ಹಬ್ಬಗಳ ಸಾಲನ್ನು ಹೊಂದಿರುವ ಈ ಶ್ರಾವಣ ಮಾಸಕ್ಕೆ ಅಥವಾ ವಿಶೇಷವಾದ ಅತಿಥಿಗಳು ಮನೆಗೆ ಬಂದಾಗ ಈ ರೆಸಿಪಿಯನ್ನು ಮಾಡುವ ಹವಣಿಕೆಯಲ್ಲಿದ್ದರೆ ಇಲ್ಲಿದೆ ನೋಡಿ ಹಂತ ಹಂತವಾದ ಪಾಕವಿಧಾನ...

ಹೆಸರು ಬೇಳೆ ಹಲ್ವಾ

ಹಂತ ಹಂತವಾದ ಪಾಕವಿಧಾನದ ಮಾಹಿತಿ

1. ಒಂದು ಪಾತ್ರೆಯಲ್ಲಿ ಹೆಸರು ಬೇಳೆಯನ್ನು ಹಾಕಿ 3-4 ಗಂಟೆಗಳಕಾಲ ನೀರಿನಲ್ಲಿ ನೆನೆಯಿಟ್ಟುಕೊಂಡು. ಉಳಿದ ನೀರನ್ನು ಬೇರ್ಪಡಿಸಿಕೊಳ್ಳಬೇಕು. ಹಳದಿ ಬಣ್ಣದ ಹೆಸರು ಬೇಳೆ-1 ಕಪ್, ನೆನೆಸಿಕೊಂಡ ಬೇಳೆ (3-4 ಗಂಟೆ ನೆನೆಸಿಕೊಂಡು , ಹೆಚ್ಚಿರುವ ನೀರನ್ನು ಬೇರ್ಪಡಿಸಿದ ನಂತರದ ಹೆಸರು ಬೇಳೆ)

2. ಮಿಕ್ಸಿಯಲ್ಲಿ ಹಾಕಿರಿ

ಒಂದು ಚಮಚ ನೀರನ್ನು ಬೆರೆಸಿ

3. ರುಬ್ಬಿಕೊಳ್ಳಿ (ಒಂದು ನುಣುಪಾದ ಪೇಸ್ಟ್‍ನಂತೆ ಇರಬೇಕು)

4. ಒಂದು ಬೌಲ್/ಪಾತ್ರೆಯಲ್ಲಿ ಸುರಿಯಿರಿ

1/2 ಕಪ್ ತುಪ್ಪವನ್ನು ಬೆರೆಸಿ
5. ಚೆನ್ನಾಗಿ ಮಿಶ್ರಗೊಳಿಸಿ.

6. ಬಿಸಿ ಮಾಡುವ ಪಾತ್ರೆಯಲ್ಲಿ ಮಿಶ್ರಣವನ್ನು ಸುರಿಯಿರಿ/ಹಾಕಿರಿ

7. ನಿರಂತರವಾಗಿ ಕೈ ಆಡಿಸುತ್ತಿರಿ. ಗಂಟಾಗದಂತೆ ನೋಡಿಕೊಳ್ಳಬೇಕು. (ಸಾಮಾನ್ಯ/ಮಧ್ಯಮ ಉರಿಯಲ್ಲಿ ಬೇಯಿಸಿ)

8. ಮಿಶ್ರಣ ಹೊಂಬಣ್ಣ/ಗೋಲ್ಡನ್ ಬ್ರೌನ್‍ಗೆ ತಿರುಗುವುದು. (ಮಿಶ್ರಣ ಮತ್ತು ಬಣ್ಣ ಎರಡು ಬದಲಾವಣೆ ಹೊಂದುವುದು)

9. 1/4 ಕಪ್ ತುಪ್ಪವನ್ನು ಸುರಿಯಿರಿ.

10. ಸಣ್ಣ ಉರಿಯಲ್ಲಿ ಮಿಶ್ರಣವನ್ನು ನಿರಂತರವಾಗಿ ಕೈ ಆಡಿಸುತ್ತಿರಿ.

11. ಈ ಸಂದರ್ಭದಲ್ಲಿ, ಇನ್ನೊಂದು ಪಾತ್ರೆಯಲ್ಲಿ 1 ಕಪ್ ಸಕ್ಕರೆ ಹಾಕಿ.

ತಕ್ಷಣವೇ ಸಕ್ಕರೆ ಮುಳುಗುವಷ್ಟು ನೀರನ್ನು ಬೆರೆಸಿ ಪಾಕ ತಯಾರಿಸಲು ಇಡಿ
12. ಸಕ್ಕರೆಯು ಹದವಾದ ದಪ್ಪದ ಪಾಕ ಬರುವವರೆಗೆ ಕಾಯಿಸಿ.

13. ಪಾಕ ಬಂದಮೇಲೆ ಮಿಶ್ರಣಕ್ಕೆ ಪಾಕವನ್ನು ಸುರಿಯಿರಿ.

14. ಸ್ವಲ್ಪ ಸಮಯ ಚನ್ನಾಗಿ ಕೈಯಾಡಿಸಿ. (ಮಿಶ್ರಣವು ಗಟ್ಟಿಯಾಗಿ ಪಾತ್ರೆಯ ಸುತ್ತಲಿನ ತಳ ಬಿಡುವವರೆಗೆ)

15. ಚಿಟಕಿ ಏಲಕ್ಕಿ ಪುಡಿಯನ್ನು ಬೆರೆಸಿ.

16. ಚೆನ್ನಾಗಿ ಮಿಶ್ರಗೊಳಿಸಿ.

17. ನಂತರ ಬಡಿಸುವ ಪಾತ್ರೆಗೆ ಸಿಹಿಯನ್ನು ಹಾಕಿ.

18. ಹೆಚ್ಚಿಕೊಂಡ ಬಾದಾಮಿಯಿಂದ ಅಲಂಕರಿಸಿ.

19. ಕೇಸರಿ ಎಳೆಯನ್ನು ಸಿಹಿಯ ಮೇಲೆ ಅಲಂಕರಿಸಿ.